KORINTUS 2 5:1 - Alkitab Singog In Mongondow Masa In Tanaa

¹ Sin kinotaauanbí nami kon aka baḷoi – makusudnea awak naton – inta pinogutunan naton kon dunia naa bo rumbunon, yo posadiaanbí i Allah in kita kon baḷoi inta kon soroga. Tampat inta pinomia i Allah tontaní bo inta diá mogogu-goguyaat.

KORINTUS 2 5:1 Mawu Ofanana

KINOBAḺIAN 3:19

Iko totok in rumoriga in mogaid modapot in uḷatan sinbá butá mobogoi in boyó kon inimu, modapot in iko mobui mobaḻí butá, sin iko in pinomiabí nongkon butá. Iko in pinomia nongkon butá, bo bui mobaḻí butá.”

AYUB 30:22

Pinomayá-Mu mako in tompot nopoḷayug kon inakó, kon bonu in tompot moropot pinoḷayug-Mu magí-mako in awakku.

AYUB 4:19

Apapa doman mahaḷuk nongkon butá ḷamentong mahaḷuk ḷobud inta motaau romputon naonda bo sisik!

MAZMUR 56:9

Iko in nogiap kon singgai mita binaya-bayáanku mako, bo nonotaau kon kobayong in ḷuáku; yo degá diá iniap-Mu intua?

YESAYA 38:12

Nyawaku nobontow, nodapotdon in wakutuku, ná ḷoḷaigan in gombala inta kinokai; ná didit pinongkó nongkon pakakat gogaboḷan; kon inakó kamai simpodandon i Allah in kobiaganku.

MARKUS 14:58

“Dinongog nami intau tanaa noguman, ‘Umpagon-Ku in Baḷoi Tuhan inta inaidan in intau, bo naonda in toḷu nosinggai bui posindogon-Ku in ibanea inta deeman intau in nogaid.’ ”

OUMAN IN RASUL MITA 7:48

Tongá ki Allah Inta Totok in moḷantud tatua, diábí nogutun kon baḷoi inta inaidan in ḻima intau tatua; sin kon bonu in buk in nabi in pinais nanaa,

KORINTUS 1 3:9

Kami naa in tongábí tumpaḷa mogaid kon onu in pinoki aid i Allah; bo moiko nion naonda bo gobá i Allah. Moiko naonda doman bo baḷoi i Allah.

KORINTUS 2 4:7

Táe kaoyúonan inta mopia nongkon soroga tua in ná bí kon bonu in awak nami inta inaidan nongkon butá ḷamentong, sinbá moniatadon kon ropot moḷoben kon inami naa in nongkon i Allahbí, deemanbí nongkon inami tontaní.

KORINTUS 2 5:4

Sin wakutu in kon baḷoipa ilo-ilow naa, kita tantú mogamui sin mobogat totok in roriga inta moiantug. Deemanbí igu-igumon mako kon bá matoidon in awak naton ilo-ilow naa, táe lantaranbí moibogdon mokorasa kon kobiagan inta kon soroga tua, sinbá kobiagandon in mongawasa kon awak naton inta ilo-ilow naa.

KOLOSE 2:11

Lantaran notobatú takin i Kristus, dá moiko ain sinunat, táe deemanbí sunat inta inaidan in intau, táe sunatbí inta inaidan i Kristus, inta nopobebas kon i monimu nongkon kawasa in tabiat inta binaradosa.

TIMOTIUS 2 1:12

Tuamai akuoi in nokorasa kon bayongan roriga tatua, táe akuoi in umuranbí moyakin sin kinotaauankubí totok ki ine in pinirisayaku tua. Moyakinbí in akuoi kon onu inta ain inogoi-Nea pinoki aid kon inakó tantúbí koḷukadan-Nea modapot in Singgai Pangabisan.

IBRANI 11:10

Ki Abraham in mogoḷat mako kon kotá inta sinomayá i Allah posindogon kon pondasi inta moroton.

IBRANI 9:11

Táe ki Kristus ain namangoi saḷaku Imang Moḷoben nongkon soaḷ mita mopia inta aindon oyúon. Sia in sinumuotdon bo ain nopobayá in oaidan-Nea saḷaku Imang Moḷoben kon bonu in ḷoḷaigan moḷoben bo inta totok in nosompurna. Ḷoḷaigan tatua in deemanbí pinomia in intau; mangaḻenea in deemanbí nongkon dunia inta tongá doman pinomia naa.

IBRANI 9:24

Sin ki Kristus in diábí sinumuot kon Yuang Motusi inta pinomia in intau, inta nobaḻí lambang in yuang Motusi inta totokea. Ki Kristusbí tontaní in sinumuot kon soroga; tanaa Sia in minayá kon tayowon i Allah sin lantaran kopontingan naton.

PETRUS 1 1:4

Kita in moharap mako sinbá mokouḻí kon barakat mita inta ain sinadia i Allah kon umat-Nea. Barakat mita tatua ain sinagú-Nea kon soroga, sahingga in diábí mogoguyaat, ande mobongkog ande mobaḷui.

PETRUS 2 3:11

Lantaran bayongan intua bo daiton rimumudon takin cara natua, dá moiko in musti mobiag mokopotoḷutui? Bo tongá doman mobantung kon i Allah,

YOHANES 1 3:14

Kinotaauandon naton kon kita iḷumuaidon nongkon kawasa in popatoi, bo nomampingdon kon bonu in kawasa inta mokobiag, sin lantaran kita notabidon kon i utat mita naton. Sin ki ine in diá motabi kon i utatnea, yo sia tua in tantúpa nobiag kon bonu in kawasa in popatoi.

YOHANES 1 3:19

Natua in caranea kita monotaau kon kita naa in noituot ki adí mita i Allah inta mobanar, bo gina naton moonowdon kon tayowon i Allah.

YOHANES 1 3:2

Utat mita inta kinotabiku! Tanaa mako kita ain nobaḻí ki adí i Allah, táe kaadaan naton kon singgai moiduduimai in diápa notarang.Tongá kinotaauan naton kon aka ki Kristus in mamangoi, kita naa in mobaḻí ná Sia, sin kita in mokoontong kon i-Nia kon bonu in kaadaan-Nea inta sabanarnea.