KORINTUS 2 10:11 - Alkitab Singog In Mongondow Masa In Tanaa

¹¹ Táe maníka bo morai in intau mita inta mosingog tatua, kon aka kami bo kon yua-yuakdon monimu, yo aidanbí nami ná inta pinais kon bonu in surat mita nami.

KORINTUS 2 10:11 Mawu Ofanana

KORINTUS 2 10:10

Sin oyúon intau noguman nanaa, “Bonu in surat mita i Paulus tua in motogat bo mokobangkaḷ, táe aka siadon tontaní in kon yua-yuak naton, yo moyangkodon in sia bo singognea mita tua in diádon in mangaḻenea!”

KORINTUS 2 10:12

Oo! Totuubí kon kami in diábí mokobaḻí mopoyobanding ande mokipotongkai kon intau mita inta norai kon mosia tua in moḷantu-ḷantud. Nobodok totok in mosia! Mosia in mogaid kon ukuran monia tontaní bo ponilai kon i monia tontaní podudui in ukuran inta inaidan monia tua.

KORINTUS 2 12:20

Sin moḻia-ḻiaw in ginaku, dikabo naonda in akuoi mamangoi, koangoiankumai moiko diádon ná inta iharapku mako, ná doman tua in akuoi, koangoianmai monimu, diádon ná inta iharap mako monimu. Sin dikabo mobobayowanmai in moiko, mosiintoian, dumodia, tongá moibog morai kon kopontingan tontaní bo mopotombauk.

KORINTUS 2 13:10

Tuabí doman in makusudku nomais kon surat tanaa kon wakutu in noyogiyayúanpa in kita. Sinbá aka akuoi bo mamangoidon kon yua-yuak monimu, yo diádon in akuoi mokoporogi in tumayow kon i monimu, podudui in kawasa inta inogoi i Tuhan kon inakó sin ponompia kon i monimu, deemanbí pomoguyaat.