KORINTUS 1 1:27 - Alkitab Singog In Mongondow Masa In Tanaa

²⁷ Sin sinuodbí i Allah piniḻí in intau mita inta inanggap in dunia naa nobodok, sinbá mosia in mokopooyámai kon intau mita inta mongopandoi. Bo sinuodbí doman i Allah in momiḻí kon intau mita inta inanggap in dunia naa diá mokopongonu, sinbá mongooyá in intau mita inta mongoropot.

KORINTUS 1 1:27 Mawu Ofanana

MAZMUR 8:2

Oo Tuhan, Allah nami, kawasa-Mu ponango-nangoian kon sinangkub in butá! Kamuliaan-Mu inta nonigad kon ḷangit

YESAYA 29:14

Tuamai in taḻikokogan-Ku in mosia in sambok inta moyo-moyodudui. Intau inta mobijaksana in mobaḻí mobodok, bo bayongan in pandoi monia diábí in mangaḻenea.”

YESAYA 29:19

Intau mita bogá bo mokooyá in mokorasadon bui kon kobiagan mopia inta inogoi i Allah inta mokudus Allah in Israel.

YESAYA 44:25

Akuoibí naa inta noḷamboi kon toḻindap in mononoḻindap, bo inta nopoyambá kon mogogoiní mita. Tosingogon mita in intau mobijak binayowan-Ku, kabijaksanaan monia binaḻí-Ku kabodokan.

YEREMIA 8:9

Intau mita mongopandoi kon yua-yuakmu in pokopooyáanbímai. Mosia in koinggamáan bidon in akaḷ bo moibaaḷ. Mosia in doíbí mokidongog kon tonggina-Ku; tanaa, kobobijak onupa inta oyúonpa kon i monia?

ZEPANYA 3:12

Kon tua pomayá-Kudon mako in mogutun in tobatú bangusa inta moompá in dodia, inta mopongata in totuḷung-Ku. Mosia in motaaubí in mogutun kon tua.

PINOGIAPAN 22:30

Tubag in keledai tatua, “Akuoi naa in keledai i Tuang inta noonggotdon in takoianmai i Tuang? Yo degá nokoimontandon in akuoi nomangkang kon i Tuang?” “Diá,” tubag i Bileam.

MATIUS 11:25

Kon wakutu intua nosambayang in ki Yesus kai-Nia: “Akuoi in mopoyaput in sukur kon ini-Mu, Amá, Tuhan in ḷangit bo butá, sin bayongan intua binuni-Mu kon intau mita inta mobijaksana bo kon intau mopandoi, táe pinoponiata-Mu kon intau inta moyangkó.

MATIUS 21:16

Bo mosia in noguman kon i-Nia, “Degá dinongog-Mu onu in siningog in mongoadí mita tanaa?” Ki Yesus in notubag kon i monia, “Dinongog-Ku intua! Degá diápa kinobacaan monimu inta pinais kon Buk Motusi nanaa: ‘Nongkon bibig in adí mita mointok bo mongoadí mita inta monetépa aindon sinundú-Mu in mosia mopoyaput in dodayow mita’?”

MATIUS 9:9

Naonda in ki Yesus minayá nongkon tua, Sia nokoontong kon tobatú intau tangoinea in ki Matius inta iḻimitú mako kon kantor in pajak. Ki Yesus in noguman kon inia, “Duduidon kon i-Nakó.” Dá ki Matius in sinimindog doman bo dinumudui.

LUKAS 21:15

Bá kotaauan monimu kon Akuoibí in moguman kon onu inta musti potubag monimu, sahingga saturu mita monimu tua, diá mokoḷawang ande mokobayow kon onu in singogon monimu.

OUMAN IN RASUL MITA 17:18

Guru mita nongkon golongan in Epikuros bo Stoa nobobayowanmai takinnea. Oyúon kon sigad monia tua in nosingog nanaa, “Eta onubí in kotaauan in intau mita tanion? Mosia nion in dondunguḷbí mita, táe moantó in ouman!” Bo ibanea in moguman doman, “Sia nion ná bí mopotaau in dewa ibanea.” Tua mita in singog monia sin ki Paulus nopotaau in habar soaḷ ki Yesus kon i monia bo soaḷ doman kobiagan naonda in matoi.

OUMAN IN RASUL MITA 7:35

Ki Musa naa kinodoí in bayongan intau Israel bo inta siningog monia nanaa, ‘Eta ki inebí in nomaḻí kon inimu itoi bo hakim kon sigad nami?’ Táe ki Musabí intau inta pinotabá i Allah mobaḻí itoi bo mopoposaḷamat, takin totuḷung in malaekat inta namangoi kon inia inta kon yua-yuak in díat tatua.

OUMAN IN RASUL MITA 7:54

Naonda dinongog in anggota in Sidang Agama in bayongan singog i Stepanus tatua, totok nonakit in gina monia bo sinumorú totok kon inia.

KORINTUS 1 1:20

Dá aka natua yo diá bidon in baraguna monia? Intau mita inta mongopandoi bo intau mita inta nonotaau kon bayongan in yagi-yagi? Sin pinoniatadon i Allah kon kapandoian intau kon dunia naa diábí in baragunanea!

KORINTUS 1 1:21

Sin dapot kabí in onda in kapandoian intau, yo diábí in mokopobaḻí kon inia monotaau kon i Allah. Táe popisíbí in ki Allah mobijaksana, dá noibog in Sia in noposaḷamat kon intau mita inta mopirisaya kon i-Nia naonda in nokodongog kon habar inta pinotaau nami inta inanggap in dunia naa tongá uboḷ.

KORINTUS 1 2:12

Kita in diábí inogoian roho inta nongkon dunia naa, táe Rohobí inta nongkon i Allah, sinbá kotaauan naton in bayongan inta pinonotabi i Allah kon i naton.

KORINTUS 2 10:10

Sin oyúon intau noguman nanaa, “Bonu in surat mita i Paulus tua in motogat bo mokobangkaḷ, táe aka siadon tontaní in kon yua-yuak naton, yo moyangkodon in sia bo singognea mita tua in diádon in mangaḻenea!”

KORINTUS 2 4:7

Táe kaoyúonan inta mopia nongkon soroga tua in ná bí kon bonu in awak nami inta inaidan nongkon butá ḷamentong, sinbá moniatadon kon ropot moḷoben kon inami naa in nongkon i Allahbí, deemanbí nongkon inami tontaní.

YAKOBUS 2:5

Toropdon, Utatku mita inta kinotabiku! Intau inta nobiag nobogá kon dunia naa, piniḻí i Allah mobaḻí intau inta mooyúon kon bonu in pirisaya. Intau mita tatua in mobaḻíbí anggota in umat i Allah ná inta pinodandi i Allah kon intau mita inta kinotabi-Nea.