KORINTUS 2 1:9 - Alkitab Singog In Mongondow Masa In Tanaa

⁹ Sin nádon onda bo pinopoḷabúan in hukuman matoi. Tongá tua in nobaḻí mita sinbá kami in diá mopongata in ropot nami tontaní, táe umandoḷbí kon i Allah inta nobogoi in kobiagan kon intau.

KORINTUS 2 1:9 Mawu Ofanana

AYUB 40:14

Dá dayowon-Kubí in iko sin iko in nountung takin ropotmu tontaní.

MAZMUR 22:29

Sin ki Tuhanbí inta kitogi kawasa, Sia in nomarenta kon bangusa mita.

AMSAL 14:32

Intau moraat moyopú popisí in aidnea moraat, intau mopia ḷukadan in aidnea inta motuḻid.

AMSAL 28:26

Ki ine in mopongata in raiannea tontaní, diábí koraian mopia. Ki ine in dumudui kon totundú in intau mobijaksana mosaḷamatbí.

YESAYA 38:10

“Gumanku, bagu notombotak in umur akuoi in mustidon mayá, monimpod kon ki agat in kobiaganku kon dunia in intau minatoi.

YEHEZKIEL 33:13

Aka Akuoi in modandi kon moposaḷamatbí kon intau inta mopia, táe aka sia momangkoidon momia kon dosa bo moharap mako kon sia in posaḷamatonbí popisí in aidnea mopia dungkuḷmai, yo notoboḻingodon in sia. Diá bidon toropon-Ku in aidnea inta mopia dungkuḷmai bo matoibí in sia popisí in dosanea mita.

LUKAS 18:9

Ki Yesus in nongonguman kon poumpamaan tanaa, sin kon tua oyúon in intau inta monganggap kon tongábí mosia in intau mobanar, bo intau ibanea inanggap monia komintanbí binaradosa.

SURAT I PAULUS KON JAMAAT RUM 8:36

Kon bonu in Buk Motusi in pinais nanaa, “Tumongo singgai in kami moyogintayow mako in popatoi popisí in Iko. Kami in pinomiadon naonda bo domba inta diaandon sin ratáan.”

KORINTUS 2 1:10

Ki Allahbí tua in noposaḷamat kon inami nongkon yoyiga inta mokopatoi tua. Bo inta moposaḷamat kon inami kon singgai moiduduimai naa, sin tongábí Sia in binaḻí nami oandoḷan. Kami in moyakin bidon kon sambayang mita monimu kon inami indongoganbí i Allah, sahingga in posaḷamaton-Neabí in kami nongkon bayongan inta mokobodito kon i nami. Ki Allah in umuranbí nobogoi in barakat kon inami sin umuran monimu sinambayangan. Tuamai nobayongdon totok in intau mosukur kon i Allah.

KORINTUS 2 1:8

Utat mita! Ibogon nami in bá kotaauan doman monimu naonda in yoyiga inta kinorasaan nami wakutu in kon Asia. Mobogat totok in yoyiga noiantug kon inami kon tua, sahingga in diá bidon pinononggina mako nami kon mobiagpa in kami;

KORINTUS 2 3:5

Diábí in dodoyonan singog nami in mosingog kon kami in mokosanggupbí mogaid kon oaidan tanaa, sin tongábí ki Allah in nobogoi komampuan tanaa kon i nami.

KORINTUS 2 4:7

Táe kaoyúonan inta mopia nongkon soroga tua in ná bí kon bonu in awak nami inta inaidan nongkon butá ḷamentong, sinbá moniatadon kon ropot moḷoben kon inami naa in nongkon i Allahbí, deemanbí nongkon inami tontaní.

IBRANI 11:19

Ki Abraham in noyakinbí totok kon mokosanggupbí in ki Allah momiag kon i Ishak nongkon kinopatoiannea tua, dá motaaubí tangoion kon ki Abraham in notarimadon bui kon i Ishak nongkon kinopatoiannea.