KORINTUS 1 16:14 - Alkitab Singog In Mongondow Masa In Tanaa

¹⁴ Bo onu in aidan monimu aidai takin tabi.

KORINTUS 1 16:14 Mawu Ofanana

YOHANES 15:17

Naadon in parenta-Ku kon inimu: Moiko in musti umuran mositabian tobatú bo tobatú.”

SURAT I PAULUS KON JAMAAT RUM 14:15

Sin aka iko bo moposakí kon gina i utatmu tumpaḷa Keresten tongá popisí in onu in kinaanmu tua, dá aidmu tua in diádon pinodoyon kon tabi. Donaaibí pomayámu mako in ki utatmu tua in mobodito tongá popisí in onu in kinaanmu, sin ki Kristus ain minatoi popisí in intau doman tobatú tatua.

KORINTUS 1 12:31

Tuamai poramuji totok in moiko sinbá mokouḻí kon totabi inta totok in moponting. Tundúankubí in daḷan inta mopia-pia in moiko moiduduimai.

KORINTUS 1 14:1

Poigumonku mako moiko in umuran motabi kon intau ibanea bo tantú doman moramuji sinbá motarima kon totabi mita inta ogoi in Roho i Allah, muna-munamai in totabi mopotaau in tomayá mita i Allah kon intau.

KORINTUS 1 16:15

Tantú kinotaauan bidon monimu in ki Stepanus bo motoḷuadínea; mosia tua inta muna-munamai nobaḻí Keresten kon Akhaya. Mosia tua in totu-totuudon nogaid nobantung kon umat i Allah.

KORINTUS 1 8:1

Yo tanaa in soaḷ kaanon inta inogoi saḷaku sosumba kon berhala. Oo, totuubí in kain intau, “Kita in komintan bidon nongopandoi.” Táe pandoi tatua in nokopobaḻídon kon intau mokaḷakuang, táe aka tabi, yo mokobiag kon intau.

GALATIA 5:22

Tongá intau mita inta kinawasa in Roho i Allah, yo nanaabí in aidan monimu: Oyúon totabian, umuran mosanang in gina bo moonow in gina, oyúon kasabaran, mopia in gina, umuran mopia kon tumpaḷa intau, motoindudui,

TESALONIKA 1 3:12

Bo igumon doman mako nami kon i Tuhan bá moiko in umuran mositabian bo oyúon doman in tabi monimu kon tumpaḷa intau, sahingga in tabi monimu in kodugang-kodugangdon ná tabi nami kon i monimu.

TESALONIKA 1 3:6

Táe tanaa, naonda in ki Timotius namangoi nodia in sia kon habar inta mokosanang totok kon gina. Inoumannea kon moiko in totu-totuudon mopirisaya kon i Kristus bo umuran doman mositabian. Inoumannea doman kon umuran kotoropan monimu kon kami naa in intaubí mopia bo moibog doman totok in moiko moyodungkuḷ nami, ná bí doman tua in gina nami kon i monimu.

TESALONIKA 2 1:3

Nobaḻí bidon kowajiban nami mopoyaput in sukur kon i Allah lantaran moiko. Oo patusbí intua aidan nami sin pirisaya monimu kon i Kristus in tantú kodugang-kodugang bo tabi monimu kon tumpaḷa intau in moḷoben domandon.

TIMOTIUS 1 1:5

Akuoi in mononggina nanaa sinbá intau kopakéandon in gina modarit motuḻid bo totu-totuudon mopirisaya kon i Tuhan, sahingga in oyúondon in totabian kon tumpaḷa intau.

IBRANI 13:4

Mustibí untuon mako in mangaḻe in tonibuḷoi, tuamai doyowa motonibuḷoi musti mososatiaan tobatú bo tobatú. Sin intau inta mogaid kon mokotor bo inta mononuaḻing in adilonbí i Allah.

PETRUS 1 4:8

Tongá soaḷ tanaa inta totok in moponting, moiko in musti totu-totuu mositabian tobatú bo tobatú, sin aka moiko bo mositabian dá mangaḻenea kon tua moiko in moibog doman mosiampungan.

PETRUS 2 1:7

Bo aka mobiag podudui in ibog i Allah yo musti intompodan in tabi kon i utat mita inta tumpaḷa mopirisaya kon i Allah bo tabi doman kon bayongan intau.