KORINTUS 2 1:7 - Alkitab Singog In Mongondow Masa In Tanaa

⁷ Kami in tantúbí moyakin bo diábí moḻia-ḻiaw in gina nami kon i monimu, sin kinotaauan bidon nami kon moiko nion in moibogbí moyoyiga takin nami. Manangka intua moiko in iyigonan doman takin nami.

KORINTUS 2 1:7 Mawu Ofanana

MATIUS 23:30

Takin mosingog nanaa, ‘Aka kami nobiag kon tungkuḷ i ḷaki bo ibaay naton, yo tantú diábí in kami dinumudui kon oaid monia inta moibog moḻimod kon nabi mita tatua.’

KORINTUS 1 10:13

Bayongan in totungkuḷ inta korasaan monimu tua in bagubí totungkuḷ inta biasamai korasaan in intau. Táe ki Allah in tantúbí mosatia kon dandi-Nea. Diábí pomayá-Nea mako in moiko in koantugan totungkuḷ inta moiḻiudon kon komampuan monimu. Kon dodai in koantugan in sobaan in moiko, Sia in umuranbí mobogoi in daḷan kon i monimu, sinbá umuran moropot in moiko bo mokotahang.

KORINTUS 2 12:20

Sin moḻia-ḻiaw in ginaku, dikabo naonda in akuoi mamangoi, koangoiankumai moiko diádon ná inta iharapku mako, ná doman tua in akuoi, koangoianmai monimu, diádon ná inta iharap mako monimu. Sin dikabo mobobayowanmai in moiko, mosiintoian, dumodia, tongá moibog morai kon kopontingan tontaní bo mopotombauk.

KORINTUS 2 7:9

Táe tanaa mako in mosanangdon in ginaku – tongá deemanbí nosanang in gina lantaran noajar in gina monimu. Táe lantaranbí naonda in nokorasa kon ajar in gina tatua, dodia monimu in nobaḷui. Tua komintan in totundú mita i Allah, sahingga in diábí norugi topiḻikmai in moiko.

TIMOTIUS 2 2:12

Aka kita bo motaba, yo kita in moyotakin-Neabí doman momarenta. Aka diá akuon naton in Sia, yo diábí doman akúon-Nea in kita.

TIMOTIUS 2 3:11

Kinoontonganmudon doman naonda in kororiga pogutúon ná inta kinorasaanku kon Antiokhia, kon Ikonium bo kon Listra. Bo kinotaauanmubí in bayongan roriga inta kinorasaanku tua! Táe pinosaḷamatbí i Tuhan in akuoi nongkon bayongan tua.

YAKOBUS 1:12

Kosanangdon in intau inta motaba wakutu in kinoantugan in sobaan. Sin aka sia bo mokotahangdon kon sobaan tatua, yo tarimaanneabí in bungainea. Bungainea tua in kobiagan inta ain pinodandi i Allah kon intau inta motabi kon i-Nia.

WAHYU 1:9

Akuoi ki Yohanes, ki utatmu inta kinoantugan doman in roriga inta ná noiantug kon intau mita inta mopirisaya kon i Kristus. Mustibí mokoposabar in monahang kon roriga in kita saḷaku kapunyaan-Nea. Akuoi in iḷumbú kon Pulau Patmos popisí in nopotaau in koyow inta nongkon i Allah, inta inirigonan i Yesus pinongin onu inta inouman-Nea.