KORINTUS 1 1:30 - Alkitab Singog In Mongondow Masa In Tanaa

³⁰ Sin lantaranbí ki Allah, dá notobatúdon in moiko i Kristus. Bo lantaran doman kita nopirisayadon kon i Kristus dá kita in nonotaaudon kon bayongan in yagi-yagi. Siabí doman tua in nopoyotutui, nomiḻí bo notobut kon bayongan oaid naton inta diá mopia.

KORINTUS 1 1:30 Mawu Ofanana

AMSAL 1:20

Indongogaidon! Hikmat in mogoiní kon daḷan-daḷannea bo momaḷú kon rawang mita!

AMSAL 2:6

Ki Tuhanbí in mobogoi in hikmat; nongkon i-Niabí intau mokouḻí kon pongotahuan bo komomangaḻe.

AMSAL 8:5

Moiko inta diápa kopongalaman, pobalajar kon raian inta mopandoi; moiko inta moraat, pobalajardon momangaḻe.

YESAYA 11:2

Kawasa i Tuhan in mokapit kon inia, mopobaḻí kon inia mopia bo mobijaksana, mopandoi monimpod kon tosingogon bo mopoaid intua; monotaau kon ibog i Allah bo mopirisaya kon i-Nia.

YESAYA 45:17

Táe Israel in pinosaḷamat i Tuhan; kasaḷamatannea in motantúbí. Moiko in diábí pokopooyáanmai bo singkuḻeon modapot in mononoi.’ ”

YESAYA 54:17

Táe batúan in sonjata inta sinontaḷ sin moḷawang kon inimu, in diábí motuoi. Bo bayongan in inta pinonapud kon bonu in pongadilan in poniatamubí kon diá totuu. Akuoi in mobogoibí in tombuinag kountungan kon mogogundoi-Ku mita,” natuata in singog i Tuhan.

YEREMIA 33:16

Intau in Yohuda bo intau inta nogutun kon Yerusalem in posaḷamatonbí bo mobiag moaman. Kotá in Yerusalem in tangoian ‘Tuhan Mopoposaḷamat Naton’.

DANIEL 2:20

gumannea, “Ki Allah tua in mobijaksana bo moroton, dinayo-dayowdon in Sia modapot in mononoi!

DANIEL 9:24

Pitu pokali kon pitu nopuḷú notaong in sempo inta ain sinantú i Allah sin mopoḷuat kon bangusamu bo kotámu inta motusi tatua nongkon dosa bo aid moraat. Bayongan in dosa in ampunganbí bo kooadil inta mononoi in posindogonbí, dá oontongon bo toḻindap tatua in moniatadon, bo Baḷoi Tuhan inta motusi tatua in posumba bui kon i Tuhan.

HOSEA 13:14

Bangusa tanaa in diábí posaḷamat-Ku nongkon kawasa in dunia in intau minatoi. Ei popatoi, ponimboidon in yampoimu! Aidaidon in oaidanmu inta mokorimumud tua! Akuoi in diá bidon motabi bui kon bangusa tanaa.

MATIUS 1:21

Sia in mopononggadí in adí ḷoḷaki bo Sia tangoianmu ki Yesus, sin Sia tuata inta moposaḷamat kon umat mita baradosa.”

LUKAS 11:49

Tuamai hikmat i Allah in noguman nanaa, ‘Akuoi mopotabá in nabi mita bo rasul mamangoi kon i monimu; ibanea in ḻimodon bo ibanea doman in pogutúon!’

LUKAS 21:15

Bá kotaauan monimu kon Akuoibí in moguman kon onu inta musti potubag monimu, sahingga saturu mita monimu tua, diá mokoḷawang ande mokobayow kon onu in singogon monimu.

YOHANES 1:18

Diábí in nokoimontanmai in nokoontong kon i Allah, koḻikudbí in ki Adí tuḷong i Amá, inta notongkai i Amá bo modagin totok kon i-Nia. Kon i-Nia tuata moniata kon i naton in ki Amá.

YOHANES 14:6

Ki Yesus in notubag, “Akuoibí naa in daḷan kon monotaau kon i Allah bo mokouḻí kon kobiagan. Diábí in tobatúmai intau in mokoyaput kon i Amá, aka diá mongin i-Nakó.

YOHANES 17:26

Pinotaau-Ku bidon kon i monia in tangoi i Amá bo umuran-Kubí popotaau intua, sinbá tabi i Amá kon i-Nakó umuran mako kon gina-gina mako monia bo Akuoi in motobatú i monia.”

YOHANES 17:8

Pinotaau-Kudon kon i monia in singog inta inogoi i Amá kon i-Nakó; bo sinarimadon monia. Kinotaauan monia kon Akuoi in totu-totuubí namangoi nongkon i Amá bo mosia in mopirisayabí kon ki Amábí in nopotabá kon i-Nakó.

