KORINTUS 1 10:21 - Alkitab Singog In Mongondow Masa In Tanaa

²¹ Moiko in diábí motaau in monginum kon palo in anggur pongonginuman i Tuhan, bo monginum doman kon palo pongonginuman in dimukud mita moraat. Natua doman, moiko in diábí motaau in mongaan moyotakin i Tuhan bo mongaan doman moyotakin in dimukud moraat.

KORINTUS 1 10:21 Mawu Ofanana

DATU MITA IMITÁNEA 18:21

Bo ki Elia in dinimiug kon rayat tatua bo noguman, “Dapotpa in toonu in moiko umuran motoḻindua in gina? Aka ki Tuhan tua in Allah, yo sumbadon in ki Tuhan! Aka Baal tatua in Allah, yo sumbadon in Baal!” Rayat inta noyosipun kon tua in tongádon kibio-biómai.

YESAYA 65:11

Táe deemanbí natua in ukur in intau mita inta nonaḷámai kon i-Nakó, inta diá noindoimai kon Sion, tombuḷud-Ku inta motusi, inta noposumba in kaanon inoḷud kon Gad bo Meni, dewa mita inta mobogoi in kauntungan bo ukur.

YEREMIA 44:8

Nongonu sin moiko in nogaidbí kon inta mokopomuká kon torú-Ku? Moiko in namangoi bo nogutun kon Mesir, butá inta deeman moiko in kitogi, bo moiko in mosumba kon berhala bo moposumba in kuruban kon dewa mita in butá tatua! Degá moibog in moiko morimumud kon awakmu tontaní sinbá singkuḻeon in moiko in bayongan in bangusa kon dunia bo tangoimu in pakéondon mobaḻí kutukan?

MATIUS 6:24

“Diábí in tobatúmai intau in motaau monontuang kon doyowa. Sin aka natua, yo tongábí tobatú in kotabinea, yo tobatú in diábí kotabinea, andeka tongábí tobatú in duduiannea, yo tobatú in diábí. Moiko in diábí motaau mobantung kon i Allah bo kon kapunyaanmu.

KORINTUS 1 10:16

Kon dodai in nonginum kon anggur bo nosukur kon i Allah, tua mangaḻenea notobatú bidon i Kristus in kita kon bonu in kinopatoian-Nea? Bo kon dodai in nosilai kon roti in kita sin kaanon moyotakin, yo tua in mangaḻenea notobatúdon takin awak i Kristus in kita?

KORINTUS 1 8:10

Nanaa i makusudku: Aka kuma moiko inta aindon nopirisaya totu-totuu bo indoianmai iḻimitúbí mako bo mongaan kon bonu in baḷoi pobobogoian kon sosumba kon berhala, bo inontong in intau mita inta diápa noguyang in pirisayanea. Dá tantú oaidmu tatua in mobogoi bidon in contoh kon intau ibanea sahingga in nobarani intau tatua nokaan kon kaanon inta inogoidon pinosumba kon berhala?