KORINTUS 1 14:7 - Alkitab Singog In Mongondow Masa In Tanaa

⁷ Sin ná bí onda bo alat mita in musik inta diá moḻiai táe motaaubí posingogon. Naonda bo bansí ande gambus, aka tongá kinoiru-irupnea, bo kinokuti-kutinea yo kotaauanbí naonda in dondong inta pinodondongnea tatua?

KORINTUS 1 14:7 Mawu Ofanana

MATIUS 11:17

‘Podondongan nami in moiko in dondong mokopia kon gina, táe doíbí in moiko motayok, podondongan nami in dondong mokopongoibu, táe doíbí in moiko mongombaḷ.’

LUKAS 7:32

Mosia tua in naonda bo mongoadí mita inta iḻimitú kon pasar bo mosipomaḷúan nanaa, ‘Ain pinogirupan nami kon bansí in moiko, táe moiko doíbi motayok! Pinodondongan nami in dondong inta mokopongoibu, táe moiko doíbí doman mongombaḷ!’

KORINTUS 1 13:1

Umpakabí akuoi in nonotaau kon bayongan bahasa, nodapot kon bahasa in malaekat, táe aka diá in tabiku kon tumpaḷa intau, yo singogku mita tatua in tongábí naonda bo dorom inta diá kobonu andeka lonceng inta moḷangon in singognea, táe diá in mangaḻenea.

KORINTUS 1 14:6

Utatku mita, aka akuoi in mamangoi kon i monimu bo momaké in bahasa norupa-rupamai inta mokoherang kon intau, umpaka yo baraguna kon i monimu intua? Topiḻikmai yo diábí in mangaḻenea! Noyoposibí in aka akuoi mamangoi mopoyaput in koyow nongkon i Allah, ande moginsilang kon soaḷ mita nongkon i Allah, ande mopomangaḻe kon i monimu.

KORINTUS 1 14:8

Andeka torompet inta diá kodongogan motarang in singognea, yo ki inebí in mobasadia moparang?

SAMUEL 1 10:5

Mopaḷut mako kon tua iko in musti mayá in buḷud i Allah kon Gibea, tampat pinononḷoḷaigan in intau in Pilistin. Kon ngara tumuot in kotá, iko in moyodungkuḷdon in nabi mita inta mosiḻig nongkon buḷud pobobogoian kon kuruban. Mosia in motayok bo morogiow, mopogogitog in gambus, rebana, bansí bo kecapi.