KORINTUS 1 10:25 - Alkitab Singog In Mongondow Masa In Tanaa

²⁵ Moiko in motaaubí in mokaan kon onukabí in pinotaḷui kon pasar in ponoyá. Kumudungbí in motaḷui, dikabí morai kon yagi-yagi umpaka oyúon in mokobogat mita kon bonu in ginamu.

KORINTUS 1 10:25 Mawu Ofanana

OUMAN IN RASUL MITA 10:15

Táe bui oyúon in singog in dinongog noguman, “Onu inta aindon sinantú i Allah motaau kaanon, dikabí anggapon monimu haram intua.”

SURAT I PAULUS KON JAMAAT RUM 13:5

Tuamai utat, moiko in mustibí mokopotoindudui kon pomarenta, deemanbí tongá popisí in iko doí hukumon, táe popisíbí doman kon ginamu in moguman kon natua.

SURAT I PAULUS KON JAMAAT RUM 14:14

Popisí in akuoi bo notobatúdon i Tuhan Yesus, dá mopirisayabí totok in akuoi kon diábí in tobatúmai monajis. Soaḷ tatua najis podudui intau tobatú, aka tua inanggapnea najis.

KORINTUS 1 8:7

Umpaka natua, táe diábí komintan intau in nonotaau kon soaḷ tatua. Sin umaaipa doman masa in tanaa oyúonpa in umuran mosumba kon berhala mita. Tuamai oyúonpa doman in raian kon kaanon inta ain pinosumba kon berhala in kaanonbí doman in berhala. Manangka intua aka kaanon monia in kaanon tatua yo porasaan monia in baradosaanbí in mosia; tua komintan popisíbí in diápa noguyang in pirisaya monia.

TIMOTIUS 1 4:4

Bayongan inta pinomia i Allah tua in mopiabí, bo diábí tobatúmai in motaau anggapon haram aka tua komintan tarimaan naton takin mopoyaput in sukur kon i Allah.

TITUS 1:15

Bayongan in yagi-yagi in nodaritbí aka kon intau mita inta nodarit in raian. Táe aka kon i monia inta raian mokotor bo inta diá mopirisaya kon i Tuhan, yo diábí in tobatúmai in modarit, sin raian bo gina monia in komintan domandon mokotor!