KORINTUS 2 5:11 - Alkitab Singog In Mongondow Masa In Tanaa

¹¹ Kotaauanbí in nami mangaḻe in moondok kon i Tuhan. Manangka intua kami moramuji sinbá pirisayaan in bayongan intau. Totokbí in kinotaauan i Allah in kami naa. Tuamai in haraponku in kotaauan doman monimu in kami.

KORINTUS 2 5:11 Mawu Ofanana

KINOBAḺIAN 35:5

Kon tungkuḷ in ki Yakub bo rombongan buḷoi, adí bo ginaḷumnea nobuat, ki Allah nogoḻingoi kon intau mita inta kon kotá tatua, dapot in mosia diá nogaḷow kon i Yakub bo rombongannea.

AYUB 18:11

Intau moraat sinaḻikokogan in inta mokokoningkim nongkon bayongan tampat; Ondok dinumudui kon inia kon pomuḷoi in ḷampang.

AYUB 31:23

Diábí in akuoi mogaid kon natua, sin hukuman i Allah totok in nokoondok kon ginaku.

AYUB 6:4

Piot nongkon i Inta Totok in Mokawasa noiḷambai kon awakku; bisanea in noibaya-bayádon kon bayongan in putú bo awakku. Kotoyang i Allah totok in mokoondok, bo nondangat kon inakó naonda bo tontara in musung.

MAZMUR 73:19

Tongá kon bonu in tokokiap morimumud in mosia, totuubí motoyang in kopaḷutan monia.

MAZMUR 76:7

Bayongan in kabaḷo bo tumotakoinea noḷabú minatoi in guak-Mu, o Allah Yakub!

MAZMUR 90:11

Ki ine in nonotaau kon kototoyang in torú-Mu, andeka nomangaḻe kon bungai in torú-Mu?

YESAYA 19:16

Moiangoibí in wakutunea bangusa in Mesir mobaḻí naonda bo bobay inta kakag. Mosia in mogugur popisí in moondok aka mokoontong kon i Tuhan Inta Totok in mokawasa motonggó kon ḻima-Nea sin mohukum kon i monia.

YESAYA 33:14

Intau mita binaradosa kon Sion mourot popisí in moondok. Guman monia, “Bontow in tosingogon i Allah in naonda bo tuḷú inta nodokot modapot in mononoi. Degá oyúon in mokotahang kon bonu in tuḷú inta moyopú tatua?”

NAHUM 1:6

Ki ine in mokotongod aka ki Tuhan tumorú? Diábí in moipaḷuput nongkon torú-Nea! Sia in moponiata in torú-Nea inta modokot batu in morimumud bo mobaḻí ḷobud kon tayowon-Nea.

MATIUS 10:28

Bo donaaibí moondok kon i monia inta moḻimod kon awak, táe diá inogoian in kawasa morabut kon nyawa. Kotoguondokbí kon i Allah inta kokawasa moḻimod kon awak bo morabut kon nyawa kon bonu in naraka.

MATIUS 25:46

Bo mosia naa in bonuon kon tampat pohohukuman mononoi, táe intau inta mopia in mokouḻí kon kobiagan inta mononoi.”

LUKAS 12:5

Naa in poguman-Kudon kon i monimu mongo ki ine in musti koondok monimu. Kotoguondokbí kon i Allah! Sin aka Sia yo mopaḷut mako moḻimod, yo oyúon doman in kawasa-Nea mopogarab kon bonu in naraka! Popirisayadon, Siabí tua in musti koondok monimu.

LUKAS 16:31

Táe ki Abraham in bui doman noguman kon inia nanaa, ‘Aka mosia tua bo diá mokidongog kon onu inta pinoguman i Musa bo i nabi mita, yo mangaḻenea mosia tua in diábí doman mopirisaya, umpakabí oyúon intau minatoi in bui mobiag bo mamangoi mobogoi in tompoingat kon i monia.’ ”

OUMAN IN RASUL MITA 13:43

Naonda in iḷumuaidon in bayongan intau nongkon baḷoi pososambayangan tatua, ki Paulus bo ki Barnabas in dinuduian in moantó intau Yahudi bo intau doman mita ibanea inta sinumuotdon kon agama Yahudi. Dá umuran sinongginaan in rasul mita tatua in mosia sinbá umuran mobiag kon bonu in totabi Allah.

