KORINTUS 1 14:34 - Alkitab Singog In Mongondow Masa In Tanaa

³⁴ aka kon poyoyodungkuḷan natua, bobay in diábí motaau in mosingog. Mosia in musti kibio-biómai. Mosia in diábí motaau mobaḻí itoi; ná inta kon bonu in hukum i Musa.

KORINTUS 1 14:34 Mawu Ofanana

KINOBAḺIAN 3:16

Bo ki Tuhan in noguman kon bobay tatua, “Dugangan-Ku in rorigamu kon tungkuḷ in iko sidia bo kon dodai in iko mononggadí. Táe umpaka natua, iko in umuranbí doman mosiug moyotakin i buḷoimu, bo iko in tantúbí kon bonu in kawasanea.”

KORINTUS 1 11:13

Raika monimu: Umpaka yo mopia in bobay inta mosambayang kon i Allah kon tayowon intau mobayong bo diá mogi koḷob in uḷu?

KORINTUS 1 11:3

Tongá ibogonku in bá kotaauan doman monimu in atorang mita kon bonu in jamaat. Tongguḷu i Kristus in ki Allah. Tongguḷu in ḷoḷaki in ki Kristus. Yo tongguḷu in bobay tuata in ḷoḷaki.

KORINTUS 1 11:5

Tongá aka bobay bo mosambayang ande mopoyaput in Habar Mopia nongkon i Allah bo diá mogi koḷob in uḷu, yo tua in mangaḻenea diá hargaannea in ki buḷoinea ḷoḷaki inta nobaḻí tongguḷunea. Bobay tatua in naonda bo intau inta nokiḷogatdon.

KORINTUS 1 14:21

Sin kon bonu in Buk Motusi in pinais nanaa, “Ki Tuhan in nosingog, ‘Pinongin intau mita ibanea inta bahasanea tolaeng, Akuoi in mosingog kon umat tanaa. Bo pongin bibig in intau mita inta mokokiangoi, Akuoi in mosingog kon umat-Ku; tongá mosia in doí mokidongog kon singog-Ku.’ ”

KORINTUS 1 14:35

Aka moibog in mosia monotaau kon yagi-yagi, yo motaaubí in moḻibó kon i buḷoinea táe bain kon baḷoi. Sin totokbí in mokooyá in tobatú bobay mosingog kon tayowon intau moantó.

EPESUS 5:33

Táe tontagá tanaa noyohubung doman i monimu: Tuamai kotabibí in ki buḷoimu naonda bo kototabimu kon awakmu tontaní, ná doman tua, buḷoi bobay in musti tantú moramuji mohoromat kon i buḷoinea.

KOLOSE 3:18

Utat mita, buḷoi bobay! Horomatbí in ki buḷoimu, sin mustibí natua in aidanmu saḷaku intau in Keresten.

TITUS 2:5

musti mobiag mobijaksana, motuḻid in raian bo mobaḻí buḷoi inta motaau moḷukad kon tonibuḷoi monia ( motaau monompia kon tombonu in baḷoinea). Mopia in gina bo motabi kon i buḷoinea. Aka natua in oaid monia, yo diábí in moningkuḻe kon Habar Mopia inta nongkon i Allah.