KORINTUS 1 11:17 - Alkitab Singog In Mongondow Masa In Tanaa

¹⁷ Aka soaḷ moiduduimai naa, yo diábí dayowonku in moiko. Sin aka moyosipun mosambayang in moiko, yo deemanbí mokopoangoi kon inta mopia táe inta diábí mopia.

KORINTUS 1 11:17 Mawu Ofanana

AMSAL 27:5

Maníka toboḷow moyogintayowan mako bo dika in tabi inta tongá nonomon mako.

IMAMAT 19:17

Dika motagú mako kon gina kon i ineka. Tompiadon bui in yogenggengmu takin i ineka, sinbá moiko diá baradosaan popisí in intau ibanea.

SURAT I PAULUS KON JAMAAT RUM 13:3

Sin ki ine in mogaid kon inta mopia donaai bidon moondok kon pomarenta, tongábí mosia inta mogaid kon moraat tua in musti moondok. Dá aka iko moibog bá diá moondok kon pomarenta, dá aidaidon in onu inta mopia bo pujionbí in iko.

KORINTUS 1 11:2

Pujionkubí totok in moiko sin umuran mokotorop kon i nakó. Bo onu inta sinundúku kon i monimu, umuran doman duduian monimu.

KORINTUS 1 11:20

Kon wakutu in moyosipun, moiko in deemanbí mogaid kon perjamuan i Tuhan.

KORINTUS 1 11:22

Nongonu sin natuabí in aid monimu? Eta degá diá in baḷoi tontaní pongaanan bo ponginuman monimu? Andeka degá tumuodbí in moiko mokopohinamai kon jamaat i Allah bo mokopooyámai kon intau mita bogá? Naondapa degá in mopomangaḻe kon i monimu? Onupa in posingogku kon i monimu? Degá dayowonku in moiko? Aka oaid natua yo diábí duíonku!

KORINTUS 1 11:34

Bo munapa mongaan kon baḷoi in batangan, sinbá diá ḷagi gogoyon. Sin aka mosi duduian in moiko, yo ibada monimu tua in mopiabí. Diábí mokouḻí kon hukuman i Allah in moiko. Tongápabí naa in insilanganku kon i monimu, ibanea mako in bain moiangoi bui akuoi.

KORINTUS 1 14:23

Tuamai aka kon bonu in poyosipunan kon jamaat, bo komintan jamaat mosingog takin bahasa inta norupa-rupamai bo inta mokoherang, bo oyúon in mokokiangoi, ande intau mita inta deeman Keresten, yo anggapon monia moiko in intaubí mita inta diá mongoratak!

KORINTUS 1 14:26

Dá uḻe utat mita, onu in mangaḻe intua komintan? Aka moiko moyosipun sin mosumba kon i Tuhan, oyúon in modondong, oyúon in motundú, oyúon mopoyaput in habar nongkon i Allah, oyúon in mosingog kon bonu in bahasa inta mokoherang bo oyúon doman in moginsilang kon onu inta pinoguman in intau tatua. Táe tua komintan in mustibí aidan sin motundú kon ponompia kon i monia komintan.

IBRANI 10:25

Kita in musti umuran moyosipun moyotakin bo umuran mosambayang. Donaai mokopomaḷat ná intau ibanea. Mustibí doman umuran in kita mositongginaan, sin kinotaauan bidon naton kon diá bidon moonggot bo mamangoi bui in ki Tuhan.

PETRUS 1 2:14

ande kon i gubernur inta ain sinundú i Kaisar mohukum kon intau mita inta momia kon moraat bo mohoromat kon intau inta mogaid kon mopia.