OUMAN IN RASUL MITA 18:13

Mosia in nopongadu nanaa, “Intau tanaa monongganut totok kon intau moantó sinbá mosumba kon i Allah táe diábí notongkai in hukum i Musa!”

OUMAN IN RASUL MITA 18:4

Táe aka kon singgai in Sabat, yo tantúbí in ki Paulus mayá in baḷoi pososambayangan bo moyoyosingoganmai in bayongan intau Yahudi andeka intau mita in Yunani, sinbá mopirisaya in mosia kon i Yesus.

OUMAN IN RASUL MITA 19:26

Bo tanaa aindon inontong bo dinongog monimu tontaní onu in inaidan i Paulus. Sia in noguman kon dewa mita inta pinomia intau in deemanbí totu-totuu dewa. Bo nobayongdon totok intau in nopirisaya kon onu in pinogumannea tatua, deeman tongá kon Epesus naa, táe gogiódon bo komintan in Asia naa.

OUMAN IN RASUL MITA 26:26

Ki Tuang Agripa tontaní in porasaanku nonotaaubí totok kon soaḷ mita tanaa. Tuamai nobaranidon taran-tarangan in akuoi in nosingog kon tayowon i Tuang. Sin nodait bidon kinotaauan i Tuang in naa komintan, sin diábí in nobaḻí kon tampat inta noibuni.

OUMAN IN RASUL MITA 28:23

Dá mosia bo ki Paulus in nonantú kon tobatú singgai poyodungkuḷan monia. Bo kon singgai inta ain sinantú tatua nobayongdon intau in namangoi kon baḷoi inta pinogutunan i Paulus. Bo nongkon doḷo-doḷompa dapot in ḷoḷabungnea ki Paulus noginsilang bo nopotaau kon i monia soaḷ naonda in ki Allah momarenta saḷaku Datu. Sia in nobaca kon tontagá inta pinais kon buk i Musa, bo buk i nabi mita sinbá mosia in mopirisayadon kon i Yesus inta ain pinotaa-taaunea mako tua.

KORINTUS 2 2:17

Sin kami in diábí ná intau ibanea inta tongá moibog motayak kon kauntungan nongkon habar i Allah tatua. Motuḻidbí totok in tujuan nami, sin ki Allahbí in nokiaid intua komintan kon i nami. Bo inontongbí i Allah tontaní kon kami in nopoyaput in habar tatua nogaidbí saḷaku mogogaid mita i Kristus.

KORINTUS 2 5:20

Dá kami naa in totabábí mita i Kristus inta pinaké doman i Allah mopoyaput in koyow-Nea kon i monimu. Tuamai podoyon nami kon tangoi Kristus, kami in mopoigum sinbá moiko in moibogdon motarima kon totabi i Allah inta mobogoi in kasampatan kon i monimu mopopiaan takin-Nea.

KORINTUS 2 6:1

Saḷaku yobayat topogaidan i Allah, kami in mononggina kon i monimu; donaai tongá pomayá mako in totabi i Allah inta ain inogoi-Nea kon i monimu.

GALATIA 1:10

Yo naonda degá in naa: Motayak degá in akuoi kon inta mokosanang kon gina in intau andeka inta mokosanang kon gina i Allah? Andeka ontongon monimu degá akuoi in mokopopia kon intau, sinbá kosanang in intau? Aka natua in oaidku, yo akuoi naa in deemanbí bobantung i Kristus.

EPESUS 5:21

Sin mohoromat kon i Kristus, dá moiko mustibí mosiduduian.

IBRANI 10:31

Totokdon mokoondok aka kon bonudon in kawasa i Allah inta nobiag!

IBRANI 12:29

Sin ki Allah naton in naonda bo tuḷu inta mokopokak.

YUDAS 1:23

Kapit bo poḷuai in mosia nongkon bonu in tuḷu sinbá mosaḷamat. Bo poontong doman in tabi kon intau mita ibanea, táe musti motoguondok. Kodoíbí modapot pakeang monia inta ain kinotoran in ibog monia inta binaradosa.

WAHYU 20:15

Intau mita inta tangoi monia diá pinais kon bonu in Buk Intau Nobiag, pogambat kon bonu in dagat tuḷu.