KORINTUS 1 16:11 - Alkitab Singog In Mongondow Masa In Tanaa

¹¹ Ḷukadai sinbá diá in kon sigad monimu in mopoompámai kon inia. Bo tuḷungai in sia sinbá motaaupa bui mamangoi kon inakó takin mosaḷamat, sin akuoi in mogoḷat mako kon koangoiannea takin i utat mita naton ibanea.

KORINTUS 1 16:11 Mawu Ofanana

LUKAS 10:16

Bo ki Yesus in noguman kon murí-Nea mita, “Ki ine in moibog mokidongog kon i monimu, yo mosia tua i mokidongog doman kon i-Nakó. Táe ki ine in doí motarima kon i monimu, yo sia in doí doman motarima kon i-Nakó. Bo ki ine in doí motarima kon i-Nakó, yo sia in doí doman motarima kon i-Nia inta nopotabá kon i-Nakó.”

OUMAN IN RASUL MITA 15:3

Dá inatod in jamaat mita kon Antiokhia in mosia nodapot kon ḷuai in kotá, onda intua minayá nongin Penisia bo Samaria in mosia. Kon tua mosia in nongonguman kon soaḷ kon naonda sahingga intau mita inta deeman Yahudi nobaḻí nopirisaya kon i Allah. Habar tatua in totok nokosanang kon gina in intau mita mopirisaya kon tua.

OUMAN IN RASUL MITA 15:33

Naonda in noḻin onggotdon in nogutun kon tua in taya dua, mosia inatodon bui in intau mita inta mopirisaya kon Antiokhia poḷat nokidia in salam kon intau mita inta nopotabá kon i monia mangoi. [

KORINTUS 1 16:10

Aka ki Timotius mamangoi yo kopiaanbí in motomu, sinbá diá moondok in sia bo mopia in ginanea kon yua-yuak monimu, sin sia tua in notongkaikubí, tumpaḷa mogogaid kon oaidan i Tuhan.

KORINTUS 1 16:6

Moyotaḷá mako kon Korintus akuoi in mogutunpa moḻin onggot takin monimu, degá kon dodai in sempo in tumping. Onda intua akuoi mokituḷungpa kon i monimu mongingguput kon bobayáanku.

KORINTUS 2 1:16

Tomayáku tua in kon dodai akuoi mayá in Makedonia yo mongandupa muna in akuoi kon i monimu, ná doman tua in aka mobuidon. Sinbá motaaupa in akuoi mokituḷung kon i monimu, aka akuoi mayá in Yudea.

TESALONIKA 1 4:8

Tuamai ki ine in doí motarima kon singogku, yo deemanbí intau in bayowannea, táe ki Allahbí inta ain nobogoi in Roho-Nea mokudus kon i monimu in bayowannea.

TIMOTIUS 1 4:12

Mokopoingat sinbá diá in tobatúmai intau in mopandang enteng kon inimu popisí in iko noguodpa. Táe poramujidon sinbá iko in umuran mobaḻí contoh bo doduduianmai kon soaḷ inta mopia i intau mita inta mopirisaya, pinangkoi kon pososingog, oaid bo kon soaḷ kototabimu kon tumpaḷa intau bo kopopirisayamu kon i Kristus Yesus takin kobobiagmu inta motompia.

TITUS 2:15

Tundúdon kon i monia intua komintan, tongginaai bo poḷat togur kopiaan i mosia inta mokidongog kon inimu. Dika in iko moibog tomongoadíon in tobatúmai intau.

YOHANES 3 1:6

Tabimu tatua ain inouman monia kon jamaat inta pinogutunanku mako tanaa. Natua uḻe, tuḷungaibí in mosia podudui in onu inta kinoibog i Allah, sinbá motaaupa in mosia mogingguput kon bobayáan monia.