KORINTUS 2 6:11 - Alkitab Singog In Mongondow Masa In Tanaa

¹¹ Utat mita kon Korintus inta kinotabiku! Kami in taran-tarangan bidon in nosingog kon i monimu, onu in kon gina nami aindon nodait pinotaau nami.

KORINTUS 2 6:11 Mawu Ofanana

AYUB 32:20

Akuoi in mustibí mosingog, sinbá mosanang in ginaku; akuoi in mustibí mobuká kon bibigku bo mobogoi in tontubag.

MAZMUR 119:32

Takin pia in gina dumudui in akuoi kon parenta-Mu, sin binaḻí-Mu in akuoi totok in momangaḻe.

MAZMUR 51:15

Dá tundúonku in parenta-Mu kon intau baradosa, sinbá mobuidon mangoi in mosia kon ini-Mu.

YESAYA 60:5

Mokoontongmai kon natua moherang in iko bo pogotmu in motarimbuka; Moitongau in iko bo moḷoben in gina. Kapunyaan in bangusa mita diaan kon inimu, kaoyúonan nongkon ḷoḷan in dagat momuḻing kon inimu.

YEHEZKIEL 33:22

Kon dodai in doḷom kon tungkuḷ in sia namangoi, kawasa i Tuhan namangoidon kon inakó. Dá kon dodai in intau tatua namangoi kon inakó, nokosingogdon in akuoi diádon nobobó.

HABAKUK 2:5

Kaoyúonan tatua in umuranbí mongakaḷ kon intau. Intau inta motamaa tatua in moḷoḷatú bo mogagawang. Naonda bo popatoi, sia in diábí doman kon dodai in onda in moorop; bayongan in bangusa tokorambitonnea.

OUMAN IN RASUL MITA 18:1

Onda intua ki Paulus in nonaḷámaidon kon Atena bo minayá in Korintus.

OUMAN IN RASUL MITA 18:8

Táe ki Krispus, itoi in baḷoi pososambayangan bo takin bayongan ginaḷumnea mita, komintan nopirisaya kon i Tuhan Yesus. Bo nobayong doman in intau mita in Korintus ibanea in nokodongog kon habar inta pinotaau i Paulus in nobaḻí nopirisaya kon i Yesus poḷat binaptis.

KORINTUS 2 12:15

Tuamai mopiabí in ginaku bo morelabí in moposarakan in bayongan yagi-yagi, sin kopontingan monimu, nodapotkabí in awakku naa. Dá aka akuoi bo totok in motabi kon i monimu, umpaka yo diápa doman kotabi monimu in akuoi?

KORINTUS 2 2:4

Moajar totok in ginaku in nomais kon surat tanaa kon i monimu, nodapot in koomba-ombaḷ akuoi in nomais. Deemanbí makusudku kon bá moajar doman in gina monimu, táe bá kotaauan doman monimu kon motabibí totok in akuoi kon i monimu komintan.

GALATIA 3:1

Utat mita intau in Galatia! Moiko nion in totuudon mobodok! Ki ine degá in nopongaru kon i monimu? Eta kinoḻiongandon monimu inta pinogumanku kon tayowonmai monimu. Akuoi in noguman kon ki Kristus aindon pinopopakú kon kayu pinoyotaḻempang!

GALATIA 4:12

Utatku mita! Poigumonku kon i monimu sinbá moiko in moibog mobaḻí ná akuoi. Sin akuoi ain domandon nobaḻí ná moiko. Bo kinotaauanku in moiko in diápabí kon dodai onda in nogaid kon inta diá mopia kon inakó.

EPESUS 6:19

Bo sambayangai doman in akuoi, sinbá wakutu in akuoi mosingog ogoian i Allah in singog mita inta moitutui, bo bá mobarani totok in akuoi mopotaau in onu inta noibunipa kon Habar Mopia tua.

EPESUS 6:8

Pokotoropdon, pomuḷoi in intau inta nobiag ata andeka intau inta nobebas, motarimabí kon tontuḻínea nongkon i Tuhan kon bayongan inta mopia inta ain inaidannea.

PILIPI 1:8

Kinotaauanbí i Allah kon nongkon i Kristusbí tontaní in tanob bo tabiku kon i monimu.

PILIPI 4:15

Utat mita intau in Pilipi! Kinotaauan bidon monimu totok kon wakutu in akuoi nonaḷámai kon Makedonia koḻipod, wakutu in akuoi bagu momangkoi nopoyaput in Habar Mopia, yo tongábí moiko in jamaat inta notuḷung kon inakó; moikodon nion inta nokorasa domandon kon inta mopia bo inta diá mopia wakutu in noyotakinku.

WAHYU 22:12

“Tarukira in naa!” guman i Yesus, “Diádon moonggot bo Akuoi in mamangoi modia kon boḻi in pinogaidan in intau podudui kon onu inta ain inaidannea.

SAMUEL 1 2:1

Bo nosambayang in ki Hana, kainia, “Ki Tuhan in nopoḷungangadon kon ginaku; oaidan-Nea in nokosanangdon kon ginaku. Takin pia in gina singkuḻeonku in musungku, sin totu-totuudon kon ki Allah in notuḷungdon kon inakó.