KORINTUS 2 12:1 - Alkitab Singog In Mongondow Masa In Tanaa

¹ Totuubí kon diábí in mangaḻe dumodia. Tongá mustikubí doman popotaau onu inta ain pinowahyu bo inta pinoontong i Allah kon inakó.

KORINTUS 2 12:1 Mawu Ofanana

YEHEZKIEL 11:24

Kon bonu in oontongon tatua, Roho i Allah nobingkat kon inakó bo dinia bui pinobayá kon intau mita intau iḷumbú kon Babel. Onda intua diádon inontong in oontongon tatua.

PINOGIAPAN 12:6

bo ki Tuhan noguman, “Indongogai in tosingogon-Ku naa! Aka kon sigad monimu bo oyúon in tobatú nabi, yo Akuoi in mokipogontong kon inia kon bonu in oontongon mita, bo mongonguman takinnea kon bonu in togoindop.

YOHANES 16:7

Táe totuubí in poguman-Ku tanaa kon i monimu: Totokbí in mopia kon i monimu aka mayá in Akuoi, sin aka Akuoi bo diá mayá, yo diábí mamangoi kon i monimu in mototuḷung tatua. Táe aka Akuoi bo mayá dá potabá-Kubí mangoi in Sia kon i monimu.

YOHANES 18:14

Ki Kayapas naa inta ain nononggina kon itoi mita in Yahudi, kon mopia-piabí tobatú intau in matoi sin kopontingan in bayongan intau.

OUMAN IN RASUL MITA 18:9

Kon doḷom tobatú ki Paulus nokoontong kon tobatú oontongon, ki Tuhan in namangoi kon inia bo noguman nanaa, “Dikabí moondok! Umuran popotaau in Habar Mopia, dika tongá kibio-biómai.

OUMAN IN RASUL MITA 23:11

Kon doḷom noiduduimai ki Tuhan Yesus in namangoi sinimindog kon diugneamai bo noguman kon inia, “Koropotdon in ginamu! Sin iko aindon nobarani in nongonguman kon onu inta inontong bo dinongogmu soaḷ Akuoi kon intau mita kon Yerusalem, dá ná doman tuata iko in mayá bo mongonguman kon intau mita in Rum kon onu inta ain inontong bo dinongogmu soaḷ Akuoi.”

KORINTUS 1 10:23

Kain intau, “Kita in motaaubí mogaid kon onukadon in kino ibog naton.” Totuubí doman! Táe onu in aidan naton tua, diábí komintan baraguna. “Kita in motaaubí in mogaid kon onukadon in kinoibog naton” – táe onu in kinoibog naton tua, diábí komintan mokobiag kon i naton.

KORINTUS 1 14:6

Utatku mita, aka akuoi in mamangoi kon i monimu bo momaké in bahasa norupa-rupamai inta mokoherang kon intau, umpaka yo baraguna kon i monimu intua? Topiḻikmai yo diábí in mangaḻenea! Noyoposibí in aka akuoi mamangoi mopoyaput in koyow nongkon i Allah, ande moginsilang kon soaḷ mita nongkon i Allah, ande mopomangaḻe kon i monimu.

KORINTUS 1 6:12

Oyúon in mosingog kon bayongan intau motaaubí mogaid kon onukadon. Tongá aka kon inakó, tua mita in diábí komintan baraguna. Sin umpaka motaau mogaid in akuoi kon onukadon, táe akuoi in doíbí mobaḻí ki ata in onu inta aidanku tatua.

KORINTUS 2 12:11

Totuubí kon akuoi in sinumon intau bodok – táe moikobí in nomakisa kon i nakó nobaḻí natua. Sabanarnea moikobí in musti moduí kon inakó. Sin umpaka diá baraguna in akuoi kon i monimu, táe kon bayongan yagi-yagi akuoi in noiḻiubí kon rasul mita inta mongotoyang tua.

KORINTUS 2 12:5

Intaubí tatua in nokoḷunganga kon ginaku, deemanbí awakku tontaní. Sin aka kon inakó yo ondabí inta nogaatpa kon awakku, tuabí in duíonku.

KORINTUS 2 12:7

Táe sinbá diá dumodia in akuoi kon soaḷ mita inta ain pinoontong i Allah tatua, dá akuoi in inogoian in naonda bo tobatú panyaki kon bonu in awakku inta nobaḻí alat in Ibilis. Panyaki tatua inogoi pinohukum kon inakó sinbá diá dumodia in akuoi.

KORINTUS 2 12:9

Táe sinubagan i Tuhan nanaa, “Tugatdon in totabi-Ku kon inimu; sin aka naníon kaadaan in awakmu, yo kawasa-Ku in modugangbí moropot.” Tuabí manangka in mopiabí totok in ginaku bo duíonkubí in onu inta nogaat kon awakku. Sin aka akuoi bo diádon mokopongonu, yo kon wakutu intuata korasaanku in kawasa i Kristus inta totok in moḷoben motuḷung kon i nakó.

KORINTUS 2 8:10

Aka podudui in raianku, yo noitutui bidon totok aka moiko bo moginḷapat kon onu inta ain pinangkoi monimu taong inta nopaḷutmai naa. Sin moikobí inta muna-munamai norai bo nomangkoi kon oaidan tanaa.

GALATIA 1:12

Sin tua in deemanbí inogoi in intau kon inakó, bo deemanbí doman intau in notundú kon inakó, táe tua in nouḻíku sin ki Yesusbí tontaní in nobogoi kon inakó.

GALATIA 2:2

Akuoi in minayá in Yerusalem sin ki Allahbí in nopotabá. Bo kon tobatú pinoyodungkuḷan takin itoi mita kon tua, akuoi noginsilang kon Habar Mopia inta pinoyaputku kon intau mita inta deeman Yahudi. Sin doíbí in akuoi aka usahaku koḻipod bo masa in tanaa, tongá mobaḻí diá baraguna.

EPESUS 3:3

Ain pinoguman i Allah in tomayá-Nea inta binuni-Nea tua bo ain pinotaau-Nea kon i nakó. (Soaḷ tanaa in pinaiskudon kino poḷok kon ḻimonik,

TESALONIKA 1 4:15

Kon soaḷ tatua, nanaa in pinoguman i Tuhan inta musti poyaput nami kon i monimu: Kon wakutu in ki Tuhan Yesus mamangoidon bui kita inta nobiagpa in diábí umuna kon i monia inta minatoidon muna.

YOHANES 1 5:20

Kinotaauan bidon naton kon ki Adí i Allah ain namangoi bo ain nobogoi in pongortian kon i naton, sinbá kotaauan naton in ki Allah inta mobanar. Kita in nobiag notobatú takin i Allah inta mobanar bo umuran nobiag notobatú takin i Adí-Nea ki Yesus Kristus. Naadon in ki Allah inta mobanar, bo naadon in kobiagan inta mopia bo mononoi.