KORINTUS 2 11:1 - Alkitab Singog In Mongondow Masa In Tanaa

¹ Pomayápa mako akuoi in tumombodok topiḻik. Motaaubí degá?

KORINTUS 2 11:1 Mawu Ofanana

DATU MITA 2 5:3

Kon singgai tobatú bobantung tatua in noguman kon i tuangnea, “Iná, aka kuma bo ki tuang moibog in mayá mokipodungkuḷ kon nabi tobatú inta nogutun kon Samaria, yo mopiabí i nabi tatua in ki tuang.”

PINOGIAPAN 11:29

Ki Musa notubag, “Nongonu sin akuoibí in raionmu? Ibogonku mako naa ki Tuhan mobogoi in Roho-Nea kon bayongan bangusa-Nea, bo baḻíon-Nea in mosia komintan tua nabi!”

MATIUS 17:17

Dá ki Yesus in noguman kon murí-Nea mita, “Ei moiko intau inta diá mongopirisaya bo intau inta nongoiḷaḻe, dapotpamain onda in Akuoi in musti moyotakin monimu? Diadon mangoi kon naa adí tanion!”

OUMAN IN RASUL MITA 18:14

Bagu in ki Paulus motubag, indoianmai ki Galio in munadon nosingog kon intau mita in Yahudi tatua, kainia, “Ei intau mita in Yahudi! Aka inta pinongadu monimu naa bo totu-totuu taḷá andeka oaid inta diá mopia, yo tantú indongogankubí.

OUMAN IN RASUL MITA 26:29

Dá tubag doman i Paulus, “Sambayanganku kon i Allah sinbá moonggot ande motoyong, ki Tuang takin bayongan intau inta nokodongog kon singogku singgai naa in modait mobaḻí ná akuoi naa – táe deemanbí tokigon ná tanaa!”

KORINTUS 1 1:21

Sin dapot kabí in onda in kapandoian intau, yo diábí in mokopobaḻí kon inia monotaau kon i Allah. Táe popisíbí in ki Allah mobijaksana, dá noibog in Sia in noposaḷamat kon intau mita inta mopirisaya kon i-Nia naonda in nokodongog kon habar inta pinotaau nami inta inanggap in dunia naa tongá uboḷ.

KORINTUS 1 3:18

Donaai tobatúmai in monguboḷ kon awaknea tontaní. Aka oyúon in kon sigad monimu in monganggap mobijaksana in sia podudui in raian intau, yo intau tatua in mustibí tumekeng bodok, sinbá totu-totuu mobaḻí mobijaksana in sia.

KORINTUS 1 4:10

Kami in sinumon bodok lantaran ki Kristus. Táe moiko in nopandoidon lantaran ain nopirisaya kon i Kristus! Kami in diádon mokopongonu, táe moiko in noropotdon! Kami in tantú irebeg in intau, táe moiko in umuran dinuí!

KORINTUS 1 4:8

Oobí kon diá bidon moparaḷu kon onu bo onu in moiko! Sin nooyúondon bo nobaḻídon datu in moiko! Yo kami in diá. Mopiabí totok aka moiko bo totu-totuudon nobaḻí datu, sinbá motaau in kami momarenta moyotakin monimu.

KORINTUS 2 11:19

Tantú mosanangbí in gina monimu in nosabar in sinumayow kon intau mita bodok. Sin inanggap monimu mopandoi in moiko!

KORINTUS 2 11:21

Takin porasaan mooyá musti akuonku, kon kami in diábí mokobaḻí in momia natua. Táe aka intau ibanea bo mokobaḻí in dumodia, yo akuoi in mobaranibí doman! (Akuoi in mosingog naonda bo intau bodok.)

KORINTUS 2 11:4

Sin tarukiraankumai moiko in tongábí kibio-biómai aka oyúon in intau mamangoi bo mopotaau in habar soaḷ ki Yesus, táe ki Yesusbí tolaeng, deemanbí ki Yesus inta ain pinotaau muna nami kon i monimu. Bo tarimaan doman monimu in roho bo “habar mopia” inta totu-totuubí kon diá notongkai in Roho i Allah bo Habar Mopia inta ain muna sinarima monimu nongkon i nami.

KORINTUS 2 12:11

Totuubí kon akuoi in sinumon intau bodok – táe moikobí in nomakisa kon i nakó nobaḻí natua. Sabanarnea moikobí in musti moduí kon inakó. Sin umpaka diá baraguna in akuoi kon i monimu, táe kon bayongan yagi-yagi akuoi in noiḻiubí kon rasul mita inta mongotoyang tua.

KORINTUS 2 5:13

Sin aka kami bo ná diádon moratak, yo tua in lantaranbí kopontingan i Allah, táe aka kami bo moratak in koontongan, yo tua in lantaranbí moiko.

IBRANI 5:2

Tongá mobayongpabí in kalemahan in imang moḷoben tatua, manangka intua sia in musti mokopoaḷus kon potosingog kon i monia inta diá monotaau kon onu bo onu bo kon i monia inta ain noitaḷá kon daḷan.

YOSUA 7:7

Ki Yosua noguman kon i Tuhan, “O Allah Tuhanku! Onu in mangaḻe in pinodiaan-Mu kon inami nodapot kon ḷoḷan in Yordan? Yo degá tongábí mobogoi kon inami kon intau mita in Amori? Sinbá matoi in kami? Mopia-piabí kon nogutun kon ḷoḷan in Yordan in kami!