KORINTUS 2 5:7 - Alkitab Singog In Mongondow Masa In Tanaa

⁷ Sin kami in nobiag noidoyonbí kon pirisaya kon i Kristus, deemanbí noidoyon kon onu inta koontongan,

KORINTUS 2 5:7 Mawu Ofanana

KORINTUS 1 13:12

Sin onu in inontong naton tanaa, ná bí onda bo oḻinow kon posilag inta diá totok motarang. Táe kon singgai moiduduimai ontongonbí naton motarang. Tanaa akuoi in diápa nonotaau kon rupa-rupa, táe kon singgai moiduduimai kotaauankubí, ná ki Allah nonotaau kon bayongan in yagi-yagi kon inakó.

KORINTUS 2 1:24

Akuoi in diábí momakisa kon i monimu kon soaḷ onu inta musti pirisayaan monimu, sin moiko in totokdon nopirisaya kon i Kristus. Akuoi in tongábí mogaid moyotakin monimu sinbá modugang pia in gina monimu.

KORINTUS 2 4:18

Kami in diábí monarukiramai kon onu inta koontongan. Sin inta koontongan tua in diábí mononoi, táe aka inta diá koontongan yo tuabí in mononoi.

GALATIA 2:20

Tongá akuoi in nobiag, táe deeman bidon akuoi, sin ki Kristus bidon in naa kon awakku. Bo kobobiagku tanaa mako in kobobiag bidon inta pinodoyon kon pirisayaku kon i Adí i Allah inta notabi kon inakó, bo inta ain noposarakan in awak-Nea tontaní sin kopontinganku.

ULANGAN 12:9

sin moiko in diápa sinumuot kon butá inta inogoi i Tuhan Allahmu kon inimu, tampat inta mopia pogutunanmu.

IBRANI 10:38

Bo umat-Ku inta mobanar in mopirisayabí bo mobiag; táe aka oyúon in kon sigad monia tua in nobaḷui in pirisaya, dá diábí mosanang in gina-Ku kon inia tua.”

PETRUS 1 1:8

Bo umpakabí moiko in diápa dodai onda nokoontong kon inia, táe moiko in motabibí bo umuran mopirisaya kon i-Nia. Manangka intua moḷungangabí totok in gina monimu, ḷunganga in gina inta diábí in poporupaan.

PETRUS 1 5:9

Ḷawang in sia takin pirisayamu inta moroton, sinbá kotaauandon monimu kon utat mita naton inta mopirisaya kon i Kristus kon bayongan dunia naa in nokorasa doman kon Roriga naonda bo moiko.