KORINTUS 1 15:31 - Alkitab Singog In Mongondow Masa In Tanaa

³¹ Utat mita! Pomuḷoi in singgai akuoi in monahang kon roriga sin mopia in ginaku kon kobobiag monimu sin moiko ain nopirisaya kon i Kristus Yesus, Tuhan naton. Totuubí onu in pinogumanku tanaa.

KORINTUS 1 15:31 Mawu Ofanana

KINOBAḺIAN 43:3

Dá ki Yohuda in noguman kon inia, “Ki Gubernur mesir ain nobogoi in tompoingat kon kami in diábí motaau bui mamangoi in tayowonnea aka kami in diá modia mangoi kon i ai-ai nami tatua.

YEREMIA 11:7

Tungkuḷ in Akuoi nodia kon mogoguyang monia iḻumuai nongkon Mesir, Akuoi in nodandi totok kon i monia sinbá motoindudui kon i-Nakó. Nodapot in singgai naa Akuoi tantúpabí doman nopotoingat kon umat-Ku kon tua,

ZAKHARIA 3:6

Onda intua malaekat i Tuhan nopotaau in tosingogon i Tuhan kon i Yosua,

OUMAN IN RASUL MITA 20:23

Tongá Roho i Allah aindon noguman kon inakó kon wakutu in akuoi tumuot magí mako kon kotá-kotáannea, yo ponjara in nobaḻí tampatku bo roriga in umuran mogoḷat mako.

SURAT I PAULUS KON JAMAAT RUM 8:36

Kon bonu in Buk Motusi in pinais nanaa, “Tumongo singgai in kami moyogintayow mako in popatoi popisí in Iko. Kami in pinomiadon naonda bo domba inta diaandon sin ratáan.”

KORINTUS 2 1:12

Noḷunganga totok in gina nami, sin noyakin bidon in kami kon kobobiag nami kon dunia naa – apapa doman hubungan nami bo i monimu – tantúbí nami sinompia takin gina motuḻid bo nobayag. Tua komintan in inaidan nami, deemanbí pinodoyon kon kapandoian raian in intau, táe pinodoyonbí kon ropot inta pinonotabi i Allah.

KORINTUS 2 11:23

Degá mogogaid mita i Kristus in mosia? Kodongogan naonda bo diá moratak in akuoi táe totuubí kon akuoibí naa in mogogaid i Allah inta mopia-pia nongkon i monia tua. Akuoi in umuran morajing in mogaid, mokakit in akuoi bonuon monia kon ponjara, bo mokakit doman akuoi in rorigaan monia gogió bo matoi.

KORINTUS 2 2:14

Táe sukur mako kon i Allah! Sin tantú-Neabí dinia in kami dinumudui kon daḷan inta mokosaḷamat, sin notobatúdon i Kristus in kami. Pinaké-Nea in kami sinbá habar soaḷ ki Kristus moibaya-bayádon mako ná bó inta mobondu inta kobóan kon bayongan in tampat.

PILIPI 3:3

Bokaka kitabí naa in intau mita inta notarima kon sunat nongkon i Allah. Kitabí naa in intau inta ain dinia i Allah sin mosumba kon i-Nia, bo umuran mosukur mako in kita sin notobatúdon i Kristus Yesus. Diá bidon in kita moitogot mako kon upacara inta sipatnea in tongábí samantara.

TESALONIKA 1 2:19

Totuubí kon tongábí moiko nion in nobaḻí harapan bo inta nobaḻí batoḷ in dodob nami aka ki Yesus inta ki Tuhan naton mamangoi bui!

TESALONIKA 1 3:9

Diádon in poporupaan in sukur nami kon i Allah sin bayongan inta mokosanang kon gina kon tayowon-Nea, lantaran moiko.

SAMUEL 1 8:9

Tuamai in duduiaidon onu inta pinoigum monia; táe ogoiaidon in mosia in tompoingat totu-totuu, bo potaau kon i monia naonda in popoaid i datu kon i monia.”