KORINTUS 1 14:32 - Alkitab Singog In Mongondow Masa In Tanaa

³² Totabi nongkon roho inta mopoyaput in habar nongkon i Allah tua in motaaubí atoron in intau inta nopoyaput in habar tatua.

KORINTUS 1 14:32 Mawu Ofanana

DATU MITA 2 2:3

Tongopaanan in nabi inta nogutun kon tua in minayá nokipodungkuḷ kon i Elisa bo noḻibó, “Kinotaauanmu degá kon singgai in naa in ki tuangmu monaḷámaidon kon inimu sin diaandon i Tuhan mamonik?” “Oo, kinotaauankubí,” tubag i Elisa. “Táe natuabí, dikadon mongonguman kon tua in kita.”

DATU MITA 2 2:5

Topaanan in nabi inta nogutun kon tua minayá nokipodungkuḷ kon i Elisa bo noḻibó “Kinotaauanmudon degá kon singgai in naa ki tuangmu in diaandon i Allah bo monaḷámaidon kon inimu?” “Oo, kinotaauanku,” tubag i Elisa, “Táe kibio-biómaidon, dikadon mongonguman kon tua in kita.”

YEREMIA 20:9

Táe aka kon bonu in ginaku akuoi in moguman, “Biódon mako ki Tuhan in ḻiongonkudon, doídon in akuoi mosingog podoyon kon tangoi-Nea,” dá koyowmu in naonda bo tuḷú inta moborambang kon bonu in dodobku. Aindon sinungkuḷanku pinondam, táe diá mokoigon in akuoi.

OUMAN IN RASUL MITA 13:1

Wakutu intua kon jamaat in Antiokhia oyúon in tongonumai in nabi bo guru, naa in tangoi monia tua: Ki Barnabas, ki Simeon inta dinonoi ki Niger, ki Lukius intau in Kirene, ki Menahem inta noyobiag i Datu Herodes, bo ki Saulus.

KORINTUS 1 14:31

Sin aka natua, yo moiko komintan, motaau moyo-moyoḷuan in mosingog sahingga in habar nongkon i Allah motaau poyaput; bo komintan motaau motarima kon totundú tatua bo modugang in pirisaya.

KORINTUS 1 14:33

Sin doíbí in ki Allah kon kobobiag intau motombauk. Koibog-Nea in kobobiagbí inta motompia. Ná inta nobaḻídon kon bayongan jamaat i Allah,

TESALONIKA 2 2:2

Sinbá diá in moiko baḷú motoboḻingo bo moḻia-ḻiaw in gina sin mokodongog kon naadon in singgai koangoian i Tuhan bui. Degá habar tatua nongkon habar inta pinopogonú i Allah andeka tongábí nongkon totundú in intau, andeka oyúon doman in noguman kon soaḷ mita tatua in nokoimontandon in pinais nami kon surat nami.

YOHANES 1 4:1

Utat mita inta kotabiku! Donaaibí mogampang kinopiri-pirisayanea kon intau mita inta mongaku kinawasa in Roho i Allah, táe ujipa muna in mosia tua sinbá kotaauandon monimu mongo roho kon i monia tua nongkon i Allah andeka deeman. Sin nobayongdon intau in maya-mayá mako bo mongaku nabi bokaka deemanbí totuu nabi.

WAHYU 22:6

Nopaḷut mako malaekat tatua in noguman kon inakó nanaa, “Singog mita tanaa in totuubí bo motaaubí pirisayaan. Ki Tuhan Allah inta nobogoi in Roho-Nea kon nabi mita, aindon nopotabá in malaekat sin mopoontong kon bobantung-Nea mita in onu inta ḷagidon mobaḻí.”