KORINTUS 1 9:14 - Alkitab Singog In Mongondow Masa In Tanaa

¹⁴ Ná doman tua ain bidon sinantú i Tuhan kon intau inta mopoyaput in Habar Mopia nongkon i Tuhan, in musti mokouḻí kon barakat nongkon oaidannea tatua.

KORINTUS 1 9:14 Mawu Ofanana

MATIUS 10:10

Donaai in moiko mobaḷun kon binayáan, donaaidon modia kon ḷambung doyowa no par, aip in sioḷ andeka tungkud, sin intau inta mogaid patusbí motarima kon boḻi in pinogaidannea.

LUKAS 10:7

Kotantú kon tobatú baḷoi aka mogutun. Tarima onu in ogoi monia kon inimu. Sin intau inta mogaid in patusbí in sia motarima kon bungai in inaidannea. Donaai momampi-mamping mako kon pogutunan.

LUKAS 10:8

Aka moiko bo mamangoi in kotá tobatú bo sinomu notompia in intau kon tua, yo kaanbí in onu inta ogoi monia kon i monimu.

OUMAN IN RASUL MITA 18:3

bo nogutun takin monia poḷat nogaid noyotakin monia sin totayak monia notongkai doman in totayak i Paulus, momomia kon ḷoḷaigan.

KORINTUS 1 4:15

Umpaka ribuandon intau in Keresten guru monimu, táe kon bonu in pirisaya monimu kon i Kristus, tongábí akuoi in nobaḻí ki amá monimu sin akuoibí naa in nopoyaput in Habar Mopia kon i monimu nodapot in nopirisayadon moiko kon i Kristus.

KORINTUS 1 9:11

Kami ain nopotaau kon i monimu in Habar Mopia nongkon i Tuhan. Tuamai kami in nokouḻí kon barakat moantó nongkon i monimu. Yo degá noiḻiudon antó in inigum nami kon i monimu?

KORINTUS 1 9:12

Ka intaupa ibanea in motaau moigum kon onukadon kon i monimu, yo apa doman in kami naa, táe doíbí in akuoi? Maníka bo tanggungonkudon tontaní in yagi-yagi dika in oyúon in mobaḻí ḷabot kon popoyaputanku in Habar Mopia soaḷ ki Kristus.

KORINTUS 1 9:16

Sin akuoi in mopoyaput in Habar Mopia, deemanbí tongá mokikoontong kon intau. Táe ki Allahbí in nopotabá kon i nakó. Tuamai baradosaanbí in akuoi aka diá popoyaputku in Habar Mopia tatua!

KORINTUS 1 9:4

Degá diá motaau in kami in mokaan ande monginum kon onu inta nouḻíku nongkon pinogaidan tanaa?

KORINTUS 2 2:12

Kon wakutu in noiyaputdon kon Troas sin makusud mopoyaput in Habar Mopia soaḷ ki Kristus, akuoi in inogoian i Tuhan in daḷan mogaid kon tua.

GALATIA 6:6

Intau inta notarima kon totundú i Kristus, musti mosilai doman kon i gurunea kon bayongan inta mopia, inta oyúon kon inia.

TESALONIKA 1 1:5

Sin kami in nopoyaput in Habar Mopia kon i monimu deemanbí pinodoyon kon pandoi nami, táe pinodoyonbí kon kawasa in Roho i Allah inta umuran kotaki-takin nami. Bo totokbí iyakin nami kon totuubí in Habar Mopia tatua. Kinotaauan bidon monimu in kobobiag nami wakutu in kotaki-takinpa monimu. Kami in umuran noramuji in nogaid sin kopontingan monimu.