KORINTUS 1 5:8 - Alkitab Singog In Mongondow Masa In Tanaa

⁸ Manangka intua, koḻigai in kita morame takin momaké in roti inta diá koragi, tuata in roti inta pinodoyon kon gina motuḻid bo inta kinopopia in gina i Allah. Dika in kita momaké in ragi inta nokoyongandon, ragi inta diádon nopia bo ain noromú.

KORINTUS 1 5:8 Mawu Ofanana

MAZMUR 32:2

Pia in kamang in intau inta aidnea moraat diádon irekengmai i Tuhan, bo inta doí mongakaḷ.

MAZMUR 42:4

Singgai doḷom mongombaḷ in akuoi, dongkadon ḷuá in mobaḻí kokaanonku. Kinoouput in singgai musungku in moḻibó, “Kon onda in ki Allahmu?”

IḶUAIAN 12:15

Ki Tuhan noguman, “Pitu nosinggai in koonggotnea moiko diá motaau mokaan kon roti inta iragian. Kon singgai dungkuḷ bayongan in ragi musti poḷuaion nongkon baḷoimu, sin aka kon bonu in pitu nosinggai tatua intau tobatú mokaan kon roti inta iragian, yo sia in diá bidon motaau poyoiapon tombonu in umat-Ku.

IḶUAIAN 12:8

Doḷom doman tuata tapúnea musti angagon bo kaanon takin kuyat pait bo roti diá iragian.

IḶUAIAN 13:6

Kon bonu in pitu nosinggai moiko in musti mokaan kon roti inta diá in ragi, bo kon singgai inta nogimpitu musti mogaid kon poramean sin mohoromat kon i Tuhan.

IḶUAIAN 13:7

Kon bonu in pitu nosinggai moiko diá motaau mokaan kon roti inta iragian, bo kon bayongan in butámu diábí motaau oyúon in ragi ande onukadon inta iragian.

YESAYA 25:6

Kon Buḷud in Sion, ki Tuhan Inta Totok in mokawasa in mosadia kon pongaanan in bayongan in intau kon dunia. Inoḷudan-Nea in kaanon inta totok in mopia in nanamnea bo anggur inta piniḻí.

YESAYA 30:29

Táe moiko, umat i Allah, in moḷungangabí in gina bo modondong naonda bo kon dodai in doḷom poramean kon agama. Moiko in totokbí in mopia in gina naonda bo intau mita inta minayá bo sinakinan in bansí mopobayá in Baḷoi Tuhan, mododuḷu in Israel.

IMAMAT 23:6

Mobangon monik, kon singgai mopuḷú bo ḻima, momangkoidon in Singgai Moḷoben Roti diá in Ragi, bo kon bonu in pitu nosinggai moiko in diábí motaau mokaan kon roti inta iragian.

MATIUS 16:12

Bain tua bo kinomangaḻean monia kon deemanbí makusud-Nea sinbá mokopoingat kon ragi in roti, táe mokopoingatbí kon onu inta sinundú in intau in Parisi bo Saduki.

MATIUS 16:6

Ki Yesus noguman kon i monia, nanaa: “Umuran pobasadia bo mokopoingat kon ragi in intau in Parisi bo Saduki.”

MARKUS 8:15

Ki Yesus in noguman kon i monia, “Mokopoingat in moiko kon ragi in intau mita in Parisi bo ragi i Herodes.”

LUKAS 12:1

Kon dodai intua ribuan intau in nosipun, dapot in moyopuntukdon kon sioḷ. Koyogotpa moyosipun in intau mita tatua, ki Yesus in noguman kon murí-Nea mita, “Mokopopia in moiko kon ragi intau in Parisi, makusudnea in oaid intau in Parisi inta mongomunapik.

YOHANES 1:47

Inontong i Yesus in ki Natanael namangoi, dá ki Yesus in noguman nanaa soaḷ ki Natanael tua, “Indoiai, tua in intau in Israel motuḻid, diábí in uboḷ kon ginanea!”

