KORINTUS 2 3:14 - Alkitab Singog In Mongondow Masa In Tanaa

¹⁴ Manangka intua diá nobuká in raian monia. Umaai in masa in tanaa raian monia tua in tantúpabí kino koḷoban in koḷubung tatua aka mobaca kon dodandian inta muna tatua. Koḷubung tatua in moinggamábí aka mosia in motobatúdon i Kristus.

KORINTUS 2 3:14 Mawu Ofanana

MAZMUR 69:23

Biódon mako in pongaanan monia moyotakin mokoangoi kon bodito, bo mobaḻí poyogaḷap kon mokokiangoi mita monia.

YESAYA 25:7

Kon tudu in buḷud tatua inggamáan-Neadon in goḷom in robonoḷ in dodob inta nogoḻiung kon bangusa mita.

YESAYA 44:18

Totuu mobodok in intau mita ná tatua! Mosia in momilog kon mata bo gina monia dá diá momangaḻe kon onu bo onu.

YESAYA 56:10

Guman i Tuhan, “Itoi mita in bangusa-Ku in intau mita bilog! Mosia in diábí nonotaau in onu bo onu. Mosia in naonda bo ungkú bobó inta diá mogaú, táe tongábí mosiug mako bo tumogoindop. Mosanang totok in mosia in mosiug!

YESAYA 59:10

Kami in mongokap naonda bo intau bilog; kon noutu in singgai kami in moipintud naonda bo moonggot kon doḷom; kon yuak in intau nobiag kami in naonda bo intau minatoi.

YESAYA 6:10

Bo nogumandon in Sia kon inakó, “Bangkungaidon in raian in intau mita tatua, bongoḷai in bongoḷannea bo bilogai in matanea, sinbá mosia in diá mokoontong, mokodongog andeka momangaḻe, bo momurow mamangoi kon i-Nakó bo mopiadon.”

YEREMIA 5:21

“Indongogai, ei moiko intau bodok bo dondunguḷ! Moiko in komata táe diá moindoi, kobongoḷan táe diá mokidongog!

YEHEZKIEL 12:2

“Ei intau inta ilo-ilow, iko in nogutun kon yua-yuak in intau momomarontak. Mosia tua in komata, táe diá moindoi; kobongoḷan, táe diá mokidongog, popisí in moibog in mosia momarontak.

MATIUS 13:11

Ki Yesus notubag, “Moiko aindon inogoian in totabi monotaau kon rahasia kon naonda in ki Allah momarenta, táe mosia tua in diábí.

MATIUS 16:17

Dá ki Yesus in noguman kon inia, “Pia in kamang iko Simon inta buí i Yunus, sin deemanbí intau in noguman kon singog tatua kon inimu, táe ki Amámubí inta kon soroga.

MATIUS 6:23

Táe aka matamu bo moraat, yo mosindip doman in bayongan awakmu. Dá aka togá kon inimu bo mopiongdon, yo mosindipdon totok in doḷom tatua!”

YOHANES 12:40

“Ki Allah in noguman, ‘Binilogan-Kudon in mata monia, binaḻí-Kudon in mosia motogat in gina; sinbá mosia in diá mokoontong, bo raian monia in diá momangaḻe. Simbá mosia in diá mamangoi bui kon i-Nakó, bodongka undaman-Ku in mosia.’ ”

YOHANES 12:46

Akuoi in namangoi in dunia naa saḷaku bayag, sinbá bayongan intau inta mopirisaya kon i-Nakó diá mogutun kon bonu in sindip.

YOHANES 8:12

Ki Yesus in buipa doman noguman kon i monia, “Akuoi naa in bayag in dunia. Intau inta dumudui kon i-Nakó in diá bidon sia mayá kon bonu in sindip, táe oyúondon in bayag kon kobiagannea.”

OUMAN IN RASUL MITA 13:15

Naonda in nopaḷutdon binaca in Hukum i Musa bo Buk in Nabi mita, itoi mita in baḷoi pososambayangan tatua nopotabá in intau minayá noḻibó kon i Paulus bo kon yobayatnea mita. Nanaa in ḷoḻibó monia tua, “Utat mita, aka oyúonbí in koyow inta mokorigon kon pirisaya bo mokohibur kon bayongan umat i Allah tanaa mita, yo pogumandon.”

OUMAN IN RASUL MITA 15:21

Sin hukum i Musa nongkon dungkuḷmaipabí in umuran bidon binaca pomuḷoi in singgai in Sabat kon baḷoi mita pososambayangan, bo nodait pinoyaput kon bayongan kotá kon tua.”

OUMAN IN RASUL MITA 16:14

Tobatú kon sigad monia tua in intau inta mopopotaḷui in kaeng nopars. Ki Lidia in tangoinea. Sia in intau nongkon Tiatira inta totok motoindudui kon i Allah. Tuamai iḻiai i Tuhan in ginanea sinbá tarimaannea onu in pinotaau i Paulus kon inia.

OUMAN IN RASUL MITA 26:18

mobuká kon mata monia, sinbá mobuká in mata monia bo mokoontong kon inta mobayag; bo diádon kopongaruan in Ibilis táe tongádon tantú kon bonu in kawasa i Allah. Sin aka mopirisaya kon i-Nakó, yo dosa mita monia in tokoampunganbí bo mobaḻíbí umat mita inta piniḻí i Allah in mosia.’ ”

SURAT I PAULUS KON JAMAAT RUM 11:25

Utat mita! Haraponku mako moiko in diá monganggap kon ain nonotaau kon bayongan in yagi-yagi. Sin oyúon in soaḷ inta kinoibog i Allah, táe diápa kinotaauan in intau. Bo ibogonku in kotaauan monimu intua; nanaa: tongobotak intau in Yahudi mokopotogat kon gina, táe cara monia tua in tongábí modapot in motompodon in kobayong in intau inta deeman Yahudi in mamangoi kon i Allah.

KORINTUS 2 3:15

Umaaipabí masa in tanaa, aka mobaca in mosia kon buk mita i Musa, yo koḷubung tatua in tantúpabí moiḷamboi mako kon raian monia.

KORINTUS 2 3:6

Bo Siabí doman tua in nobogoi in komampuan kon inami nobaḻí mogogaid mita kon oaidan i Allah kon tobatú dodandian nobagu; dodandian inta noyotogot in Roho i Allah, táe deemanbí kon hukum inta pinais. Sin hukum inta pinais tua in modiabí kon popatoi, táe aka Roho i Allah yo mobogoibí in kobiagan.

KORINTUS 2 4:6

Sin ki Allah in nogumandon nanaa, “Nongkon sindip momukádon in bayag.” Bo ki Allah doman tatua inta nopomuká in bayag-Nea kon bonu in gina naton, sinbá mobayag domandon in raian naton bo monotaau kon kototarang in bayag i Allah inta nonindar kon pogot i Kristus.

EPESUS 4:18

Raian monia tua in nosindipdon. Diábí kinotaauan monia in kobiagan inta inogoi i Allah, sin mosia in beresibí diá nonotaau in onu bo onu soaḷ ki Allah. Natua in mosia sin gina in motogat.