KORINTUS 1 14:5 - Alkitab Singog In Mongondow Masa In Tanaa

⁵ Mopiabí doman in ginaku aka moiko in motaau moposingog in bahasa inta mokoherang. Táe mopia-piabí kon motaau mopoyaput in habar nongkon i Allah. Sin intaubí inta motaau mopoyaput in habar nongkon i Allah in moponti-ponting nongkon intau inta nonotaau kon bahasa inta mokoherang; koḻikudbí in aka kotaauannea in mangaḻe in bahasa tatua, sahingga in komangaḻean doman in jamaat intua bo modugang morigon in pirisaya monia.

KORINTUS 1 14:5 Mawu Ofanana

KINOBAḺIAN 30:34

Ki Laban notubag, “Mobaḻí! Aidan natonda in onu inta pinoigum tatua!”

MARKUS 16:17

Naa in tanda mita inta moyotakin kon i monia inta mopirisaya, mosia in moguntun kon dimukud mita moraat podoyon kon tangoi-Ku; mosia in mosingog kon bonu in bahasa inta diá kinotaauan monia.

SURAT I PAULUS KON JAMAAT RUM 14:19

Tuamai koḻigai bá tayakon naton onu inta mokopoangoi kon dodamean bo mosibiagan.

KORINTUS 1 12:10

Intau tobatú inogoian totabi mogaid kon soaḷ mita inta mokoherang, yo ibanea inogoian in totabi mopotaau in tomayá mita i Allah. Bo ibanea doman inogoian in komampuan motaau mopoyoposi onda in totabi inta nongkon Roho i Allah bo onda in deeman. Oyúon inogoian in komampuan mosingog kon bonu in bahasa inta mokoherang, bo oyúon doman inogoian in komampuan moginsilang kon mangaḻe in singog mita tatua.

KORINTUS 1 13:1

Umpakabí akuoi in nonotaau kon bayongan bahasa, nodapot kon bahasa in malaekat, táe aka diá in tabiku kon tumpaḷa intau, yo singogku mita tatua in tongábí naonda bo dorom inta diá kobonu andeka lonceng inta moḷangon in singognea, táe diá in mangaḻenea.

KORINTUS 1 13:4

Intau inta motabi kon tumpaḷa intau, monahangbí kon yagi-yagi bo mopia in gina. Diá in porasaan mointoi, diá kumaḷakuang bo diá doman mododia.

KORINTUS 1 14:1

Poigumonku mako moiko in umuran motabi kon intau ibanea bo tantú doman moramuji sinbá motarima kon totabi mita inta ogoi in Roho i Allah, muna-munamai in totabi mopotaau in tomayá mita i Allah kon intau.

KORINTUS 1 14:17

Sin umpakabí mopia totok in sambayang pinosukurmu kon i Tuhan, táe kon intau ibanea diá in mangaḻe in sambayangmu tatua.