KORINTUS 1 15:36 - Alkitab Singog In Mongondow Masa In Tanaa

³⁶ Ei intau bodok! Aka iko bo mopomuḷa in batoḷ kon bonu in butá, yo batoḷ tatua in diábí mobiag aka diá matoi muna.

KORINTUS 1 15:36 Mawu Ofanana

AYUB 14:8

Umpaka kon bonu in butá uakatnea moampod, bo tuodnea in moḷaḷow sin nobongkog,

LUKAS 11:40

Nongo bodok in moiko! Diábí degá kotaauan monimu kon ki Allah inta nogaid kon dotá in ḷuainea, Siabí doman tuata inta nogaid kon dotá in bonunea?

LUKAS 12:20

Táe ki Allah in noguman kon inia, ‘Ei iko intau inta bodok! Doḷom doman naa iko in matoi, yo ki ine in pobogoianmu kon kapunyaan inta ain sinipunmu tanion?’

LUKAS 24:25

Bo ki Yesus in noguman kon i monia, “Moiko nion in totuubí kon bodok! Moḷaḷoi totok in pororai monimu kon onu inta ain pinoguman in nabi mita!

YOHANES 12:24

Naadon in poguman-Ku kon i monimu: Aka batoḷ in gandum diá ḷobongon kon butá bo matoi, yo sia in tongábí umuran tougat. Táe aka batoḷ in gandum tatua matoi, bain tuata bo sia in mopomungai in gandum mobayong.

SURAT I PAULUS KON JAMAAT RUM 1:22

Iraimai monia mobijaksana bidon in mosia, bokaka mosia tua in nobodokbí.

KORINTUS 1 15:37

Bo batoḷ inta pinomuḷamu tua kon bonu in butá – batoḷ in gandum ande batoḷ ibanea – in tongábí batoḷ in bibit tatua, deemanbí komintan inta pinomuḷa in mobiag kon singgai moiduduimai.

EPESUS 5:15

Manangka intua, tarukiradon kopira mongo naonda in kobobiagmu. Dikabí ná intau mita bodok; táe kobiagbí ná intau mita mobijaksana.

YAKOBUS 2:20

Mobodok totok in moiko! Degá paraḷupa poontong kon i monimu kon diábí in mangaḻenea aka pirisaya diá poyotakinon in oaid?