KORINTUS 1 15:58 - Alkitab Singog In Mongondow Masa In Tanaa

⁵⁸ Tuamai uḻe utatku mita inta kinotabiku, mokoporopot bo kotorindog. Umuran totu-totuu pogundoi kon i Tuhan, sin kinotaauanbí monimu kon bayongan inta inaidan monimu kon i Tuhan, komintanbí baraguna.

KORINTUS 1 15:58 Mawu Ofanana

TAWARIKH 2 15:7

Táe moiko in mustibí mokoporoton kon gina bo mokopobarani. Onu in totayakmu in kodapotanmubí.”

NEHEMIA 6:4

Noidapot in koopat mosia nokidia in sonsoma inta ná tatua kon inakó, bo tantúku doman ogoian in totubag inta notongkai.

MAZMUR 112:6

Intau mopia in umuranbí mokouḻí; sia in umuranbí toropon modapot in mononoi.

MAZMUR 19:11

Hukum i Tuhan in kon ḻimonikanbí in buḷawan taakan, moromi-romimitbí nongkon biluk taakan.

MAZMUR 55:22

Tosingogonnea mita mopia in kodongogan modondouḷug, táe kon bonu in ginanea oyúon in yaat in gina. Potosingognea in moḷukó, táe monurak naonda bo tosilad inta moḷanit.

MAZMUR 73:13

Diábí in mangaḻenea in akuoi moḷukad sinbá ginaku modarit; diábí in mangaḻenea in akuoi yumayú kon dosa.

MAZMUR 78:37

Mosia in diábí motoindudui kon i-Nia bo diá kinumadai kon dodandian-Nea.

MAZMUR 78:8

sinbá mosia diá naonda bo mogoguyang monia inta moibog momarontak bo monaḷámai; bui inta noḻiai in pirisayanea, bo diá motoḷutui kon i Allah.

AMSAL 21:21

Ki ine in umuran mopobayá in inta moadil bo totabian, yo mokouḻíbí kon kobiagan motompia, kahoromatan bo umur moḷanggó.

MARKUS 3:3

Dá ki Yesus in noguman kon intau inta noḻempeng in ḻimanea tosimpaḷ tua, “Koḻigai kon naa bo sindog kon tayowon intau mita tanaa.”

LUKAS 19:19

Dá datu tatua in noguman kon inia, ‘Iko in mobaḻídon pongawasa kon ḻima in kotá.’

KORINTUS 1 16:10

Aka ki Timotius mamangoi yo kopiaanbí in motomu, sinbá diá moondok in sia bo mopia in ginanea kon yua-yuak monimu, sin sia tua in notongkaikubí, tumpaḷa mogogaid kon oaidan i Tuhan.

KORINTUS 1 3:8

notongkaibí in taya dua tua, tongábí tumpaḷa motarima kon boḻi in ḷopí monia.

KORINTUS 2 7:1

Utat mita inta kinotabiku! Dandi mita tatua in pinopomakusudbí kon i naton komintan. Tuamai koḻigai in kita mondaritdon kon oaid mita naton inta mokokotor kon awak naton. Bo koḻigai mobiag motoguondok kon i Allah, sinbá mobiagdon motompia takin-Nea in kita.

GALATIA 4:11

Moḻia-ḻiawbí totok in ginaku kon i monimu, dika bo onu inta ain iramujiku kon i monimu mobaḻí diá in baragunanea.

GALATIA 6:9

Manangka intua donaaibí mokopomaḷat in mogaid kon inta mopia; sin aka kita bo diá mogogai in mogaid kon inta diá mopia, yo korasaanbí doman naton in koonggotannea.

PILIPI 1:11

Moiko in mobiag takin oaid mita inta totu-totuu mopia inta tongábí mouḻí nongkon i Yesus Kristus tontaní, dá ki Allah pomuliaan bo dayowon.

PILIPI 1:9

Naabí in sambayangku kon i monimu: Igumon mako doa, moiko in totu-totuudon motabi kon i Allah bo kon tumpaḷa intau bo umuran doman modugang in pongotahuan monimu kon soaḷ inta mopia bo pororai inta mobijaksana.

PILIPI 2:30

Sin lantaran oaidan i Kristus dá gogió in sia bo minatoi; norelabí totok in sia in nopotaru in nyawanea monoḻiu kon i monimu mobantung kon inakó moginḷapat kon onu inta diápa noḷapat.

PILIPI 4:17

Tongá soaḷ inta totok in moponting kon inakó in deemanbí tongá motarima kon onu inogoi monimu. Táe ibogonku in mokoontongbí kon bungai mita inta mokodugang kon kauntungan monimu.

