KORINTUS 2 10:10 - Alkitab Singog In Mongondow Masa In Tanaa

¹⁰ Sin oyúon intau noguman nanaa, “Bonu in surat mita i Paulus tua in motogat bo mokobangkaḷ, táe aka siadon tontaní in kon yua-yuak naton, yo moyangkodon in sia bo singognea mita tua in diádon in mangaḻenea!”

KORINTUS 2 10:10 Mawu Ofanana

IḶUAIAN 4:10

Táe ki Musa in noguman, “O, Tuhan, akuoi naa intaubí inta diá motoḻindat in mosingog, koḻipod ande masai naa, naonda in ki Tuhan nosingog kon inakó. Mobogat in diláku, moḷaḷoi bo diá motoḻindat.”

YEREMIA 1:6

Akuoi in notubag, “O Tuhan Inta Totok in moḷantud, akuoi in diábí mopandoi mosingog sin akuoi in noiḻiupa in guod.”

KORINTUS 1 1:17

Akuoi in pinotabá mangoi i Kristus deemanbí mamangoi mobaptis, táe mamangoibí mopotaau in Habar Mopia. Bo deemanbí doman kapandoianku tontaní in pinakéku sinbá oyúon mangaḻe in kawasa nongkon kinopatoian i Kristus nongkon kayu pinoyotaḻempang.

KORINTUS 1 1:21

Sin dapot kabí in onda in kapandoian intau, yo diábí in mokopobaḻí kon inia monotaau kon i Allah. Táe popisíbí in ki Allah mobijaksana, dá noibog in Sia in noposaḷamat kon intau mita inta mopirisaya kon i-Nia naonda in nokodongog kon habar inta pinotaau nami inta inanggap in dunia naa tongá uboḷ.

KORINTUS 2 10:1

Akuoi ki Paulus, inta kain intau in diá mobarani moyogintayow mako, tongá mobarani aka moyogiyayúan monimu. Tanaa mako pinodoyon kon koaḷus bo kopopia in gina i Kristus,

KORINTUS 2 10:11

Táe maníka bo morai in intau mita inta mosingog tatua, kon aka kami bo kon yua-yuakdon monimu, yo aidanbí nami ná inta pinais kon bonu in surat mita nami.

KORINTUS 2 10:9

Diábí moibog in akuoi anggapon monimu kon suratku tatua in mopogogondok kon i monimu.

KORINTUS 2 11:21

Takin porasaan mooyá musti akuonku, kon kami in diábí mokobaḻí in momia natua. Táe aka intau ibanea bo mokobaḻí in dumodia, yo akuoi in mobaranibí doman! (Akuoi in mosingog naonda bo intau bodok.)

KORINTUS 2 11:6

Degá diá basí motaau mosingog in akuoi, táe aka tongá pororai, yo akuoi in motaaubí doman. Bo tua in ain bidon nodait inontong monimu.

KORINTUS 2 13:3

Dá moiko in mokouḻíbí kon bukti inta totok in kinoibog monimu kon memang totuubí kon ki Kristusbí in mosingog pinongin inakó. Tongá aka Sia bo mopoaidon diábí tongá dumondouḷug, táe popoontong-Neabí in kawasa-Nea kon yua-yuak monimu.