YOHANES 8:12

Ki Yesus in buipa doman noguman kon i monia, “Akuoi naa in bayag in dunia. Intau inta dumudui kon i-Nakó in diá bidon sia mayá kon bonu in sindip, táe oyúondon in bayag kon kobiagannea.”

OUMAN IN RASUL MITA 26:18

mobuká kon mata monia, sinbá mobuká in mata monia bo mokoontong kon inta mobayag; bo diádon kopongaruan in Ibilis táe tongádon tantú kon bonu in kawasa i Allah. Sin aka mopirisaya kon i-Nakó, yo dosa mita monia in tokoampunganbí bo mobaḻíbí umat mita inta piniḻí i Allah in mosia.’ ”

SURAT I PAULUS KON JAMAAT RUM 1:17

Sin pinongin Habar Mopia tatua ki Allah in nopoontongdon kon naonda in pogogaid sinbá hubungan in intau bo i Allah in moyoguḻitdon bui: aidnea kon tua in tongábí mopirisaya kon i Allah nongkon pinomangkoianpamai modapot in pangabisan. Tua in ná inta ain pinais kon bonu in Buk Motusi, nanaa, “Intau in nopirisayadon kon i Allah, sahingga in hubungannea takin i Allah notompiadon bui, bo intau tatua in mobiagbí!”

SURAT I PAULUS KON JAMAAT RUM 11:36

Ki Allah in nomia kon bayongan yagi-yagi. Komintanbí nongkon i Allah bo pinomakusudbí doman kon i-Nia. Dinayo-dayowdon in ki Allah nodapot in kopaḷutan dunia naa! Amin.

SURAT I PAULUS KON JAMAAT RUM 12:5

Natua doman in kita. Umpaka kita in nobayong, táe kita in tongoawakanbí monag, sin kita ain notobatú kon i Kristus. Bo kita komintan in noyoguputbí in tobatú bo tobatú saḷaku anggota in awak tobatú.

SURAT I PAULUS KON JAMAAT RUM 16:11

bo kon i Herodion. Sia tua in tosukuku. Salam doman kon i utat naton inta mopirisaya kon i Kristus inta tombonu in baḷoi i Narkisus.

SURAT I PAULUS KON JAMAAT RUM 16:7

Poyaputpa doman in salamku kon i Andronikus bo kon i Yunias. Mosia tua in toḻipúanku bo nokoimontandon in sinumuot kon ponjara takinku. Wakutu in akuoi diápa nopirisaya kon i Kristus mosia in munadon nopirisaya. Tangoi monia tua in kinotaauan bidon totok in rasul mita.

SURAT I PAULUS KON JAMAAT RUM 4:25

Ki Yesus tua in pinosarakandon kon intau mita sin ḻimodon sin potobut kon bayongan dosa naton. Tongá Sia in biniagdon bui i Allah sinbá kita in buidon moyodame takin i Allah.

SURAT I PAULUS KON JAMAAT RUM 4:6

Natua doman in singog i Daud; manangka intua sia in noguman doman nanaa, pia in kamang in intau inta ain sinarima i Allah saḷaku intau inta mokosanang kon gina-Nea, táe inta deemanbí pinodoyon kon oaidnea mita. Ki Daud in noguman nanaa,

SURAT I PAULUS KON JAMAAT RUM 5:19

Dá notongkai doman in naa, bayongan intau in nobaḻí binaradosa popisí in intau tobatú inta diá motoindudui. Ná doman tua in mobayong intau inogoian in kasampatan moyodame bui takin i Allah popisí in intau tobatú inta motoindudui kon i Allah.

SURAT I PAULUS KON JAMAAT RUM 5:21

Kita naa in mustibí matoi popisí in nogaid domandon kon dosa. Táe ki Allah in notabibí kon i naton bo nobogoi in daḷan kon i naton kon moyodame bui takin-Nea. Bo popisí in hubungan naton takin i Allah notompiadon bui, dá Sia in nobogoi domandon in kobiagan moitutui bo inta mononoi kon i naton inta pinongin i Yesus Kristus, ki Tuhan naton.

SURAT I PAULUS KON JAMAAT RUM 8:1

Tanaa in diá bidon in hukuman kon i monia inta nobiag notobatú i Kristus Yesus.

SURAT I PAULUS KON JAMAAT RUM 8:23

Bo deemanbí tongá mosia in mogamui; táe kitabí doman inta ain notarima kon Roho i Allah. Tua in oogoi i Allah inta muna, tongá kita in umuranpabí doman mogoḷat mako kon i Allah mopoḷuat kon bayongan in awak naton bo baḻíon-Nea in kita ki adí-Nea mita.

