KORINTUS 2 6:13 - Alkitab Singog In Mongondow Masa In Tanaa

¹³ Yo tanaa in pomayápa mako in akuoi in mosingog kon i monimu naonda bo guyanga mosingog kon i adíku mita tontaní. Tarimadon in kami kon bonu in gina monimu.

KORINTUS 2 6:13 Mawu Ofanana

MAZMUR 119:32

Takin pia in gina dumudui in akuoi kon parenta-Mu, sin binaḻí-Mu in akuoi totok in momangaḻe.

MAZMUR 81:10

Dikabí in oyúon in kon sigadmu in ilah ibanea, dikabí mosumba kon ilah ibanea.

MARKUS 11:24

Manangka intua yo torop in naa: Aka moiko mosambayang bo oyúon in igumon, yo popirisayabí kon inogoibí i Allah kon inimu onu inigum monimu tua, dá tarimaanbí monimu intua.

GALATIA 4:12

Utatku mita! Poigumonku kon i monimu sinbá moiko in moibog mobaḻí ná akuoi. Sin akuoi ain domandon nobaḻí ná moiko. Bo kinotaauanku in moiko in diápabí kon dodai onda in nogaid kon inta diá mopia kon inakó.

GALATIA 4:19

Uḻe adíku mita inta kinotabiku! Tanaa akuoi in bui notakit sin umuran morai kon i monimu. Takitku naa in naonda bo takit in monononggadí. Moajar totok in porasaanku, aka sipat mita i Kristus bo diápa noitonop kon bonu in gina monimu!

TESALONIKA 1 2:11

Kinotaauanbí monimu in kinototabi nami kon i monimu. Naonda bo guyanga bo adí.

YOHANES 1 2:1

Adíku mita! Naa mita in pinaisku kon i monimu, sinbá moiko in diádon mogaid kon dosa. Tongá aka oyúon in mogaid kon dosa, dá oyúon in mototuḷung naton, Sia tua in ki Yesus Kristus inta moadil. Sia in mayá in tayowon i Allah bo mopoigum sinbá ampungandon in taḷá mita naton.

YOHANES 1 3:18

Adíku mita! Donaaibí in kita motabi tongá kon bibig ande tongá kon singog, táe poniatabí in tabi tatua kon oaid naton.

YOHANES 1 3:7

Adíku mita, dika moibog in moiko poyayingon i inekadon. Sin intau inta nogaid kon onu inta kinoibog i Allah, mosia tuata in ki adí mita i Allah ná doman onda bo ki Kristus inta ki Adí i Allah.

YOHANES 3 1:4

Aka kon inakó, diábí in poḻiu kon ḷunganga in ginaku wakutu in nokodongogmai kon ki adíku mita in umuran nobiag noidudui kon onu inta sinundú i Tuhan.