KORINTUS 2 11:13 - Alkitab Singog In Mongondow Masa In Tanaa

¹³ Sin intau mita tatua in deemanbí totu-totuu rasul. Mosia tua in tongábí mogogaid inta moibo-ibog mongakaḷ kon intau bo mongaku saḷaku rasul mita i Kristus.

KORINTUS 2 11:13 Mawu Ofanana

YEREMIA 23:16

Kon intau inta nogutun kon Yerusalem, ki Tuhan Inta Totok in mokawasa noguman, “Dika indongogan in tosingogon in nabi mita inta umuran tongá mobogoi in kamang inta diá in mangaḻenea. Mosia in tongábí mopotaau in onu in inta kon raian monia tontaní bo deemanbí koyow-Ku.

YEREMIA 27:14

Dika indongogan in nabi mita inta mongampag kon i Tuang Datu mokiompu kon i datu in Babel, sin mosia tua in monompobaḻikbí kon i Tuang Datu.

MATIUS 25:24

Kon tua namangoidon doman in simpaḷ inta inogoian in doit buḷawan toribu, sia noguman, ‘Tuang, kinotaauanku iko in intau inta morogi totok bo inta nokoyut kon gobá inta deeman binunakanmu bo nopuyut kon bungai in inta deeman pinomuḷamu.

OUMAN IN RASUL MITA 15:1

Tongonumai in intau nongkon Yudea in namangoi in Antiokhia bo notundú kon intau mita inta mopirisaya kon i Yesus. Mosia in noguman kon aka mosia bo diá sunaton ná inta pinarenta kon hukum i Musa, yo diábí mosaḷamat.

OUMAN IN RASUL MITA 15:24

Aindon dinongog nami kon oyúondon in intau nongkon sigad nami in namangoi kon i monimu bo mongacau poḷat mopoyaying in pirisaya monimu. Bokaka mosia tua in diábí pinotabá nami.

OUMAN IN RASUL MITA 20:30

Modapot in oyúon doman in intau mita kon sigad monimu in mobaḻí mopopotaau in habar inta diá totuu. Mosia in mogaid kon natua sinbá intau mita inta ain nopirisaya kon i Yesus in moiḷaḻe bo dumudui kon i monia.

SURAT I PAULUS KON JAMAAT RUM 16:18

Sin intau mita inta momia kon natua, deemanbí mogaid sin kopontingan i Kristus inta Tuhan naton, táe tongábí motayak kon kasanangan in gina monia tontaní. Dondouḷug bo singog monia moaḷus inta kodongogan tua in tongábí pakéon monia monguboḷ kon intau mita inta diápa nonotaau in onu bo onu.

KORINTUS 2 11:15

Dá diádon motaau herangon aka dumodudui mita in Ibilis mongaku saḷaku mogogaid mita kon oaidan i Tuhan. Tongá mosia tua in motarimabí kon hukuman podudui in oaid monia tua.

KORINTUS 2 2:17

Sin kami in diábí ná intau ibanea inta tongá moibog motayak kon kauntungan nongkon habar i Allah tatua. Motuḻidbí totok in tujuan nami, sin ki Allahbí in nokiaid intua komintan kon i nami. Bo inontongbí i Allah tontaní kon kami in nopoyaput in habar tatua nogaidbí saḷaku mogogaid mita i Kristus.

KORINTUS 2 4:2

Kami in doíbí tongá umuni-uni sin mokooyábí in natua. Bo kami in doíbí mogaid takin gina inta diá motuḻid bo poḷat doman mopotaḷá in singog i Allah. Kami in nogaid kon oaidan i Allah takinbí gina motuḻid ná inta kinoibog-Nea. Tuamai in harapon mako tua, kopiaan in monilai kon i nami.

GALATIA 1:7

Sabanarnea diábí in “habar mopia ibanea mako”. Tongá oyúon in intau namangoi mopotombauk in pirisaya monimu. Makusud monia tua in mopoyotaḷá in “habar mopia” i Kristus.

GALATIA 2:4

umpakabí oyúon intau in totok momakisa kon inia. Mosia tua in intau mita inta umuran kumapog kon i naton bo mongaku kon mosia in ki utat naton. Mosia tua in umuni-uni mako monarukira kon onukabí in aidan naton saḷaku intau inta ain notobatú takin i Kristus Yesus. Ibogon monia in kita mobui kon kaadaan naton koḻipod saḷaku ki ata monia,

GALATIA 4:17

Intau mita ibanea moramuji totok motayak kon i monimu, táe diábí mopia in makusud monia. Mosia tua in tongábí moibog momontow kon hubungan monimu takin inami, sinbá moiko in moibogdon dumudui kon i monia.

GALATIA 6:12

Intau mita inta mokikoontong kon tumpaḷa intau, mosia inta moramuji momakisa kon i monimu sinbá sunaton. Táe tua in aidan monia sinbá diá pogutúon in intau Yahudi in mosia. Sin mosia in nopoyaput in habar soaḷ roriga i Kristus.

