KORINTUS 1 10:15 - Alkitab Singog In Mongondow Masa In Tanaa

¹⁵ Akuoi in moguman kon i monimu naonda bo moguman kon intau mita inta mopandoi. Raidon onu in pinogumanku naa.

KORINTUS 1 10:15 Mawu Ofanana

KORINTUS 1 10:14

Tuamai uḻe utatku mita inta kinotabiku, poyayú in gina monimu inta umuran moibog mosumba kon berhala.

KORINTUS 1 10:16

Kon dodai in nonginum kon anggur bo nosukur kon i Allah, tua mangaḻenea notobatú bidon i Kristus in kita kon bonu in kinopatoian-Nea? Bo kon dodai in nosilai kon roti in kita sin kaanon moyotakin, yo tua in mangaḻenea notobatúdon takin awak i Kristus in kita?

KORINTUS 1 11:13

Raika monimu: Umpaka yo mopia in bobay inta mosambayang kon i Allah kon tayowon intau mobayong bo diá mogi koḷob in uḷu?

KORINTUS 1 14:20

Utatku mita! Dika ná pororai in mongoadí. Aka kon soaḷ mita inta mongoromú, dá musti ná pororai in mongoadí in moiko. Táe aka kon soaḷ pororai, yo poraibí ná intau inta nogurangdon.

KORINTUS 1 4:10

Kami in sinumon bodok lantaran ki Kristus. Táe moiko in nopandoidon lantaran ain nopirisaya kon i Kristus! Kami in diádon mokopongonu, táe moiko in noropotdon! Kami in tantú irebeg in intau, táe moiko in umuran dinuí!

KORINTUS 1 6:5

Totok mokooyá uḻe! Umpaka yo beresidon diá in intau mobijaksana kon sigad monimu inta motaau mopoyotutui in soaḷ inta tongá natua mita inta mobaḻí kon sigad monimu intau in Keresten!

KORINTUS 1 8:1

Yo tanaa in soaḷ kaanon inta inogoi saḷaku sosumba kon berhala. Oo, totuubí in kain intau, “Kita in komintan bidon nongopandoi.” Táe pandoi tatua in nokopobaḻídon kon intau mokaḷakuang, táe aka tabi, yo mokobiag kon intau.

TESALONIKA 1 5:21

Bayongan in yagi-yagi musti ujionpa muna, onda in mopia, tua in aidan.