KORINTUS 1 10:33 - Alkitab Singog In Mongondow Masa In Tanaa

³³ Kobiagdon ná akuoi. Kon soaḷ yagi-yagi, ramujionku totok sinbá mokosanang kon bayongan intau. Bo tua in deemanbí tongá kopontinganku tontaní, táe kopontinganbí in bayongan intau sinbá mosaḷamat in mosia.

KORINTUS 1 10:33 Mawu Ofanana

SURAT I PAULUS KON JAMAAT RUM 11:14

Haraponku mako akuoi in mokopomuká kon intoi kon intau mita tobangusaku, sin aka natua yo motaau posaḷamatonku in tongonumai intau nongkon i monia tua.

SURAT I PAULUS KON JAMAAT RUM 12:5

Natua doman in kita. Umpaka kita in nobayong, táe kita in tongoawakanbí monag, sin kita ain notobatú kon i Kristus. Bo kita komintan in noyoguputbí in tobatú bo tobatú saḷaku anggota in awak tobatú.

KORINTUS 1 10:24

Dikabí tongá morai kon kopontingan monimu tontaní, táe poraibí doman kon kopontingan intau ibanea.

KORINTUS 1 13:5

Sia in diábí mogaid kon inta diá mopia bo diábí doman motayak kon kauntungan tontaní. Sia in diábí morogi bo diábí doman moibog motagú kon gina kon intau.

KORINTUS 2 12:14

Kotoḷudon naa akuoi in nonomayá mokipodungkuḷ kon i monimu. Bo akuoi in doíbí mokiposusamai kon i monimu, sin deemanbí kapunyaan monimu in tayakonku, táe moikobí. Sin deemanbí mongoadí in musti motayak kon kaanon in guyanganea, táe guyangabí in musti motayak kon kaanon i adínea mita.

KORINTUS 2 12:19

Motaaubí singogon nami kon noonggot bidon moiko in umuran nosangka mako kon i nami, kon kami tantú mobela kon oaid nami inta diá mopia kon tayowon monimu. Kon tayowon i Allah bo kinotaauanbí i Kristus. Kami moguman kon i monimu, kon bayongan naa, uḻe, utat mita inta kinotabiku, inaidan nami naa lantaranbí bá mobiag bo modugang in pirisaya monimu.

GALATIA 1:10

Yo naonda degá in naa: Motayak degá in akuoi kon inta mokosanang kon gina in intau andeka inta mokosanang kon gina i Allah? Andeka ontongon monimu degá akuoi in mokopopia kon intau, sinbá kosanang in intau? Aka natua in oaidku, yo akuoi naa in deemanbí bobantung i Kristus.

PILIPI 2:21

Sin ibanea mako in tongábí morai kon kopontingan monia tontaní, deemanbí morai kon kopontingan i Kristus Yesus.

TESALONIKA 1 2:16

Modapot in mosia moramuji totok in moḷamboi kon inami mopoyaput in Habar Mopia kon intau mita inta deeman Yahudi, Habar Mopia inta mokosaḷamat kon i monia. Intau mita in Yahudi tatua, umuran mogaid kon inta diá mopia kinobobúbí monia. Pangabisannea hukumon i Allah in mosia!