KORINTUS 1 1:26 - Alkitab Singog In Mongondow Masa In Tanaa

²⁶ Utat! Toropka bui monimu naonda in kaadaan monimu wakutu inoiní i Allah. Tongábí topiḻik in intau kon sigad monimu in mopandoi, ande oyúon in kawasa, ande koḷoḻitúan moḷantud kon sigad in intau moantó.

KORINTUS 1 1:26 Mawu Ofanana

DATU MITA 2 5:4

Naonda in kinodongogan i Naaman in tosingogon tatua, minayá in sia kon i datu bo inoumannea onu inta pinoguman in adí bobay tatua.

AYUB 37:24

Tuamai in patusbí in Sia horomaton i inekabí, bo intau inta mongaku moarip, diábí pinandung-Neamai.”

ZEPANYA 3:12

Kon tua pomayá-Kudon mako in mogutun in tobatú bangusa inta moompá in dodia, inta mopongata in totuḷung-Ku. Mosia in motaaubí in mogutun kon tua.

LUKAS 1:3

Tuamai in naonda in binalajarku muna intua komintan nongkon pinomangkoianmai, iraiku, mopiabí totok aka habar tatua paison kotompiaan kon bonu in buk bo ogoi kon i Tuang,

LUKAS 10:21

Kon wakutu intua doman, noḷungangadon in gina i Yesus, sin kinawasa in Roho i Allah. Ki Yesus in nosingog nanaa, “Akuoi in mosukur kon ini-Mu Amá, Tuhan in ḷangit bo butá sin bayongan intua aindon binuni-Mu kon intau mita inta mopandoi bo mobijaksana, táe aindon pinoontong-Mu kon intau mita inta nongobodok. Tuabí in kinoibog i Amá.

OUMAN IN RASUL MITA 13:12

Naonda in inontongdon i gubernur in onu inta nobaḻí tatua, nopirisayadon totok in sia kon i Yesus; sin nopia totok in ginanea kon totundú mita soaḷ ki Tuhan.

OUMAN IN RASUL MITA 13:7

Sia naa in totok noyobayat i Sergius Paulus, gubernur kon pulau tatua, intau inta totok mopandoi. Sia in nogoiní kon i Barnabas bo kon i Saulus sin moibog mokidongog kon pirman i Allah.

OUMAN IN RASUL MITA 17:34

Táe oyúon kon sigad monia tua in dinumudui kon i Paulus bo nopirisaya kon i Yesus. Mosia tua in ki Dionisius tobatú anggota in majelis Areopagus, bo ki Damaris, tobatú bobay kon tua takin tongonumai doman intau ibanea.

SURAT I PAULUS KON JAMAAT RUM 11:29

Sin aka ki Allah momiḻí kon intau bo mobogoi in barakat kon intau tatua, yo diábí kon dodai in onda in Sia mogamá bui kon onu inta ain pinomia-Nea.

KORINTUS 1 1:20

Dá aka natua yo diá bidon in baraguna monia? Intau mita inta mongopandoi bo intau mita inta nonotaau kon bayongan in yagi-yagi? Sin pinoniatadon i Allah kon kapandoian intau kon dunia naa diábí in baragunanea!

KORINTUS 1 2:13

Tuamai, aka kami bo moginsilang kon kaadaan i Allah kon intau mita inta ain kinawasa in Roho i Allah, yo kami in diábí mosingog podudui in kabijaksanaan in intau, táe pinoduduibí kon onu inta ain sinundú in Roho i Allah.

KORINTUS 1 2:8

Diábí tobatúmai in pongawasa in dunia naa in nokotaau kon soaḷ kabijaksanaan tatua. Sin aka kinotaauandon monia, yo tantú diábí pinopopakú monia kon kayu pinoyotaḻempang in ki Tuhan inta momulia tua.

PILIPI 4:22

Bayongan in umat i Allah kon kotá tanaa bo mosia inta kon komaḻig i Kaisar in nopoyaput doman in salam kon i monimu.

YAKOBUS 2:5

Toropdon, Utatku mita inta kinotabiku! Intau inta nobiag nobogá kon dunia naa, piniḻí i Allah mobaḻí intau inta mooyúon kon bonu in pirisaya. Intau mita tatua in mobaḻíbí anggota in umat i Allah ná inta pinodandi i Allah kon intau mita inta kinotabi-Nea.

YOHANES 2 1:1

Kon i Iná inta ain piniḻí i Allah bo kon i adínea mita inta kinotabiku. Surat tanaa in nongkon inakó, tobatú itoi in jamaat inta totu-totuu motabi kon i monimu. Deemanbí tongá akuoi in motabi kon i monimu, táe bayonganbí doman intau inta totu-totuudon nonotaau kon i Allah.