KORINTUS 2 1:8 - Alkitab Singog In Mongondow Masa In Tanaa

⁸ Utat mita! Ibogon nami in bá kotaauan doman monimu naonda in yoyiga inta kinorasaan nami wakutu in kon Asia. Mobogat totok in yoyiga noiantug kon inami kon tua, sahingga in diá bidon pinononggina mako nami kon mobiagpa in kami;

KORINTUS 2 1:8 Mawu Ofanana

OUMAN IN RASUL MITA 16:6

Ki Paulus bo ki Silas in diá inogoi in Roho i Allah mopoyaput in Habar Mopia kon propinsi Asia. Dá mosia in nopobayádon kon daerah in Prigia bo Galatia.

OUMAN IN RASUL MITA 19:41

Naonda in noguman kon tua mita, bayongan in intau kon tua nodaitdon pinoki pobuian i jurutulis tatua.

OUMAN IN RASUL MITA 2:9

Kita naakan, intaubí in Partia, Media, Elam; Mesopotamia, Yudea, Kapadokia; Pontus, Asia,

SURAT I PAULUS KON JAMAAT RUM 1:13

Utatku mita! Ibogonku in bá kotaauan doman monimu kon mokakitdon in akuoi moibog mamangoi mokipodungkuḷ kon i monimu, tongá tantú oyúon in ḷabot. Sin ibogonku in bá oyúon doman bungai in oaidanku kon sigad monimu ná inta ain nobaḻí kon yua-yuak in intau mita inta deeman Yahudi kon tampat mita ibanea.

KORINTUS 1 15:32

Aka tongá pongin raian in intau, yo onubí in kauntungan kon inakó in moberjuang totok naonda bo monayow kon mahaḷuk mita inta mongoromú kon kotá in Epesus tanaa? Aka totuu kon intau minatoi diá biagon bui, yo maníka dumudui in kita kon ná kain singog in intau nanaa: “Koḻigai mongaan bo monginum poḷat mobarasanang in kita sin ikoḷom in tatap matoibí doman.”

KORINTUS 1 16:9

Sin moantó in kasampatanku kon naa in mogaid kon oaidan mita inta baraguna, umpaka mobayong doman in intau momayow.

KORINTUS 1 4:8

Oobí kon diá bidon moparaḷu kon onu bo onu in moiko! Sin nooyúondon bo nobaḻídon datu in moiko! Yo kami in diá. Mopiabí totok aka moiko bo totu-totuudon nobaḻí datu, sinbá motaau in kami momarenta moyotakin monimu.

KORINTUS 2 1:9

Sin nádon onda bo pinopoḷabúan in hukuman matoi. Tongá tua in nobaḻí mita sinbá kami in diá mopongata in ropot nami tontaní, táe umandoḷbí kon i Allah inta nobogoi in kobiagan kon intau.

KORINTUS 2 6:9

Kai monia in noyakag intau in nokotaau kon i nami, táe komintan intau in nonotaaubí kon inami. Sinangka monia kami in minatoi bidon, táe noniata kon kami in nobiagpabí. Umpakabí kami in pinogutú táe kami in diábí minatoi.

SAMUEL 1 20:3

Ki Daud in notubag, “Kinotaauanbí totok i amámu kon iko in motabibí kon inakó. Dá notantú bidon kon diábí potaaunea kon inimu in soaḷ tatua sinbá diá moajar in ginamu. Naondaka doman, podoyon kon i Tuhan inta nobiag, totuubí kon kobiaganku naa in naonda bo natu kon ḷuntung in tungoi!”

SAMUEL 1 27:1

Ki Daud norai kon bonu in ginanea, “Naondaka doman yo kon singgai tobatú in ki Saul in moḻimodbí kon inakó. Dá diábí in daḷan ibanea kon inakó, koḻikudon in moḷagui mayá in butá in Pilistin. Aka natua dá diá bidon tayakon i Saul in akuoi kon Israel, bo akuoi in moaman domandon.”