KORINTUS 2 2:1 - Alkitab Singog In Mongondow Masa In Tanaa

¹ Tuamai in akuoi ain nonantú kon diádon bui in akuoi mamangoi kon i monimu, sinbá diádon tongá mopoajarmai in gina monimu.

KORINTUS 2 2:1 Mawu Ofanana

OUMAN IN RASUL MITA 11:29

Dá dumodudui mita in notobatú kon gina bo nosipun kon totuḷung podudui in komampuan tobatú bo tobatú. Totuḷung tatua in inogoi monia kon utat mita inta kon Yudea.

OUMAN IN RASUL MITA 15:2

Dá totok in binayowan i Paulus bo i Barnabas in guman in intau mita tatua. Pangabisannea sinantúdon sinbá ki Paulus bo ki Petrus takin tongonumai in intau nongkon Antiokhia mayá in Yerusalem mopoyosingog in soaḷ tatua takin rasul bo itoi mita kon tua.

OUMAN IN RASUL MITA 15:37

Ki Barnabas in moibog doman modia kon i Yohanes inta donoionmai ki Markus,

KORINTUS 1 2:2

Sin iyakinku bidon kon bonu in kotaki-takinpa monimu, akuoi in diábí nosingog kon yagi-yagi, koḻikudbí in nopotaau in habar soaḷ ki Kristus; inta minatoi kon kayu pinoyotaḻempang.

KORINTUS 1 4:21

Tuamai piḻídon onu in koibog monimu! Moibog in moiko sinbá mamangoi takin sambok in akuoi andeka mamangoi takin pia in gina?

KORINTUS 1 5:3

Oobí kon awakku in noyayúdon kon i monimu, táe ginaku in umuranpabí kon i monimu. Tuamai in rasaanku ná bí onda bo kon yua-yuak monimu in akuoi, “Podoyonku kon bonu in tangoi i Tuhan Yesus Kristus! Intau inta nogaidon kon inta totok in moromú tua in mustibí hukumon!” Aka moyosipun in moiko, dá anggapdon oyúon kon yua-yuak monimu in akuoi, bo kon bonu in kawasa i Yesus Tuhan naton,

KORINTUS 2 1:23

Ki Allahbí tontaní in nobaḻí sakusiku – bo inta nonotaau kon ginaku – kon akuoi in diá nobaḻí namangoi in Korintus sin akuoi in doíbí mopoyoyigamai kon gina monimu.

KORINTUS 2 13:10

Tuabí doman in makusudku nomais kon surat tanaa kon wakutu in noyogiyayúanpa in kita. Sinbá aka akuoi bo mamangoidon kon yua-yuak monimu, yo diádon in akuoi mokoporogi in tumayow kon i monimu, podudui in kawasa inta inogoi i Tuhan kon inakó sin ponompia kon i monimu, deemanbí pomoguyaat.

KORINTUS 2 2:4

Moajar totok in ginaku in nomais kon surat tanaa kon i monimu, nodapot in koomba-ombaḷ akuoi in nomais. Deemanbí makusudku kon bá moajar doman in gina monimu, táe bá kotaauan doman monimu kon motabibí totok in akuoi kon i monimu komintan.

TITUS 3:12

Ḷagi naonda in potabákudon mangoi kon inimu in ki Artemas ande ki Tikhikus, yo poramujidon in iko mamangoi kon inakó kon Nikopolis, sin tomayáku in mogutunpa kon tua kon dodai in sempo in tumping naa.