KORINTUS 2 11:26 - Alkitab Singog In Mongondow Masa In Tanaa

²⁶ Kon bonu in bobayáanku mobayong totok kodungkuḷanku in soaḷ mita inta mokoondok: oyúon inta mokouma kon ḷunud, moyodungkuḷ in intau moraat, moyogintayow in romú intau in Yahudi bo intau deeman Yahudi, moyotayow in bahaya mita inta mobaḻí kon kotá bo kon ḷuai in kotá, inta bahaya mita kon dagat bo moyotayow in intau mita inta mongaku notobatú kon pirisaya kon i Yesus, bokaka bo diábí.

KORINTUS 2 11:26 Mawu Ofanana

OUMAN IN RASUL MITA 13:45

Wakutu in inontong intau mita Yahudi in intau moantó tatua, mosia in totok nointoi. Totok monia singkuḻeon in ki Paulus bo toko bayowan monia onu in pinogumannea.

OUMAN IN RASUL MITA 13:50

Táe intau mita moḷoben kon kotá tatua bo bobay mita inta nongkon kalangan intau moḷantud inta motoguondok kon i Allah, totok pongaruon in intau mita in Yahudi. Mosia in nogaid kon soaḷ inta nokopomuka kon saturu monia kon i Paulus bo kon i Barnabas, bo inuntundon monia in taya dua nongkon daerah tatua.

OUMAN IN RASUL MITA 14:19

Tongá dodai intua namangoidon in intau mita Yahudi kon Listra. Mosia nongkon Antiokhia kon Pisidia bo nongkon Ikonium bo mopongaru kon intau moantó tatua sinbá dumudui kon i monia. Bo ki Paulus in inarab monia in batu poḷat dinia pinoḷuai kon kotá. Bo kai monia kamai ain bidon minatoi,

OUMAN IN RASUL MITA 14:5

Bo intau mita in Yahudi takin itoi mita monia noyotakin in intau mita deeman Yahudi in noyopakat moposikisa bo mogandur in batu kon rasul mita tatua

OUMAN IN RASUL MITA 15:40

Yo ki Paulus in nodia kon i Silas takinnea. Bo nobuatdon doman in mosia naonda in sinambayangan mako in bayongan jamaat kon Antiokhia tua.

OUMAN IN RASUL MITA 17:13

Dá naonda in dinongog in bayongan intau Yahudi inta nogutun kon Tesalonika kon ki Paulus in nopoyaput domandon in Habar Mopia kon Berea, intau mita in Yahudi tatua namangoi domandon intua, nohasut bo nopoyaying in gina in bayongan intau kon tua.

OUMAN IN RASUL MITA 17:5

Táe nokoontongmai kon natua, intau mita in Yahudi totok nongointoi. Dá nogoinídon in mosia kon bayongan intau moraat kon tua inta tongá umuran moyo-moyosipun sin diá kooaidan bo pinarenta monia nongacau kon bayongan kotá kon tua bo minayá nonuntun kon baḷoi i Yason intau inta nopirisayadon kon i Tuhan Yesus poḷat notayak kon i Paulus bo kon i Silas sin bayáan potayow kon intau moantó.

OUMAN IN RASUL MITA 18:12

Naonda in ki Galio nobaḻí gubernur kon Akhaya, intau mita in Yahudi, notobatú kon gina bo nomayow kon i Paulus poḷat dinia monia pinobayá in pongadilan.

OUMAN IN RASUL MITA 19:1

Wakutu in ki Apolos kon Korintuspa, ki Paulus in koyogot domandon minaya-mayá mako in ḻipu-ḻipúannea inta totok nongoyayú kon daerah tatua bo sia in noiyaputdon kon Epesus. Kon tua noyodungkuḷ in sia in tongonumai intau inta nopirisayadon kon i Yesus.