KORINTUS 1 3:3

sin moiko tantúpabí doman dinumudui kon tabiatmu saḷaku intau. Sin aka oyúonpa doman in ointoian bo yogenggeng kon sigad monimu, yo mangaḻenea kon tua moiko in dumuduipabí kon tabiat in intau, ná intau inta diá nonotaau kon i Allah.

KORINTUS 1 5:1

Akuoi in sabanarnea nokodongog bidon kon lapuran kon naanta oyúon bidon kon sigad monimu in moibog mogaid kon inta mokotor: Oyúon in kon sigad monimu in nonuaḻing takin i inánea uatok. Intaupa inta diá nonotaau kon i Tuhan diábí doman mogaid kon natua!

KORINTUS 1 5:6

Moiko in diábí motaau in dumodia. Dinongogdon monimu degá in singog nanaa, “Ragi topiḻik mokokutad kon bayongan topong aidan kukis!”

KORINTUS 2 1:12

Noḷunganga totok in gina nami, sin noyakin bidon in kami kon kobobiag nami kon dunia naa – apapa doman hubungan nami bo i monimu – tantúbí nami sinompia takin gina motuḻid bo nobayag. Tua komintan in inaidan nami, deemanbí pinodoyon kon kapandoian raian in intau, táe pinodoyonbí kon ropot inta pinonotabi i Allah.

KORINTUS 2 2:17

Sin kami in diábí ná intau ibanea inta tongá moibog motayak kon kauntungan nongkon habar i Allah tatua. Motuḻidbí totok in tujuan nami, sin ki Allahbí in nokiaid intua komintan kon i nami. Bo inontongbí i Allah tontaní kon kami in nopoyaput in habar tatua nogaidbí saḷaku mogogaid mita i Kristus.

KORINTUS 2 8:8

Naa in potaauku kon i monimu deemanbí saḷaku parenta. Táe moponorop kon nobayongdon totok intau moramuji motuḷung kon tumpaḷa intau, tuamai moibog doman in akuoi monotaau mongo nodapot domandon onda in tabi monimu kon tumpaḷa intau.

EPESUS 6:24

Igumon doman mako barakatan i Allah in moiko komintan inta motabi kon i Tuhan naton inta ki Yesus Kristus takin tabi inta diá moobo-obot. Horomat nami, Ki Paulus

ULANGAN 16:16

Bayongan in intau Israel ḷoḷaki in musti mamangoi kon i Tuhan Allahmu kon tampat inta piniḻí-Nea kotoḷu in totaong, tuata in kon Singgai Moḷoben Paska, kon Singgai Moḷoben Posipunan kon Boyó bo kon Singgai Moḷoben Pondok Daun. Bayongan in intau musti modia kon sosumba

ULANGAN 16:3

Sosumba Paska tatua musti kaanon takin roti inta diá iragian. Pitu nosinggai in koonggotnea moiko in musti mokaan kon roti inta diá iragian, ná kon dodai in moiko nonaḷámai kon Mesir takin iḻimika-ḻikat. Kaandon in roti tatua, roti inta sinangoian roti in roriga, sinbá kinoouput in kinobiaganmu moiko mokotorop kon singgai moiko nonaḷámai kon Mesir, tampat kinoyoyigaan monimu.

YOSUA 24:14

“Dá, tanaa,” ki Yosua noguman doman nanaa, “horomatonbí in ki Tuhan. Pogundoidon kon i-Nia takin gina motuḻid bo mosatia. Ḷumbúdon in toḻindua in Tuhan inta sinumba in mogoguyangmu koḻipod kon Mesopotamia bo Mesir. Tongádon ki Tuhan in pogundoian.

PETRUS 1 4:2

Manangka intua, kobiagdon in moiko kon singgai moiduduimai podudui in onu inta kinoibog i Allah, bo deemanbí dumudui kon ibog in intau.