SURAT I PAULUS KON JAMAAT RUM 8:9

Táe moiko in diábí nobiag podudui in ibog in awak naa, moiko in nobiagbí podudui in ibog in Roho i Allah, aka totuu Rohodon i Allah in nongawasa kon i monimu. Táe aka kon intau tatua bo diá in Roho i Kristus, yo sia tua in deemanbí kapunyaan i Kristus.

KORINTUS 1 1:24

Tongá aka kon intau mita inta ain sinoko oiní i Allah, pinomayá intau in Yahudi andeka deeman – habar tatua in totokbí in pinirisaya kon aidbí i Allah kon moponiata in kawasa bo kapandoian-Nea.

KORINTUS 1 12:18

Kinotaauan bidon naton, kon tua komintan ain bidon sinampat i Allah kinotompia kon awak naton podudui in ibog-Nea.

KORINTUS 1 12:27

Moiko nion in komintanbí awak i Kristus bo komintan doman anggota-Nea.

KORINTUS 1 12:8

Oyúon intau in nokouḻí kon totabi mosingog kon inta mopia, oyúon doman in nokouḻí kon totabi motundú kon soaḷ ki Allah.

KORINTUS 1 4:15

Umpaka ribuandon intau in Keresten guru monimu, táe kon bonu in pirisaya monimu kon i Kristus, tongábí akuoi in nobaḻí ki amá monimu sin akuoibí naa in nopoyaput in Habar Mopia kon i monimu nodapot in nopirisayadon moiko kon i Kristus.

KORINTUS 1 6:11

Koḻipod oyúon in kon sigad monimu in umuran mogaid kon natua mita. Táe tanaa in poniatadon kon nodaritdon in moiko nongkon bayongan oaid inta diá mopia. Moiko in nobaḻídon umat i Allah inta piniḻí-Nea. Moiko buidon noyobayat i Allah, sin nopirisayadon kon i Tuhan Yesus Kristus bo popisí kawasa doman in Roho inta nongkon i Allah naton.

KORINTUS 2 12:2

Kon bonu in oontongon tatua, kinotaauanku in intau inta noibingkat monik kon soroga tatua, mopuḷúbí bo opat notaong inta noitaḻibdon. (Diá doman notarangku totok mongo takin awaknea in noibingkat tatua mongo tongábí noiḷabot magí kon mataku – tongábí ki Allah in nonotaau kon tua.)

KORINTUS 2 4:6

Sin ki Allah in nogumandon nanaa, “Nongkon sindip momukádon in bayag.” Bo ki Allah doman tatua inta nopomuká in bayag-Nea kon bonu in gina naton, sinbá mobayag domandon in raian naton bo monotaau kon kototarang in bayag i Allah inta nonindar kon pogot i Kristus.

GALATIA 1:4

Ki Kristus in dinumudui kon koibog i Allah, ki Amá naton, sahingga in Sia noposarakan in awak-Nea tontaní nobaḻí kuruban potobut kon taḷá mita naton, sinbá kita in posaḷamaton nongkon kaadaan masai naa inta diádon mopia naa.

GALATIA 3:13

Táe ki Kristus ain nomilat kon i naton nongkon kutukan in hukum i Musa tatua. Sia nopomayádon mako in awak-Nea tontaní kinutuk sinbá kita in mopilat kon kutukan. Sin kon Buk Motusi ain pinais, “Kinutukdon in intau inta minatoi binambé kon kayu pinoyotaḻempang.”

EPESUS 1:10

Makusud in tomayá-Nea tatua in bá bayongan in yagi-yagi inta kon soroga ande inta kon dunia naa, in motobatúdon i Kristus saḷaku tongguḷu. Bo soaḷ tatua in iḷapatandon i Allah aka aindon wakutunea.

EPESUS 1:14

Roho tatua in nobaḻí jaminan kon kita in motarimabí kon onu inta ain pinodandi i Allah kon umat-Nea. Tanaa mobogoi in koyakinan kon i naton kon pobebasonbí i Allah in umat-Nea. Dinayo-dayowdon in ki Allah sin oaidan-Nea inta totok moḷoben tatua!

EPESUS 1:7

Ki Kristus in minatoidon sin mopobebas kon i naton bo mongampung kon bayongan dosa.

EPESUS 2:10

Ki Allahbí in nomia kon i naton, bo pinongin i Kristus pinomia-Nea in kita, sinbá kita in mogaid kon soaḷ mita inta mopia inta ain sinadia-Nea kon i naton.

