KORINTUS 1 15:15 - Alkitab Singog In Mongondow Masa In Tanaa

¹⁵ Bo aka natua, yo mangaḻenea kon tua in uboḷbí inta ain pinoguman nami kon i monimu soaḷ ki Allah, sin Siabí in kai nami in nomiag kon i Kristus, bokaka Sia in diábí nomiag bui kon i Kristus.

KORINTUS 1 15:15 Mawu Ofanana

IḶUAIAN 23:3

Dika mopoyoposi in intau aka kon ponantúan kon taḷá, umpaka intau inta pinoyotutui tatua in intau diá koonu bo onu.

OUMAN IN RASUL MITA 2:24

Táe Sia in biniag bui i Allah. Sia in pinilatan nongkon roriga in popatoi, sin diábí motaau aka Sia in umuran kon bonu in kawasa in popatoi.

OUMAN IN RASUL MITA 2:32

Ki Yesusbí naa inta ain biniag i Allah nongkon kinopatoian. Kami naa in nokoontong tontaní kon tua komintan.

OUMAN IN RASUL MITA 20:21

Akuoi in umuran doman noponorop kon intau mita in Yahudi bo bangusa ibanea sinbá mosia in mogogaidon in mogaid kon dosa mita monia bo mamangoi kon i Allah poḷat mopirisayadon kon i Yesus Kristus ki Tuhan naton.

OUMAN IN RASUL MITA 4:10

dá tanaa in pogumankudon kon i monimu bo kon bayongan intau in Israel, kon intau tanaa in nokosindogdon bo nosehatdon in indoian mako monimu popisí in ropot bo kawasa i Yesus Kristus intau in Nazaret inta ain pinopopakú monimu kon kayu pinoyotaḻempang, táe bui biniag i Allah in Sia nongkon sigad in intau minatoi.

OUMAN IN RASUL MITA 4:33

Takin kawasa moḷoben, rasul mita tatua in nopotaau kon ki Yesus ain nobiag bui. Dá totokdon in binarakatan i Allah in mosia.

KORINTUS 1 15:13

Aka totuu kon diábí in kobiagan intau inta ain minatoi, yo ki Kristus in diábí biniag bui.

KORINTUS 1 15:16

Sin aka totuu kon intau minatoi diá biagon bui, dá ki Kristus in diábí biniag bui.

KORINTUS 1 15:20

Táe totu-totuubí kon ki Kristus aindon biniag bui nongkon sigad in intau mita minatoi. Bo Siata inta nopobaḻí dodoyonan in pirisaya naton kon intau mita inta ain minatoi in biagonbí bui.