KORINTUS 2 2:13 - Alkitab Singog In Mongondow Masa In Tanaa

¹³ Táe mogagawang totok in ginaku sin diápa noyodungkuḷ i utat naton ki Titus in akuoi. Tuamai akuoi nogumandon kon intau mita kon tua bo akuoi nopobayádon in Makedonia.

KORINTUS 2 2:13 Mawu Ofanana

DANIEL 6:19

Onda intua nobuidon in ki datu kon komaḻig. Sia in doíbí mongaan andeka ḻipoion. Bo kinoouput in doḷom tua diábí in sia nokosiug.

MARKUS 6:46

Naonda in mosia minayádon, ki Yesus notakod kon buḷud bo nosambayang.

OUMAN IN RASUL MITA 21:6

Bo noguman mako kon mayádon, kami in sinumakoidon kon kapaḷ bo mosia in nobuidon kon baḷoi monia.

SURAT I PAULUS KON JAMAAT RUM 15:26

Sin jamaat mita kon Makedonia bo kon Akhaya ain notobatú kon gina bo nobogoi in totuḷung kon utat mita inta nobiag nobogá kon sigad in umat i Allah kon Yerusalem.

KORINTUS 2 12:18

Totuu kon akuoi in nopotabá kon i Titus mayá kon i monimu, takin intau inta ki utat doman naton ibanea inta noyotakinnea. Táe umpaka yo nokoimontandon in ki Titus in motayak kon kauntungan kon i monimu? Mogaid tanaa, tujuan naminda in notongkaibí, natua doman in aid mita naminda!

KORINTUS 2 7:13

Tuabí manangka in noonow in gina nami. Koḻikud in moonow, nodugang doman totok ḷunganga in gina nami sin nokoontong kon ḷunganga in gina inta kinorasaan doman i Titus; nopia in ginanea lantaran moiko.

KORINTUS 2 7:14

Totu-totuubí kon moiko in dinui-duíku bidon kon tayowon i Titus. Bo sukurdon sin moiko in diá tongá mokopooyámai kon i nakó. Bayongan inta ain inouman nami kon i monimu tua in totuubí. Natua doman onu inta dinui-duí nami soaḷ moiko kon tayowon i Titus in noitotuubí doman.

KORINTUS 2 8:16

Sukurdon mako kon i Allah, sin ki Titus in pinoporajing-Neapa naonda bo kami inta umuran noibog notuḷung kon i monimu!

KORINTUS 2 8:23

Aka ki Titus, yo sia in yobayat topogaidanku inta notuḷung kon i monimu. Bo soaḷ ki utat naton taya dua tua, inta minayá noyotakinnea, mosia tua in intaubí inta piniḻí bo sinantú in jamaat sin kinosanang in gina monia.

KORINTUS 2 8:6

Tuamai kami in umuran moguman kon i Titus – inta ain nomangkoi kon oaidan tanaa – sinbá ingguputannea in oaidan mopia tanaa kon sigad monimu doman.

GALATIA 2:1

Naonda in mopuḷúdon bo opat notaong kon tua, akuoi in bui minayá in Yerusalem takin i Barnabas, bo i Titus.

GALATIA 2:3

Ki Titus inta noyotakinku tua intau in Yunani táe diábí in sia pinoki sunatku ná kon atorang in agama Yahudi,

TIMOTIUS 2 4:10

sin ki Demas ain nonaḷámai kon inakó sin moḷobe-ḷobenbí in tabinea kon in dunia. Sia ain minayá in Tesalonika, ki Krekes minayá in Galatia, yo ki Titus in minayádon in Dalmatia.

TITUS 1:4

Titus, iko uḻe in totu-totuu bidon nobaḻí ki adíku, sin kitada in tumpaḷadon nopirisaya kon i Kristus. Manangka intua umuranku poigumon mako sinbá ki Allah, ki Amá naton bo ki Kristus Yesus Datu Mopoposaḷamat naton, umuran mobogoi in barakat bo kobiagan mopia kon inimu.