KORINTUS 1 4:19 - Alkitab Singog In Mongondow Masa In Tanaa

¹⁹ Aka diá in ḷabot yo diá bidon moonggot in akuoi bo bui mamangoi mokipodungkuḷ kon i monimu. Bain kon wakutu intua bo indoianku mongo onu in motaau aidan in intau inta mongododia tatua; deemanbí tongá kon bibig monia.

KORINTUS 1 4:19 Mawu Ofanana

OUMAN IN RASUL MITA 18:21

Táe umpaka natua, wakutu in mobuatdon, sia in noguman kon i monia, “Aka umuranpa totabion i Allah dá moiangoibí bui kon naa in akuoi.” Naonda in noguman mako kon natua, minayádon in sia nongkon Epesus.

OUMAN IN RASUL MITA 19:21

Naonda in nopaḷut in bayongan inta nobaḻí tatua, ki Paulus in nogamádon kon kaputusan mayá in Makedonia bo Akhaya bo yumaput kon Yerusalem. Sia in noguman, “Mopaḷut kon tua, akuoi in musti mayá doman in Rum.”

OUMAN IN RASUL MITA 20:2

Kon Makedonia, sia in minaya-mayá mako in ḻipu-ḻipúannea bo nokipodungkuḷ kon intau mita inta nopirisaya kon i Yesus bo poḷat nononggina kon i monia sinbá umuran mopirisaya. Onda intua minayá in Yunani.

SURAT I PAULUS KON JAMAAT RUM 15:32

Sinbá aka ogoianpa i Allah in kasampatan, dá mamangoipa in akuoi kon i monimu takin gina mosanang, bo moonowdon totok in ginaku kon yua-yuak monimu.

KORINTUS 1 11:34

Bo munapa mongaan kon baḷoi in batangan, sinbá diá ḷagi gogoyon. Sin aka mosi duduian in moiko, yo ibada monimu tua in mopiabí. Diábí mokouḻí kon hukuman i Allah in moiko. Tongápabí naa in insilanganku kon i monimu, ibanea mako in bain moiangoi bui akuoi.

KORINTUS 1 14:5

Mopiabí doman in ginaku aka moiko in motaau moposingog in bahasa inta mokoherang. Táe mopia-piabí kon motaau mopoyaput in habar nongkon i Allah. Sin intaubí inta motaau mopoyaput in habar nongkon i Allah in moponti-ponting nongkon intau inta nonotaau kon bahasa inta mokoherang; koḻikudbí in aka kotaauannea in mangaḻe in bahasa tatua, sahingga in komangaḻean doman in jamaat intua bo modugang morigon in pirisaya monia.

KORINTUS 1 16:5

Akuoi in mamangoibí mokipodungkuḷ kon i monimu naonda in moitaḻib kon Makedonia, sin tomayáku in mongintuapa.

KORINTUS 1 16:7

Akuoi in doíbí mokipodungkuḷ kon i monimu tongá sakadar mongandup mako natua. Aka ogoian i Tuhan in kasampatan, yo mogutunpabí moḻin onggot in akuoi takin i monimu.

KORINTUS 1 2:6

Umpaka, natua yo umuranbí doman oumanon in soaḷ kabijaksanaan i Allah kon sigad in intau mita inta totu-totuudon nopirisaya. Táe deemanbí kabijaksanaan in dunia, andeka kabijaksanaan pongawasa mita masa in tanaa, inta kawasanea in moinggamábí.

KORINTUS 1 4:18

Tongá tongonudon degá in kon sigad monimu in nobaḻídon mododia, sin kai monia kamai dá diá bidon mamangoi bui kon i monimu in akuoi.

KORINTUS 1 4:6

Utatku mita! Onu inta mopia, nodaitdon inaidan naminda i Apolos kon i monimu. Makusudnea kon tua, onu inta inontongdon monimu kon inaminda motaau monimu balajaron mangaḻe in singog tanaa, “Tantú kumadai kon atorang inta oyúon.” Aka natua yo diábí in intau in dumodia bo mopohinamai kon intau ibanea.

KORINTUS 2 1:23

Ki Allahbí tontaní in nobaḻí sakusiku – bo inta nonotaau kon ginaku – kon akuoi in diá nobaḻí namangoi in Korintus sin akuoi in doíbí mopoyoyigamai kon gina monimu.

KORINTUS 2 10:9

Diábí moibog in akuoi anggapon monimu kon suratku tatua in mopogogondok kon i monimu.

IBRANI 6:3

Bo tuatadon in aidan naton, aka ogoian i Allah in kasampatan.

YAKOBUS 4:15

Mustibí nanaa in singogon monimu: “Aka ogoi i Tuhan mobiag in kami dá mogaid in kami kon naa ande kon tua.”