KORINTUS 2 10:13 - Alkitab Singog In Mongondow Masa In Tanaa

¹³ Kami in doíbí natua. Aka kami bo dumui-duí, yo doíbí moiḻiu kon onu inta ain sinantú i Allah kon i nami. Kami in mogaid tongábí komangoi in batas inta ain sinantú i Allah. Bo moiko in noibonubí kon batas tatua.

KORINTUS 2 10:13 Mawu Ofanana

MAZMUR 19:4

Diábí in mongonguman andeka mongunsingog, diábí in singog in kodongogan.

AMSAL 25:14

Dandi mita inta diá inintompodan, in naonda bo goḷom bo tompot inta diá mopoonag in uyan.

YESAYA 28:17

Koadilan baḻíon-Ku tontogot pogogukur, bo gina motuḻid baḻíon-Ku tontogot ponigad.” Uyan batu in mobundur mokopodarit kon bayongan in uboḷ inta pongata monimu. Ḷunud in mogiḻigbí kon pogogadopanmu.

MATIUS 25:15

Inta tobatú inogoiannea in ḻima noribu in doit buḷawan, tobatú inogoiannea in doyowa noribu, bo inta tobatú inogoiannea in toribu. Sia in nobogoi natua kon i monia pinodudui in komampuan monia tontaní. Nopaḷut mako nobogoi kon tua, sia minayá.

SURAT I PAULUS KON JAMAAT RUM 10:18

Táe akuoi in moḻibó: Degá diápa dinongog monia? Pasti dinongog bidon! Sin kon Buk Motusi ain pinais nanaa, “Singog monia ain kinodongogan kon bayongan in dunia naa, bo onu in pinotaau monia noiyaput kon popod in dunia.”

SURAT I PAULUS KON JAMAAT RUM 12:3

Ki Allah in nobogoidon in totabi-Nea kon i-Nakó. Manangka intua utat mita akuoi in mononggina kon i monimu nanaa: Donaaibí in moiko morasa kon lebedon moḷantud nongkon kaadaanmu sabanarnea. Táe naa in aidai: mokopoompá kon raian bo nilaidon in kaadaan monimu tontaní. Nilai in kaadaan monimu tontaní podudui in komampuan inta inogoi i Allah kon inia, sin sia in mopirisaya kon i Yesus.

SURAT I PAULUS KON JAMAAT RUM 12:6

Kita in inogoianbí in totabi inta noyo-noyoposi. Totabi mita tatua in inogoi i Allah kon i naton pinoduduibí kon ibog-Nea. Manangka intua onu inta pinonotabi tatua in mustibí pakéon naton. Intau inta nokouḻí kon totabi mopohabar in habar nongkon i Allah, mustibí mopohabar in habar nongkon i Allah podudui in komampuannea.

SURAT I PAULUS KON JAMAAT RUM 15:20

Kon ginaku naa in mopotaaubí in Habar Mopia nongkon i Allah kon tampat inta intaunea mita in diápa nokodongog kon soaḷ ki Kristus tua. Sin doíbí in akuoi moposindog in oaidan kon pondasi mita inta ain pinomia in intau ibanea.

KORINTUS 1 12:11

Tua komintan in tongábí inaidan in Roho i Allah tobatú tatua; pomuḷoi in intau in mokouḻíbí kon totabi noyo-noyoposimai poduduibí ibog in Roho tatua.

EPESUS 4:7

Ki Kristus ain nobogoi in totabi-Nea kon inaton kon batúannea.

PETRUS 1 4:10

Moiko in komintan bidon nokouḻí kon totabi mita inta noyo-noyoposi nongkon i Allah. Tuamai saḷaku mogogaid mita inta mopia pakédon kopira in onu inta ain pinonotabi i Allah tatua sin pogaid kon kopontingan moyotakin.