OUMAN IN RASUL MITA 19:23

Degá kon wakutu in tuata bo nobaḻí in ropatoi moḷoben kon Epesus sin popisí habar soaḷ ki Yesus.

OUMAN IN RASUL MITA 20:19

Akuoi in notuḷung kon i monia takin sanang in gina takin nokopoompá kon dodia, poḷat doman noḷabú in ḷuá in mogaid kon oaidan inta pinoki aid i Tuhan. Akuoi in nogaid umuran doman mokorasa kon roriga sin tantú moyogintayow mako in tomayá moraat in intau mita in Yahudi.

OUMAN IN RASUL MITA 20:3

Naonda in nogutun kon tua toḷu nobuḷan, ki Paulus in sinumakoidon bui kon uangga bo minayá in Siria, táe kon wakutu intua umuranpabí doman tomayáan mako ḻimodon in intau Yahudi in sia. Tuamai nobui in sia nongin Makedonia.

OUMAN IN RASUL MITA 23:10

Nodugangdon noḷoben in bobayowan monia tatua, dá noondokdon itoi in tontara tatua sin dikabo ḻibutan monia in ki Paulus bo patoion. Tuamai binayáneadon pinoki gamá in ki Paulus nongkon yuak monia tatua bo pinoki dia bui kon tampat monia tua.

OUMAN IN RASUL MITA 25:3

Mosia in umuran modondouḷug kon i Pestus sinbá podudui in kopopia in ginanea, sin in moibog mopotabá kon intau modia kon i Paulus mayá in Yerusalem; sin mosia ain notobatú kon gina moḻimod kon inia wakutu in sia kon daḷanpa.

OUMAN IN RASUL MITA 27:42

Wakutu intua tontara mita inta nodia kon intau mita i hukum monomayádon moḻimod kon intau mita inta i hukum tatua, sin mosia in moondok dikabo oyúon in ḷumanguy mayá in toba bo moḷagui.

SURAT I PAULUS KON JAMAAT RUM 15:19

inta mokoherang totok kon intau bo diá in poporupaan. Tua mita in nobaḻí sin kawasa in Roho i Allah. Habar Mopia soaḷ ki Kristus aindon pinohabarku komintan kon intau mita, pinangkoipamai kon Yerusalem nodapot in Ilirikum.

SURAT I PAULUS KON JAMAAT RUM 8:35

Oyúon degá in mokomampu moḷamboi kon i Kristus aka Sia in motabi kon i naton? Kasusahan, roriga, pomogutúan, malarat, kobiagan mobogá, anib ande popatoi, tua mita degá in mokoḷamboi kon tua?

KORINTUS 1 15:30

Bo onu doman in mangaḻe kami moibog tumayow kon inta mokobodito pomuḷoi mako?

KORINTUS 1 15:32

Aka tongá pongin raian in intau, yo onubí in kauntungan kon inakó in moberjuang totok naonda bo monayow kon mahaḷuk mita inta mongoromú kon kotá in Epesus tanaa? Aka totuu kon intau minatoi diá biagon bui, yo maníka dumudui in kita kon ná kain singog in intau nanaa: “Koḻigai mongaan bo monginum poḷat mobarasanang in kita sin ikoḷom in tatap matoibí doman.”

KORINTUS 2 11:32

Wakutu in akuoi kon Damsyik ki gubernur inta nongawasa kon tua, inta kon bonu in pomarentaan i Datu Aretas, nokiḷukad kon tontara kon ngara in kotá tatua sin modomok kon inakó.

GALATIA 2:4

umpakabí oyúon intau in totok momakisa kon inia. Mosia tua in intau mita inta umuran kumapog kon i naton bo mongaku kon mosia in ki utat naton. Mosia tua in umuni-uni mako monarukira kon onukabí in aidan naton saḷaku intau inta ain notobatú takin i Kristus Yesus. Ibogon monia in kita mobui kon kaadaan naton koḻipod saḷaku ki ata monia,