KORINTUS 2 5:17 - Alkitab Singog In Mongondow Masa In Tanaa

¹⁷ Intau inta notobatúdon i Kristus in totu-totuu bidon sinoimbagu. Inta ain nokoyongan in diá bidon, komintan bidon sinoimbagu.

KORINTUS 2 5:17 Mawu Ofanana

MAZMUR 51:10

Biódon mako in akuoi mokodongog kon habar mokopia kon gina, sinbá gina inta binutuk-Mu naa in buidon monggiow.

YESAYA 45:17

Táe Israel in pinosaḷamat i Tuhan; kasaḷamatannea in motantúbí. Moiko in diábí pokopooyáanmai bo singkuḻeon modapot in mononoi.’ ”

YEHEZKIEL 11:19

Mosia in ogoian-Kudon in gina mobagu bo dimukud mobagu. Gina monia inta ná kotogat in batu in gamáan-Ku bo toḻiuan-Ku in gina inta motoindudui kon i-Nakó.

YEHEZKIEL 18:31

Gogaiaidon in bayongan inta moraat inta inaidan monimu bo pomayádon mako in gina bo raianmu motomobagu. Nongonu sin moiko in mustibí matoi?

YEHEZKIEL 36:26

Dá moiko in ogoian-Kudon in gina bo raian inta mobagu. Ginamu inta ná kotogat in batu tua in baḷuian-Ku in gina inta motoindudui.

MATIUS 12:33

“Aka pangkoinea bo kai in monimu mopia, yo bungainea in mopiabí doman. Tongá aka pangkoinea, kai monimu bo diá mopia, dá diá doman mopia in bungainea. Sin bungaineabí tua in ponandaan kon pangkoinea.

MATIUS 24:35

Ḷangit bo butá in moyoyangbí, táe singog-Ku naa in mononoibí.”

LUKAS 5:38

Aka anggur nobagu yo bonuonbí kon botutu inta mobagu doman.

YOHANES 14:20

Aka wakutuneadon, dá kotaauan bidon monimu kon Akuoi in notobatúbí takin i Amá, moiko in notobatú takin-Ku, bo Akuoi in notobatú takin i monimu.

YOHANES 15:2

Pomuḷoi in tanga kon i-Nakó inta diá momomungai, pongkóon-Nea, bo pomuḷoi in tanga inta momungai, gaatannea in daunnea bo daritan-Nea sinbá modugangdon modatog in bungainea.

YOHANES 15:5

Akuoibí in pangkoi in anggur, bo moiko in tanganea mita. Intau inta umuran motobatú takin-Ku bo Akuoi i motobatúnea, momungaibí in sia modatog, sin aka diá in Akuoi yo moiko in diábí mokopogaid kon onu bo onu.

YOHANES 17:23

Akuoi takin mosia, bo ki Amá takin Akuoi, sinbá mosia in totu-totuudon motobatú, sinbá kotaauandon in dunia naa kon ki Amábí in nopotabá kon i-Nakó bo ki Amábí in monotabi kon i monia ná tabi i Amá kon i-Nakó.

YOHANES 3:3

Tubag i Yesus, “Totuu, kon diábí in tobatúmai in intau motaau in mobaḻí umat i Allah, aka sia in diá polahiron bui.”

YOHANES 3:5

Ki Yesus in notubag, “Totuubí in singog-Ku tanaa: aka intau bo diá polahiron nongkon tubig bo nongkon Roho i Allah, yo intau tatua in diábí motaau in mobaḻí umat i Allah.

SURAT I PAULUS KON JAMAAT RUM 16:10

Salam kon i Apeles. Kotoinduduinea kon i Kristus aindon nouji. Salam doman kon motoḷuadí i Aristobulus,

SURAT I PAULUS KON JAMAAT RUM 16:11

bo kon i Herodion. Sia tua in tosukuku. Salam doman kon i utat naton inta mopirisaya kon i Kristus inta tombonu in baḷoi i Narkisus.

SURAT I PAULUS KON JAMAAT RUM 16:3

Poyaputpa in salamku kon i Priskila bo kon i Akwila, bo kon yobayatku mita inta tumpaḷa nogaid kon oaidan i Kristus.

SURAT I PAULUS KON JAMAAT RUM 16:7

Poyaputpa doman in salamku kon i Andronikus bo kon i Yunias. Mosia tua in toḻipúanku bo nokoimontandon in sinumuot kon ponjara takinku. Wakutu in akuoi diápa nopirisaya kon i Kristus mosia in munadon nopirisaya. Tangoi monia tua in kinotaauan bidon totok in rasul mita.

