KORINTUS 1 15:10 - Alkitab Singog In Mongondow Masa In Tanaa

¹⁰ Tongá sinotabipabí i Allah, dá oyúonpa komangoi in tanaa. Bo totabi i Allah kon inakó in diábí inta diá in mangaḻenea. Sin akuoibí in moraji-morajing kon sigad in rasul mita ibanea. Táe sabanarnea in deemanbí tongá uḷatku tontaní; táe nongkon i Allahbí inta ain nonotabi kon inakó bo siabí doman inta ain nogaid noyotakinku.

KORINTUS 1 15:10 Mawu Ofanana

MATIUS 10:20

Sin deeman bidon moiko in mosingog, táe Rohobí i Amámu in mosingog kon bonu in ginamu.

MATIUS 25:16

Simpaḷ inta notarima kon ḻima noribu tua minayá, bo nopobaraguna in doit inta inogoi tatua dá nokouḻí in sia kon ḻima doman noribu bui.

SURAT I PAULUS KON JAMAAT RUM 11:1

Akuoi in moḻibó: Degá sinaḷáandon i Allah in umat-Nea tatua? Diábí! Sin akuoipa naa in intaubí doman in Israel nongkon buí i Abraham, bo nongkon suku i Benyamin.

SURAT I PAULUS KON JAMAAT RUM 12:3

Ki Allah in nobogoidon in totabi-Nea kon i-Nakó. Manangka intua utat mita akuoi in mononggina kon i monimu nanaa: Donaaibí in moiko morasa kon lebedon moḷantud nongkon kaadaanmu sabanarnea. Táe naa in aidai: mokopoompá kon raian bo nilaidon in kaadaan monimu tontaní. Nilai in kaadaan monimu tontaní podudui in komampuan inta inogoi i Allah kon inia, sin sia in mopirisaya kon i Yesus.

KORINTUS 1 15:11

Dá tuamai nongkon i inekabí in pinotarimaan monimu kon Habar Mopia tatua, nongkon inakó ande nongkon rasul mita ibanea, diábí mobaḻí soaḷ. Totok in moponting kon tua in pinotaaudon nami in Habar Mopia tatua kon i monimu bo nopirisayadon in moiko.

KORINTUS 1 15:2

Aka moiko bo tantú kumadai kon onu inta ain pinotaauku kon i monimu, yo Habar Mopia tatua in mokosaḷamatbí kon i monimu; koḻikudbí aka moiko mopirisaya táe diá momangaḻe kon onu inta pinirisaya monimu tua.

KORINTUS 1 3:10

Lantaran kapandoian inta inogoi i Allah, dá akuoi naonda bo intau inta nonotaaudon totok kon pogogaid kon bangunan tatua. Munadon nogaid kon pondasi sin popoḻitúan in bangunan tatua, bo intau ibanea in mamangoi moposindog in bangunan kon pondasi tatua. Pomuḷoi intau in mustibí monarukira muna mongo naonda in mopoḻitú in bangunan kon pondasi tatua.

KORINTUS 1 3:6

Aka ibarat pinomuḷa, akuoi in nomuḷa bo ki Apolos in nomuta-mutak, táe ki Allahbí in nobogoi in kobiagan.

KORINTUS 1 4:7

Diábí in inanggap totok moponting kon sigad monimu? Sin onu in kon i monimu, komintanbí nongkon i Allah? Manangka intua diábí motaau in dumodia, sin tua mita in diábí nouḻímu tontaní?

KORINTUS 2 12:11

Totuubí kon akuoi in sinumon intau bodok – táe moikobí in nomakisa kon i nakó nobaḻí natua. Sabanarnea moikobí in musti moduí kon inakó. Sin umpaka diá baraguna in akuoi kon i monimu, táe kon bayongan yagi-yagi akuoi in noiḻiubí kon rasul mita inta mongotoyang tua.

KORINTUS 2 3:5

Diábí in dodoyonan singog nami in mosingog kon kami in mokosanggupbí mogaid kon oaidan tanaa, sin tongábí ki Allah in nobogoi komampuan tanaa kon i nami.

KORINTUS 2 6:1

Saḷaku yobayat topogaidan i Allah, kami in mononggina kon i monimu; donaai tongá pomayá mako in totabi i Allah inta ain inogoi-Nea kon i monimu.

GALATIA 2:8

Sin ki Allah inta nobogoi kon i Petrus in ropot bá mobaḻí rasul kon sigad in intau mita Yahudi, Siabí doman tua inta nobogoi in ropot kon inakó sinbá mobaḻí rasul kon yua-yuak in intau deeman Yahudi.

PILIPI 2:13

Sin ki Allahbí in mopogonú kon ginamu sinbá moibog bo mokosanggup moposanang in gina i Allah in moiko.

PILIPI 4:13

Kawasa inta inogoi i Kristus kon inakó umuran mobogoi in ropot kon inakó in tumayow kon kaadaan noyagi-yagimai.

TESALONIKA 1 5:12

Utat mita, poigum nami totok kon i monimu, horomatonbí in mosia inta nogaid kon yua-yuak monimu; intau inta ain piniḻí i Tuhan nobaḻí itoi bo monononggina kon i monimu.

TIMOTIUS 1 4:10

Manangka intua kita in musti moramuji mogaid, sin kita in tongábí moharap mako kon i Allah inta nobiag; Sia tuata inta mopoposaḷamat kon bayongan in intau, muna-munamai mosia inta mopirisaya.