EPESUS 4:14

Dá kita in diábí naonda bo mongoadí mita inta pinoyaying magí-mako in noyagi-yagimai in totundú in intau mita inta mongomunapik. Mosia tua in mongonguman kon diá totuu sin mopotaḷá kon onu inta noitutui.

PILIPI 3:18

Akuoi in umurandon noguman kon i monimu, táe tanaa in takindon ombaḷ akuoi in moguman kon nobayongdon in intau inta kobobiagnea momoguyaat kon mangaḻe in kinopatoian i Kristus kon kayu pinoyotaḻempang.

PILIPI 3:2

Mokopoingatdon kon i monia inta umuran mogaid kon inta diá mopia, mosia inta motaaudon tangoion ‘ungkú’. Mosia inta umuran momakisa kon bá sunatondon mita in bayongan intau.

KOLOSE 2:4

Naa in pogumanku kon i monimu, sinbá diá in moiko uboḷan in intau mita inta tongá mopia kon bibig.

KOLOSE 2:8

Mustibí mokopoingat in moiko, dikabí modapot in oyúon in mokodondouḷug kon i monimu takin raian mita inta tongá pinodoyon kon pandoi in intau inta diá in baragunanea, táe tongá mokopoyaying kon pirisaya. Raian mita tatua in deemanbí nongkon i Kristus, táe tongábí nongkon raian in intau bo nongkon roho mita inta nongawasa kon dunia.

YOHANES 1 2:18

Uḻe Adíku mita, kopaḷutan in dunia motoyongdon! Bo ná inta ain pinoguman kon i monimu, intau mita inta Mosaturu kon i Kristus in mamangoibí. Bo tanaa mobayongdon in mosia inta mosaturu kon i Kristus. Tua in tandanea kon motoyongdon in kopaḷutan in dunia.

YOHANES 1 4:1

Utat mita inta kotabiku! Donaaibí mogampang kinopiri-pirisayanea kon intau mita inta mongaku kinawasa in Roho i Allah, táe ujipa muna in mosia tua sinbá kotaauandon monimu mongo roho kon i monia tua nongkon i Allah andeka deeman. Sin nobayongdon intau in maya-mayá mako bo mongaku nabi bokaka deemanbí totuu nabi.

YUDAS 1:4

Sin diá kinotaa-taauanmai, naanta oyúon bidon in intau mita ibanea inta umuni-uni mako bo sinumuot kon yua-yuak naton. Mosia tua in intau mita moraat inta mopoyotuuy in habar soaḷ totabi i Allah naton. Makusud monia tua in motayakbí kon kasampatan mopoaid in onu inta kinoibog in awak monia. Mosia tua in diá mopirisaya kon ki Yesus Kristus tua in mongongawasa bo Tuhan naton. Nongkon tungkuḷpabímai hukuman kon i monia tua aindon pinotaau muna kon bonu in Buk Motusi.

WAHYU 19:20

Mahaḷuk tatua in kinodomokan takin intau mita inta morongaku nabi táe deemanbí totuu nabi inta ain norogaid kon soaḷ mita inta mokoherang kon tayowon mahaḷuk tatua. (Takin aid mita monia inta mokoherang tatua, mosia nonguboḷ kon i monia inta ain notarima kon tanda in mahaḷuk tatua bo inta ain nosumba kon patongnea.) Bo mahaḷuk tatua takin intau mita inta deeman totuu nabi tumpaḷa pinogambat kon bonu in tuḷu moḷoben inta kodoko-dokot takin balerang.

WAHYU 2:2

Kinotaauan-Kubí onu inaidan monimu. Moiko in morajing totok in mogaid bo totok doman mosabar. Kinotaauan-Kubí doman kon kinodoíbí monimu in mosia inta moraat. Bo intau mita inta dumuí rasul bokaka deemanbí totuu rasul, aindon inuji monimu bo kinokadapatan monimu kon mosia tua in intaubí mita inta mongouboḷ.

WAHYU 2:20

Táe naa in kinodoí-Ku kon i monimu; Pinomayámudon mako in ki Izebel, bobay inta dinumuí totabá i Allah tua. Nobayongdon in intau-Ku in inakaḷannea bo sinundúnea mogaid kon inta mokotor bo mokaan kon kaanon inta ain pinosumba kon berhala.

WAHYU 2:9

Kinotaauan-Kubí in yoyiga mita monimu; Kinotaauan-Kubí kon moiko in nomasiking – táe sabanarnea moiko nion in nooyúonbí! Kinotaauan-Kubí doman in bayongan inta pinonapud kon i monimu i intau mita inta dumuí intau in Yahudi, bokaka deemanbí; mosia tua in dumoduduibí in Ibilis!