SURAT I PAULUS KON JAMAAT RUM 16:9

Poyaputpa in horomatku kon i Urbanus, yobayat topogaidan naton sin kopontingan i Kristus. Bo horomatku doman kon i Stakhis inta kinotabiku.

SURAT I PAULUS KON JAMAAT RUM 7:6

Táe tanaa in kita in diádon noitogot kon hukum in agama Yahudi. Kita ain bidon minatoi kon hukum inta koḻipod nongawasa kon i naton. Kita in diá bidon mobantung ná aid tungkuḷ intua, inta pinodudui kon hukum inta pinais. Táe tanaa kita in mobantungbí podudui in aid mobagu inta sinundú in Roho i Allah kon i naton.

SURAT I PAULUS KON JAMAAT RUM 8:1

Tanaa in diá bidon in hukuman kon i monia inta nobiag notobatú i Kristus Yesus.

KORINTUS 1 1:30

Sin lantaranbí ki Allah, dá notobatúdon in moiko i Kristus. Bo lantaran doman kita nopirisayadon kon i Kristus dá kita in nonotaaudon kon bayongan in yagi-yagi. Siabí doman tua in nopoyotutui, nomiḻí bo notobut kon bayongan oaid naton inta diá mopia.

KORINTUS 1 13:11

Kon tungkuḷ in mongoadípa in akuoi, pososingogku in ná doman onda bo mongoadí. Natua doman in porasaan bo raianku, ná bí doman onda bo mongoadí. Táe tanaa in nogurangdon in akuoi, dá oaidku inta mongoadípa, nodait bidon sinaḷáanku.

KORINTUS 2 12:2

Kon bonu in oontongon tatua, kinotaauanku in intau inta noibingkat monik kon soroga tatua, mopuḷúbí bo opat notaong inta noitaḻibdon. (Diá doman notarangku totok mongo takin awaknea in noibingkat tatua mongo tongábí noiḷabot magí kon mataku – tongábí ki Allah in nonotaau kon tua.)

KORINTUS 2 5:16

Manangka intua, kami in diábí monilai kon intau podudui in raian intau. Aka koḻipod bo nokoimontandon in kami nonilai kon i Kristus podudui in raian intau, yo masa inta naa in diá bidon natua.

KORINTUS 2 5:19

Kami nopotaau kon ki Kristus in binaḻí bidon i Allah tonsigad sinbá intau in motaaudon mamangoi moyodame takin-Nea. Tua komintan inaidan i Allah sin diá bidon pinononggina-Nea mako in bayongan taḷá inta ain inaidan in intau kon i-Nia. Bo Siabí doman tua in nobogoi in oaidan kon inami mopoyaput in habar mita tatua.

KORINTUS 2 5:21

Sin Sia inta nodarit kon bayongan in oaid inta diá mopia, pinaké domandon i Allah mobaba kon bayongan in dosa naton, sinbá kita in buidon mobiag motompia takin i Allah sin notobatúdon i Kristus.

GALATIA 3:28

Tuamai intau in Yahudi andeka intau in Yunani, diá bidon in yoposinea bo diábí domandon in sinangoian ata andeka intau nobebas, ḷoḷaki andeka bobay. Moiko komintan ain bidon notobatú takin i Kristus Yesus.

GALATIA 5:6

Sin aka kita bo ain notobatú takin i Kristus Yesus, yo soaḷ sunaton ande diá sunaton, diábí mobaḻí soaḷ kon i naton. Sin totok moponting in pirisayabí kon i Kristus bo tua in moniata kon tabi naton kon tumpaḷa intau.

GALATIA 6:15

Sinunat ande diá sinunat, tua in diábí moponting, sin mobaḻíbí intau inta mobiag mobagu takin i Allah in moponti-ponting.

EPESUS 2:10

Ki Allahbí in nomia kon i naton, bo pinongin i Kristus pinomia-Nea in kita, sinbá kita in mogaid kon soaḷ mita inta mopia inta ain sinadia-Nea kon i naton.

EPESUS 2:15

Hukum agama in Yahudi takin parenta bo atorangnea mita aindon pinopatan i Kristus, sinbá bangusa doyowa tatua in mobaḻídon tobangusa, bangusa in intau mobagu, inta motobatú takin-Nea. Tua in pinogogaid i Kristus nopoyodame.

PILIPI 4:21

Poyaputpa in salamku kon bayongan umat i Allah inta notobatú i Kristus Yesus. Bo tarima domandon in salam inta nongkon i utat mita naton inta noyotakinku kon naa.