KORINTUS 2 12:7 - Alkitab Singog In Mongondow Masa In Tanaa

⁷ Táe sinbá diá dumodia in akuoi kon soaḷ mita inta ain pinoontong i Allah tatua, dá akuoi in inogoian in naonda bo tobatú panyaki kon bonu in awakku inta nobaḻí alat in Ibilis. Panyaki tatua inogoi pinohukum kon inakó sinbá diá dumodia in akuoi.

KORINTUS 2 12:7 Mawu Ofanana

KINOBAḺIAN 32:25

Naonda in kinorasaanmai intau tatua kon sia in diábí mountung kon pinorodomokan tatua, dá pinangkánea in ki Yakub kon kayangnea, nodapot in kayangnea tatua noyoḷogit.

KINOBAḺIAN 32:31

Kon dodai mata in singgai nomukádon, ki Yakub nonaḷámaidon kon Pniel, bo bobayánea in nododengkódon sin kayangnea in noyoḷogit.

TAWARIKH 2 26:16

Naonda in ki Datu Uzia noropot, nobaḻídon in sia mododia, bo tua in nokopopisí kon kinorimumudannea. Iḻimimpat in sia kon parenta i Tuhan Allahnea sin sinumuot kon Baḷoi Tuhan sin motubá kon dupa kon tudu in mezbah in dupa.

TAWARIKH 2 32:31

Bo kon tungkuḷ in totabá mita inta nongkon Babel namangoi sin moḻibó kon inia kon kinopopia in takitnea inta mokoherang, ki Tuhan nopomayá kon i Hizkia nogaid tontaní, sinbá motaau monungkuḷ kon ginanea.

AYUB 2:6

Dá ki Tuhan in noguman kon Ibilis, “Mopia, aidaidon kon inia onu in koibogmu, asaḷ dika ḻimodonmu in sia.”

AYUB 2:7

Dá Ibilis in minayádon nongkon tayowon i Tuhan, bo nopomuká in bituḷ mita kon bayongan in awak i Ayub pinangkoi kon paḷad in sioḷ noidapot kon tudu in uḷu.

YEHEZKIEL 28:24

Ki Tuhan in noguman, “Ḻipú mita topodiugmai inta nokoimontandon in noningkuḻe kon Israel, diábí mobaḻí ná dugi inta mokoyaat kon gina in Israel. Mosadar bidon in mosia kon Akuoibí in ki Tuhan Inta Totok in moḷantud.”

DANIEL 5:20

Táe naonda in sia iḷumoḷatú, motogat in gina bo moḻingá iḷabú in sia nongkon pomomarentaan dodatuannea dá noinggamádon in kahoromatannea.

HOSEA 2:6

Tuamai kurungon-Ku in sia kon ruak in bo bonganga, bo moḷamboi kon daḷannea takin tondokon in dinding.

PINOGIAPAN 33:55

Táe aka intau kon ḻipú tatua bo diá poguntunon monimu, yo intau mita inta umuran nogutun kon tua in mopororigamaidon kon i monimu naonda bo bungaion kon mata monimu andeka naonda bo dugi kon sioḷmu. Bo kon singgai moiduduimai mosiadon tua in monubu kon i monimu.

MATIUS 26:67

Bo dinuyáan poḷat kinoyungkuman monia in pogot-Nea; intau mita ibanea nomongkug doman kon i-Nia,

MATIUS 4:10

Dá ki Yesus in notubag, “Bayádon iko, Ibilis! Sin aindon pinais nanaa: Iko in musti mosumba kon i Tuhan, ki Allahmu, bo tongábí Sia in motaau poibadaanmu!”

LUKAS 13:16

Kon naa oyúon in bobay inta mopuḷúdon bowaḷu notaong in umuran kinokodan mako in Ibilis. Ibilis tatua musti inggamáan nongkon inia. Sin sia tua in buíbí doman i Abraham?”

KORINTUS 1 4:11

Umaai in naa umuranpabí in kami gogoyon bo moyogang in bayongan yagi-yagi; ḷambung dongkadon kon awak bo rorigaanpa doman in intau; bo diá doman kotampat pogutunan;

KORINTUS 1 5:5

intau tatua in musti posarakan monimu kon Ibilis sinbá moyoyang in awaknea táe rohonea in posaḷamaton kon wakutu in koangoian i Tuhan bui.

KORINTUS 2 10:10

Sin oyúon intau noguman nanaa, “Bonu in surat mita i Paulus tua in motogat bo mokobangkaḷ, táe aka siadon tontaní in kon yua-yuak naton, yo moyangkodon in sia bo singognea mita tua in diádon in mangaḻenea!”

KORINTUS 2 10:5

kami in momutoḷ kon tomayá mita inta diá mopia bo mogumpag kon onu inta pinosindog noidoyon kon kaḷakuang in intau sin pomayow kon ibog monotaau kon i Allah. Bo mopotaḷá in raian in intau mita inta diá mopia bo aidan sinbá moitungkud kon tayowon i Kristus.

KORINTUS 2 11:20

Tongá pomayá mako monimu aka oyúon in intau mononggata kon i monimu, andeka momakisa moigum bo mogamá kon kauntungan kon i monimu, ande inta monganggap kon mosia in moḷantu-ḷantud nongkon i monimu sahingga in mobarani monokap kon i monimu.

KORINTUS 2 12:1

Totuubí kon diábí in mangaḻe dumodia. Tongá mustikubí doman popotaau onu inta ain pinowahyu bo inta pinoontong i Allah kon inakó.

GALATIA 4:13

Tantú kotoropanpabí monimu nongonu sin akuoi in namangoibí nopoyaput in Habar Mopia kon i monimu tungkuḷ intua. Tua in lantaranbí akuoi notakit.

ULANGAN 17:20

Aka umurannea intua bacaan, dá diábí in sia monganggap kon sia in mopia-pia kon intau mita tobangusanea, bo diábí ḻimimpat kon parenta i Tuhan naondaka in oaidnea. Bo sia takin buínea in momarenta kon bangusanea modapot kon adí bo ompu.”

ULANGAN 8:14

yo ḷukadai kopia sinbá moiko diá mobaḻí mododia bo mokoḻiongdon kon i Tuhan Allahmu inta nopoḷuai kon i monimu nongkon Mesir, tampat inta pinononggataan kon i monimu.

TIMOTIUS 1 3:6

Intau inta mobaḻí itoi kon jamaat, in deemanbí intau inta bagu nopirisaya kon i Kristus, sin dikabo mobaḻí in sia mokaḷakuang, sahingga in kutukon ná Ibilis koḻipod.

HAKIM MITA 2:3

Dá, indongogai in tanaa! Diábí poguntunon-Ku in intau mita tanaa aka moiko moparang takin i monia. Mosia in mobaḻíbí musungmu mita, bo moiko in moibaaḷbí, modapot in moiko moiduduidon mosumba kon dewa mita monia.”