KORINTUS 2 3:5 - Alkitab Singog In Mongondow Masa In Tanaa

⁵ Diábí in dodoyonan singog nami in mosingog kon kami in mokosanggupbí mogaid kon oaidan tanaa, sin tongábí ki Allah in nobogoi komampuan tanaa kon i nami.

KORINTUS 2 3:5 Mawu Ofanana

KINOBAḺIAN 41:16

Ki Yusup in notubag, “Deemanbí akuoi bobantung tanaa, Tuangku, táe ki Allahbí in moginsilang kon mangaḻe in togoindop i Tuang.”

TAWARIKH 2 30:12

Kon Yohuda ki Allah in nogaid doman bo noponobatú kon gina in rayat sinbá totu-totuu motoindudui kon ibog i Allah pongin dumudui kon parenta i datu bo in pogawainea mita.

LUKAS 21:15

Bá kotaauan monimu kon Akuoibí in moguman kon onu inta musti potubag monimu, sahingga saturu mita monimu tua, diá mokoḷawang ande mokobayow kon onu in singogon monimu.

LUKAS 24:49

Sin onu inta ain pinodandi i Amá kon i monimu, Akuoibí in mobogoi. Táe moiko in musti umuran mogoḷat kon kotá tanaa modapot ogoiandon i Allah in kawasa in moiko.”

YOHANES 15:5

Akuoibí in pangkoi in anggur, bo moiko in tanganea mita. Intau inta umuran motobatú takin-Ku bo Akuoi i motobatúnea, momungaibí in sia modatog, sin aka diá in Akuoi yo moiko in diábí mokopogaid kon onu bo onu.

SURAT I PAULUS KON JAMAAT RUM 15:18

Akuoi in diábí mobarani in mosingog kon ibanea mako, koḻikudbí in soaḷ inta ain inaidan i Kristus inta pinotonsigad-Nea kon inakó; pinaké-Nea in akuoi modia kon bangusa mita ibanea (deeman Yahudi) sinbá mosia in mamangoi bo dumuduidon kon i Allah. Tua pinomiaku deemanbí tongá singog táe takinbí doman oaid,

KORINTUS 1 15:10

Tongá sinotabipabí i Allah, dá oyúonpa komangoi in tanaa. Bo totabi i Allah kon inakó in diábí inta diá in mangaḻenea. Sin akuoibí in moraji-morajing kon sigad in rasul mita ibanea. Táe sabanarnea in deemanbí tongá uḷatku tontaní; táe nongkon i Allahbí inta ain nonotabi kon inakó bo siabí doman inta ain nogaid noyotakinku.

KORINTUS 1 3:10

Lantaran kapandoian inta inogoi i Allah, dá akuoi naonda bo intau inta nonotaaudon totok kon pogogaid kon bangunan tatua. Munadon nogaid kon pondasi sin popoḻitúan in bangunan tatua, bo intau ibanea in mamangoi moposindog in bangunan kon pondasi tatua. Pomuḷoi intau in mustibí monarukira muna mongo naonda in mopoḻitú in bangunan kon pondasi tatua.

KORINTUS 1 3:6

Aka ibarat pinomuḷa, akuoi in nomuḷa bo ki Apolos in nomuta-mutak, táe ki Allahbí in nobogoi in kobiagan.

KORINTUS 2 12:9

Táe sinubagan i Tuhan nanaa, “Tugatdon in totabi-Ku kon inimu; sin aka naníon kaadaan in awakmu, yo kawasa-Ku in modugangbí moropot.” Tuabí manangka in mopiabí totok in ginaku bo duíonkubí in onu inta nogaat kon awakku. Sin aka akuoi bo diádon mokopongonu, yo kon wakutu intuata korasaanku in kawasa i Kristus inta totok in moḷoben motuḷung kon i nakó.

KORINTUS 2 4:7

Táe kaoyúonan inta mopia nongkon soroga tua in ná bí kon bonu in awak nami inta inaidan nongkon butá ḷamentong, sinbá moniatadon kon ropot moḷoben kon inami naa in nongkon i Allahbí, deemanbí nongkon inami tontaní.

PILIPI 2:13

Sin ki Allahbí in mopogonú kon ginamu sinbá moibog bo mokosanggup moposanang in gina i Allah in moiko.

PILIPI 4:13

Kawasa inta inogoi i Kristus kon inakó umuran mobogoi in ropot kon inakó in tumayow kon kaadaan noyagi-yagimai.

TIMOTIUS 2 2:2

Onu inta ain dinongogmu sinundúku kon tayowon intau moantó, yo pokiaid intua kon intau mita inta motaau pirisayaan bo inta mongopandoi motundú kon intau ibanea.

YAKOBUS 1:17

Pomuḷoi in oogoi inta mopia bo tombuinag inta mosompurna, namangoibí intua nongkon soroga, pinopoponag i Allah inta nomia kon bayongan inta nobayag kon ḷangit. Sia tua in ki Allah inta diá kon dodai in onda mobaḷui bo diábí doman mokopopisí in mogaid kon inta mosindip.