KORINTUS 2 13:7 - Alkitab Singog In Mongondow Masa In Tanaa

⁷ Kami in umuran mopoigum mako doa sinbá moiko in diá mogaid kon inta moraat. Deemanbí mopoontong kon kami in monahangdon totok kon totungkuḷ, táe ibogon nami in bá moiko in umuran motaau in mogaid kon inta mopia – umpaka ontongon monimu in kami diá mokotahang kon totungkuḷ!

KORINTUS 2 13:7 Mawu Ofanana

TAWARIKH 1 4:10

Táe ki Yabes in nosambayang kon i Allah inta sinumba in intau in Israel, kainia, “Oo Allah, barakataidon in akuoi bo pobanatdon in butáku. Oḻiungaidon in akuoi bo poyayúdon in bodito sinbá diá moyoyiga in akuoi.” Bo inindogogan i Allah in igumnea tatua.

MATIUS 6:13

Donaaidon pomayá mako in kami kobuḻian in pirisaya kon dodai in kami koantugan in totungkuḷ, táe pilataidon in kami nongkon kawasa i inta Moraat! [Sin Ikobí in Datu inta mokawasa bo momulia dapot in mononoi. Amin.]’

YOHANES 17:15

Deemanbí Akuoi in mopoigum konbá gamáandon i Amá in mosia nongkon dunia naa, táe poigumon-Ku sinbá ḷukadan i Amá in mosia nongkon kawasa i inta moraat.

SURAT I PAULUS KON JAMAAT RUM 1:28

Bo lantaran irasa in intau kon diábí paraḷu in mosia monotaau kon i Allah, dá pinomayá bidon mako i Allah in kogoguyaatan in raian monia, sahingga in nogaidon mosia kon soaḷ mita inta pinoton aidan.

SURAT I PAULUS KON JAMAAT RUM 12:17

Aka intau mopoaid in moraat kon inimu yo donaaibí tuḻíanmu in moraat. Aidaibí in onu inta inanggap mopia in bayongan intau!

SURAT I PAULUS KON JAMAAT RUM 13:13

Musti in kita mogaid kon soaḷ mita motompia ná inta biasamai aidan in intau kon tungkuḷ in mobayagpa. Dika mogaid kon rame inta moiḻiu, ande moḷoḷangu. Dika mogaid kon inta mokoromú ande oaid inta diá koendar. Dika moporopatoi, bo dika mosiintoian.

SURAT I PAULUS KON JAMAAT RUM 16:10

Salam kon i Apeles. Kotoinduduinea kon i Kristus aindon nouji. Salam doman kon motoḷuadí i Aristobulus,

KORINTUS 1 11:19

Tongá oyúonbí doman in pianea kon tua, sinbá koontongandon in intau inta totu-totuu nobaḻí Keresten.

KORINTUS 2 10:10

Sin oyúon intau noguman nanaa, “Bonu in surat mita i Paulus tua in motogat bo mokobangkaḷ, táe aka siadon tontaní in kon yua-yuak naton, yo moyangkodon in sia bo singognea mita tua in diádon in mangaḻenea!”

KORINTUS 2 10:18

Sin deemanbí intau inta dinumuí tontaní in mokotahang kon totungkuḷ, táe intaubí inta dinuí i Tuhan.

KORINTUS 2 13:6

Haraponku mako in bá kotaauandon monimu kon kami naa in deemanbí intau mita inta diá mokokotahang kon totungkuḷ.

KORINTUS 2 13:8

Kami in diábí mokopongonu kon soaḷ mita inta diá noyokaan in inta mobanar. Soaḷ inta motaau aidan nami in tongábí dumudui kon onu inta mobanar tua.

KORINTUS 2 13:9

Mopiabí in gina nami aka moikodon in moropo-ropot nongkon inami. Tuamai kami umuran mopoigum in doa kon i Allah, sinbá moiko in mobaḻí mosompurna.

KORINTUS 2 6:4

Táe naabí in popoontong nami kon bayongan in intau, onukabí in aidan nami, yo pinoniatabí nami kon kami in totu-totuubí mogogaid mita kon oaidan i Allah. Sin bayongan in yoyiga ain bidon nodait nami sinarima takin gina moonow:

KORINTUS 2 8:21

Sin kami in moibogbí mogaid kon inta mopia, deemanbí tongá kon tayowon i Allah táe kon tayowonbí doman in intau.

PILIPI 4:8

Naa in simpod in singogku utat mita, porai kon onu inta oyúon in baragunanea, bo onu inta motaau dayowon, ná soaḷ mita inta moitutui, inta horomatonmai, inta moadil, modarit, inta moromimit bo inta mopia.

TESALONIKA 1 5:23

Poigumon mako sinbá umuran i Allah ogoian in kobiagan motompia bo baḻíon-Nea in moiko umat inta tongá mopirisaya bo mobiag takin i Allah. Poigumon doman mako bá ḷukadandon i Allah in roho, gina bo awak monimu, sahingga in diábí in mogaat kon wakutu in koangoiandon bui i Yesus Kristus ki Tuhan naton.

TIMOTIUS 1 2:2

bo sambayangai doman in datu mita bo intau mita inta inogoian in kawasa momarenta sinbá moaman bo motompia in kobiagan naton kon tayowon i Allah inta umuran mogaid kon inta mopia.

TIMOTIUS 2 2:15

Totok poramuji sinbá akuondon i Allah in iko saḷaku intau inta motaau pirisayaan-Nea mogaid kon oaidan-Nea. Poramujibí konbá diá mooyá in iko in mogaid kon oaidan tatua, táe tongádon kabaranian motundú bo mopotaau kon onu inta mobanar nongkon i Allah.

TIMOTIUS 2 4:18

Totuubí kon ki Tuhan in momilatbí kon inakó nongkon bayongan tomayá moraat, sahingga in diaan-Neabí in akuoi tumuot kon dodatuan-Nea kon soroga takin saḷamat. Tuamai in tantúbí dayow in Sia modapot in kopaḷutan dunia naa! Amin.

YAKOBUS 1:12

Kosanangdon in intau inta motaba wakutu in kinoantugan in sobaan. Sin aka sia bo mokotahangdon kon sobaan tatua, yo tarimaanneabí in bungainea. Bungainea tua in kobiagan inta ain pinodandi i Allah kon intau inta motabi kon i-Nia.

PETRUS 1 2:12

Kopiaan in oaidmu kon sigad in intau mita inta diápa nonotaau kon i Tuhan, sahingga in aka singogon monia kon iko in intau moraat, yo koontongandon monia in oaidmu inta mopia, dá modayowdon in mosia kon i Allah kon singgai koangoian-Nea.