KOLOSE 1:23

Manangka intua, moiko in musti umuran mosatia in mopirisaya bo umuran doman kumadai mokoporopot kon onu inta ain pinirisaya monimu. Dika modapot in ukatan monimu harapan inta ain inogoi kon i monimu wakutu in moiko notarimadon kon Habar Mopia nongkon i Allah. Habar Mopia tatua ain pinotaau kon bayongan intau kon dunia naa. Bo popisíbí in tuata, akuoi ki Paulus in nobaḻí mogogaid kon oaidan i Allah.

KOLOSE 2:5

Sin umpakabí kita nogiyayúan, táe anggapdon in akuoi nionbí kon yua-yuak monimu. Bo mopiabí totok in ginaku in mokoontong kon i monimu motobatú kon gina bo umuran moropot in pirisaya monimu kon i Kristus.

KOLOSE 2:7

bo monguakat kon bonu i Kristus Yesus. Moiko in musti moposindogdon in kobiaganmu bo ki Kristus in dodoyonanmu. Mustidon modugang in pirisaya monimu kon i Kristus, podudui in onu inta ain sinundú kon i monimu. Bo ginamu in umurandon moibo-ibog mopoyaput in sukur moantó.

TESALONIKA 1 3:12

Bo igumon doman mako nami kon i Tuhan bá moiko in umuran mositabian bo oyúon doman in tabi monimu kon tumpaḷa intau, sahingga in tabi monimu in kodugang-kodugangdon ná tabi nami kon i monimu.

TESALONIKA 1 3:3

Bá diá tobatúmai intau in kon sigad monimu in mobaḷui in pirisaya sin mokorasa kon roriga mita naton naa. Kinotaauan bidon monimu kon tua in sinantú bidon i Allah kon i naton.

TESALONIKA 1 3:5

Manangka intua pinotabákudon namangoi in ki Timotius sin moibogdon totok in akuoi mokidongog kon habar soaḷ kopopirisaya monimu kon i Kristus. Moḻia-ḻiaw in ginaku sin dikabo kinokawasaandon Ibilis in moiko, sahingga in onu inta siniḷopían nami diádon in baragunanea.

TESALONIKA 1 4:1

Pangabisannea uḻe utat mita, naa in poigumon nami takin tonggina kon i monimu inta pinodoyon kon kawasa i Tuhan Yesus, sinundúdon bo ain inontong monimu kon inami naonda in kobobiag podudui kon inta mokosanang kon gina i Allah. Moiko in nobiag bidon natua, táe tanaa pinodoyon kon kawasa i Yesus, kami in mopoigum totok kon i monimu bo mokiramuji sinbá totu-totuudon in moiko mogaid kon tua komintan!

TESALONIKA 2 1:3

Nobaḻí bidon kowajiban nami mopoyaput in sukur kon i Allah lantaran moiko. Oo patusbí intua aidan nami sin pirisaya monimu kon i Kristus in tantú kodugang-kodugang bo tabi monimu kon tumpaḷa intau in moḷoben domandon.

TITUS 2:14

Sia tuata inta ain noposarakan in awak-Nea sin mopoḷuat kon i naton nongkon bayongan inta moraat, bo kita in baḻíon-Nea tobatú umat inta noiḷuatdon nongkon kawasa in dosa bo tongádon mobaḻí umat-Nea inta morajing mogaid kon inta mopia.

IBRANI 13:21

Poigum mako, ki Allah inta nobaḻí pangkoi in kobiagan motompia, umuran mobogoi in bayongan inta mopia inta paraḷu pakéon monimu mogaid kon onu inta koibog i Allah. Bo poigumon doman mako takin totuḷung i Yesus Kristus, popoaidon i Allah kon i naton in onu inta kinoibog-Nea. Tantúbí dayow in ki Kristus dapot in kopaḷutannea! Amin.

IBRANI 3:14

Kita naa in komintanbí yobayat topogaidan i Kristus asaḷ bo tantú kumadai kon onu mita inta pinirisayadon naton nongkon pinomangkoianmai modapot kon kopaḷutan in dunia naa.

IBRANI 6:10

Sin ki Allah in moadilbí. Diábí koḻiongan-Nea in onu inta ain inaidan monimu kon i-Nia, bo tabi inta pinoontong monimu kon i-Nia wakutu in notuḷung kon utat mita inta tumpaḷa mopirisaya kon i Kristus tungkuḷ intua bo masa in tanaa.

PETRUS 2 3:14

Manangka intua, Uḻe utatku mita inta kinotabiku, wakutu in moiko mogoḷatpa mako kon koangoian in Singgai tatua, yo poramujibí totu-totuu sinbá mobiag modarit takin diábí in mokotor kon tayowon i Allah. Bo ḷukadaibí in hubungan mopia takin i Allah.

RUT 1:18

Inontong i Naomi kon noḻimbatúbi in gina i Rut in tumakin, dá, dongkadon kibio-biómai in sia.