KORINTUS 2 3:16 - Alkitab Singog In Mongondow Masa In Tanaa

¹⁶ Táe aka intau tatua bo mamangoidon kon i Tuhan, yo koḷubung tatua inggamáan bidon nongkon inia.

KORINTUS 2 3:16 Mawu Ofanana

IḶUAIAN 34:34

Pomuḷoi in ki Musa tumuot kon bonu in Ḷoḷaigan i Tuhan sin mongonguman i Tuhan, kaeng tatua bukáneadon modapot in sia ḷumuaidon. Bo naonda in sia ḷumuai potaauneadon in koyow i Tuhan tatua kon bangusa Israel,

YESAYA 25:7

Kon tudu in buḷud tatua inggamáan-Neadon in goḷom in robonoḷ in dodob inta nogoḻiung kon bangusa mita.

YESAYA 29:18

Kon dodai intua intau bongoḷ in mokodongogdon kon tosingogon mita nongkon buk tobatú inta binaca, bo intau bilog inta koina nobiag kon bonu in sindip in mokoontongdon.

YESAYA 54:13

Bayongan in intaumu mobaḻí murí-Ku, mosia in mobiag mooyúon bo motompia.

YEREMIA 31:34

Diá bidon paraḷu tobatúmai in intau nongkon i monia in mositundúan bá monotaau kon i Tuhan. Sin mosia komintan, moḷoben mointok, in monotaau bidon kon i-Nakó. Taḷá mita monia in ḻiongon-Ku bidon, dosa mita monia in ampungan-Kubí. Akuoi, ki Tuhan, ain nosingog.”

OMBAḶ 3:40

Biódon mako kita in monaridi kon kobobiag naton, bo mobui kon i Tuhan Allah kon soroga. Igai bukatan naton in gina bo mosambayang,

SURAT I PAULUS KON JAMAAT RUM 11:23

Bo soaḷ mita intau in Yahudi tatua, aka mosia bo mopirisayadon bui, dá tarimaan bidon bui, sin kawasabí i Allah in motarima bui kon i monia.

KORINTUS 2 3:15

Umaaipabí masa in tanaa, aka mobaca in mosia kon buk mita i Musa, yo koḷubung tatua in tantúpabí moiḷamboi mako kon raian monia.

ULANGAN 30:10

Táe moiko in mustibí motoindudui kon i Tuhan Allahmu bo dumudui kon bayongan in hukum-Nea inta pinais kon bonu in buk tanaa, buk in Hukum i Tuhan. Moiko in mustibí mobui kon i-Nia takin ḻimbatú in ginamu.

ULANGAN 4:30

Aka moiko koantugan in bayongan bodito tatua bo moiko kon bonudon in roriga, dá moiko in mobuidon mangoi kon i Tuhan Allahmu bo motoindudui kon i-Nia.