KORINTUS 1 16:20 - Alkitab Singog In Mongondow Masa In Tanaa

²⁰ Bayongan utat kon naa nokipoyaput doman in salam kon i monimu. Posisalaman kopiaan totok in moiko saḷaku tumpaḷa utat Keresten.

KORINTUS 1 16:20 Mawu Ofanana

MATIUS 5:47

Bo aka moiko bo tongá doman mohoromat kon i utat mita, onubí in noiḻiu kon oaid in intau ibanea? Intau doman inta diá monotaau kon i Allah in mogaid doman kon natua!

SURAT I PAULUS KON JAMAAT RUM 16:16

Posisalamanbí takin tabi saḷaku tumpaḷa utat inta mopirisaya kon i Kristus. Bayongan jamaat i Kristus kon naa nopoyaput in salam kon i monimu komintan.

SURAT I PAULUS KON JAMAAT RUM 16:21

Yobayat topogaidanku ki Timotius, nopoyaput doman in salamnea kon i monimu. Ná doman tua in ki Lukius, ki Yason bo ki Sosipater, inta tosukuku.

SURAT I PAULUS KON JAMAAT RUM 16:23

Ki Gayus nopoyaput doman in salam kon i monimu. Akuoi in nongandupa kon baḷoinea, bo jamaat nami nongandupa doman noibada kon tua. Ki Erastus, tobatú itoi in mokokadai kon doit kon kotá nokipoyaput doman in salamnea kon i monimu. Ná doman tua in ki Kwartus, ki utat naton. [

PILIPI 4:22

Bayongan in umat i Allah kon kotá tanaa bo mosia inta kon komaḻig i Kaisar in nopoyaput doman in salam kon i monimu.

TESALONIKA 1 5:26

Aher mako poyaputpa in salam nami kon bayongan utat pinodoyon kon totabian saḷaku intau inta mopirisaya kon i Kristus.

IBRANI 13:24

Poyaputpa in salamku kon bayongan in itoi monimu bo bayongan in intau inta mopirisaya kon i Allah. Bo tarima domandon in salam nongkon i utat mita naton kon butá in Italia.

PETRUS 1 5:14

Moiko in musti mosisalaman tobatú bo tobatú takin tabi saḷaku tumpaḷa Keresten. Poigumonku mako ki Tuhan mobogoi in barakat bo kobiagan motompia kon i monimu komintan inta ain nobaḻí kapunyaan i Kristus. Horomat nami, Ki Petrus