KORINTUS 2 6:15 - Alkitab Singog In Mongondow Masa In Tanaa

¹⁵ Diábí doman in ki Kristus moyopakat takin Ibilis. Onubí in yotongkainea intau in Keresten takin intau inta diá mopirisaya kon i Kristus?

KORINTUS 2 6:15 Mawu Ofanana

DATU MITA IMITÁNEA 18:21

Bo ki Elia in dinimiug kon rayat tatua bo noguman, “Dapotpa in toonu in moiko umuran motoḻindua in gina? Aka ki Tuhan tua in Allah, yo sumbadon in ki Tuhan! Aka Baal tatua in Allah, yo sumbadon in Baal!” Rayat inta noyosipun kon tua in tongádon kibio-biómai.

EZRA 4:3

Táe ki Zerubabel, ki Yesua bo tongguḷu mita in inanakan tatua in notubag, “Kami in diápabí moparaḷu kon totuḷung i utat mita in moposindog in baḷoi kon i Tuhan Allah nami. Kami in moposindogbí tontaní podudui in parenta i Kores, datu in Persia, kon inami.”

MARKUS 16:16

Intau inta diá mopirisaya hukumon. Táe intau inta mopirisaya bo binaptis in posaḷamaton.

OUMAN IN RASUL MITA 5:14

Koonggot-koonggot dá kodugang-kodugang domandon intau inta mopirisaya kon i Tuhan, ḷoḷaki bo bobay.

OUMAN IN RASUL MITA 8:20

Táe ki Petrus in notubag, “Koboditodon iko bo doitmu tanion! Kainimu kamai totabi Allah in motaaubí taḷuionmu?

KORINTUS 1 6:6

Nongonubí sin aka oyúon in yogenggeng kon sigad monimu intau in Keresten, yo bayáanbí monimu pongaduon kon intau inta deeman Keresten!

TIMOTIUS 1 5:8

Táe aka oyúon in intau inta doí monarukiramai kon i utatnea, ginaḷumnea, apadoman intau inta kon bonu in baḷoinea, yo intau tatua in doí mogaid kon onu inta sinuntut in pinirisayanea tatua, dá intau tatua in moraa-raatdon nongkon intau inta diá mopirisaya kon i Kristus.

PETRUS 1 1:21

Sia in pinopodoyonan in pirisaya monimu kon i Allah inta ain nomiag bui kon i-Nia. Dá ki Allahbí in pinirisaya monimu bo ki Allahbí doman in pinopoandoḷan monimu in harapan.

HAKIM MITA 19:22

Koyogot in mosia mobarasanang, daḻíbí in baḷoi tatua iḻipung in intau mita moraat kon kotá tatua. Sinuḷud monia in ḷoḻingkop bo noguman kon guranga tatua, “Ogoidon kon inami in ḷoḷaki inta diniamu kon baḷoimu. Aidanmaidon nami in sia!”

HAKIM MITA 20:13

Ogoidon in intau mita moraat nongkon Gibea tua kon inami sinbá ḻimodondon nami in mosia bo bá inggamáandon in aid moraat tatua kon sigad in Israel.” Táe intau in Benyamin in diábí nokidongogmai kon tosingogon in intau mita in Israel ibanea tatua.

SAMUEL 1 2:12

Ki adí mita i Eli in mongoraat totok. Mosia in doí dumudui kon parenta i Tuhan