EPESUS 4:30

Dika mopoajar kon gina in Roho i Allah. Sin moiko aindon sinontandaan-Nea sinbá mobaḻí kapunyaan i Allah. Bo Roho doman tatua inta mobaḻí jaminan, kon singgai pobebasan tatua in moiangoibí kon i monimu.

EPESUS 5:26

Inaidan i Kristus intua sinbá motaau-Nea daritan in jamaat tatua takin totundú-Nea bo takin tubig inta pobaptis, sinbá motaaudon posarakan-Nea kon i Allah.

PILIPI 3:9

bo akuoi in totu-totuudon notobatú takin-Nea. Hubungan mopia takin i Allah in diábí nouḻíku sin popisí in dinumudui kon hukum in agama, táe tua in nouḻíkubí sin akuoi in nopirisayadon kon i Kristus. Dá tuamai hubungan mopia tua in namangoibí nongkon i Allah sin pinodoyon kon pirisaya kon i Kristus Yesus.

KOLOSE 1:14

Ki Adí-Nea tatua inta nopobebas kon i naton, mangaḻenea bayongan dosa naton ain inampungan-Nea.

KOLOSE 3:16

Umuran kon gina-gina mako in totundú mita i Kristus inta mobarakat tua, sahingga moiko in mobijaksana bo mopandoi in motundú bo mononggina kon utat mita. Dika mokoḻiong in mopodondong in Mazmur bo dondong mita rohani; podondongdon kon i Allah takin porasaan mosukur kon bonu in ginamu.

TESALONIKA 1 5:23

Poigumon mako sinbá umuran i Allah ogoian in kobiagan motompia bo baḻíon-Nea in moiko umat inta tongá mopirisaya bo mobiag takin i Allah. Poigumon doman mako bá ḷukadandon i Allah in roho, gina bo awak monimu, sahingga in diábí in mogaat kon wakutu in koangoiandon bui i Yesus Kristus ki Tuhan naton.

TITUS 2:14

Sia tuata inta ain noposarakan in awak-Nea sin mopoḷuat kon i naton nongkon bayongan inta moraat, bo kita in baḻíon-Nea tobatú umat inta noiḷuatdon nongkon kawasa in dosa bo tongádon mobaḻí umat-Nea inta morajing mogaid kon inta mopia.

IBRANI 9:12

Ki Kristus in sinumuot kon Yuang Totok in Motusi kon ḷoḷaigan tatua tongábí komintan, diá bidon mopobui-buimai. Dodai intua Sia in diábí nodia kon dugú in bembé koḷakian andeka dugú adí in sapi sin posumba, táe dugú-Neabí tontaní in dinia-Nea. Bo dugú-Neabí tatua in nopobebas kon i naton dapot in kopaḷutannea.

YAKOBUS 1:5

Aka oyúon in kon sigad monimu in diápa totok mobijaksana; yo musti mopoigum kon i Allah, dá ogoianbí i Allah in kabijaksanaan in sia. Sin takinbí pia in gina bo tabi in ki Allah in mobogoi kon batúan in intau.

PETRUS 2 1:1

Utat mita inta totu-totuudon nopirisaya ná doman kami naa! Ki Yesus Kristus, inta Allah bo Datu Mopoposaḷamat naton in nobogoidon in kasampatan kon i naton mopirisaya kon i-Nia, sin Sia ain nogaid kon onu inta mobanar. Surat tanaa in nongkon i Simon Petrus, tobatú mogogundoi bo rasul i Yesus Kristus.

YOHANES 1 5:6

Ki Yesus Kristus tuata inta namangoi kon dunia takin tubig inta pinobaptisan kon i-Nia bo takin doman dugú in kinopatoian-Nea. Sia in namangoi deemanbí tongá takin tubig, táe takinbí tubig bo dugú. Bo Roho i Allah tontaní nobogoi in kosakusian kon totuubí intua, sin Roho in diábí kon dodai in onda in monguboḷ.

WAHYU 14:4

Mosia tua intau inta umuran nodarit naonda bo porawan, sin mosia in diábí mosiug takin bobay. Mosia in umuran dumudui magí-mako kon i Adí in Domba kon ondakabí in bayáan-Nea. Mosia in sinobutdon nongkon sigad in intau mita. Mosia tuata inta ain pinobebas bo inogoi saḷaku sosumba inta muna kon i Allah bo kon i Adí in Domba tatua.

WAHYU 5:9

Mosia nopodondong in tobatú dondong mobagu, nanaa: “Iko in patus mogamá kon buk tatua bo moḷosi kon meterainea mita. Sin Iko ain iḻimod, bo dugú-Mu tatua, in pinoguboḻi-Mu kon intau nongkon bayongan suku, bahasa, negara bo bangusa sin ogoi kon i Allah.