KORINTUS 1 1:20 - Alkitab Singog In Mongondow Masa In Tanaa

²⁰ Dá aka natua yo diá bidon in baraguna monia? Intau mita inta mongopandoi bo intau mita inta nonotaau kon bayongan in yagi-yagi? Sin pinoniatadon i Allah kon kapandoian intau kon dunia naa diábí in baragunanea!

KORINTUS 1 1:20 Mawu Ofanana

SAMUEL 2 15:31

Naonda in pinotaaudon kon i Daud kon ki Ahitopel in sinumakin doman kon komplotan i Absalom, nosambayangdon in ki Daud nanaa, “Oo, Tuhan, poigumon mako poyayúon-Mudon in tonggina i Ahitopel!”

SAMUEL 2 16:23

Kon tungkuḷ intua bayongan tonggina i Ahitopel sinarima naonda bo tosingogon i Allah tontaní in tosingogonnea tua; pinomayá ki Daud andeka ki Absalom dumudui kon tongginanea mita.

SAMUEL 2 17:14

Nokodongogmai kon tua in ki Absalom bo bayongan intau in Israel yo noguman in mosia, “Tonggina i Husai in mopia-pia in tonggina i Ahitopel.” Totuu, ki Tuhan ain nonantú kon mogindiá kon tonggina i Ahitopel inta mopia tatua, sinbá ki Absalom in kotugatandon in bodito.

SAMUEL 2 17:23

Naonda in kinotaauan i Ahitopel kon tongginanea in diá dinuduian, sia nopopakédon in ḷoḻitúan kon keledainea bo nobui kon kotánea tontaní. Naonda in noginḷapat mako kon bayongan in oaidannea ginumantongdon in sia, bo iḷobong kon bonu in poḷoḷobongan kon inanakannea.

AYUB 12:17

Irabut-Nea in hikmat kon pomarenta mita inta nongawasa, bo itoi mita binaḻí-Neadon kosingan in intau.

AYUB 12:20

Pinomponan-Nea in bibig in intau inta motoḻindat mosingog, irabut-Nea in hikmat in guyanga mita.

AYUB 12:24

Binaḻí-Nea in itoi mita notoboḻingo, dá minayá in mosia takin diá kotaauan kon onda in bayáan.

YESAYA 33:18

Ondokmu inta moiḻiu kon intau mita inta moigum kon pajak, pojabat bo pongawas ango-angoi in dongkadon toropon.

YESAYA 44:25

Akuoibí naa inta noḷamboi kon toḻindap in mononoḻindap, bo inta nopoyambá kon mogogoiní mita. Tosingogon mita in intau mobijak binayowan-Ku, kabijaksanaan monia binaḻí-Ku kabodokan.

YESAYA 53:1

Bangusa tatua in notubag, “Ki ine in mopirisaya kon onu inta ain dinongog nami? Kon i ine in pinoponiataan in kawasa i Tuhan?

YEREMIA 10:7

Ki ine in doí mopirisaya kon ini-Mu, datu in bayongan bangusa? Totuu, Iko in patusbí totok in horomaton. Nongkon bayongan inta mopandoi kon sigad in bangusa mita bo nongkon bayongan in datu mita monia, diábí in tobatúmai in motaau popotongkaian kon ini-Mu o Tuhan.

MATIUS 13:22

Bibit inta noḷabú kon yua-yuak in díat, tua in mangaḻenea, intau inta nokodongog kon Pirman tatua tongá mohawatir kon kapunyaan kon dunia naa bo moibog mobiag mooyúon. Ibog monia kon in dunia tua in monisí kon Pirman tatua, dá diá momungai.

YOHANES 12:31

Tanaa in wakutuneadon dunia hakimon; bo tanaadon mako in mongongawasa kon dunia naa pogarabdon kon ḷuai.

OUMAN IN RASUL MITA 17:18

Guru mita nongkon golongan in Epikuros bo Stoa nobobayowanmai takinnea. Oyúon kon sigad monia tua in nosingog nanaa, “Eta onubí in kotaauan in intau mita tanion? Mosia nion in dondunguḷbí mita, táe moantó in ouman!” Bo ibanea in moguman doman, “Sia nion ná bí mopotaau in dewa ibanea.” Tua mita in singog monia sin ki Paulus nopotaau in habar soaḷ ki Yesus kon i monia bo soaḷ doman kobiagan naonda in matoi.

SURAT I PAULUS KON JAMAAT RUM 1:20

Pinangkoipamai in Sia nomaḻí kon dunia naa, sipat mita i Allah inta diá koontongan, ná kaadaan-Nea saḷaku Allah bo kawasa-Nea inta mononoi, kinotaauan bidon in intau nongkon bayongan inta pinomia-Nea tua, sahingga intau in diábí motaau in dumodia.

SURAT I PAULUS KON JAMAAT RUM 1:22

Iraimai monia mobijaksana bidon in mosia, bokaka mosia tua in nobodokbí.

KORINTUS 1 1:19

Sin kon bonu in Buk Motusi, ki Allah in noguman nanaa, “Poyayingon-Ku in kapandoian intau mita inta mongopandoi, bo onu in kinotaauan in intau mita inta norosikoḷa, daiton-Ku popoḻiong.”

KORINTUS 1 1:26

Utat! Toropka bui monimu naonda in kaadaan monimu wakutu inoiní i Allah. Tongábí topiḻik in intau kon sigad monimu in mopandoi, ande oyúon in kawasa, ande koḷoḻitúan moḷantud kon sigad in intau moantó.

KORINTUS 1 1:27

Sin sinuodbí i Allah piniḻí in intau mita inta inanggap in dunia naa nobodok, sinbá mosia in mokopooyámai kon intau mita inta mongopandoi. Bo sinuodbí doman i Allah in momiḻí kon intau mita inta inanggap in dunia naa diá mokopongonu, sinbá mongooyá in intau mita inta mongoropot.

KORINTUS 1 1:28

Ki Allah in nomiḻí kon inta inanggap noompá, nohina, andeka inta inanggap diá moponting in dunia naa.

KORINTUS 1 11:32

Táe aka hukumon i Allah, yo tua in didikan-Neabí kon i naton, sinbá diá hukumon in kita moyotakin in dunia naa.

KORINTUS 1 2:6

Umpaka, natua yo umuranbí doman oumanon in soaḷ kabijaksanaan i Allah kon sigad in intau mita inta totu-totuudon nopirisaya. Táe deemanbí kabijaksanaan in dunia, andeka kabijaksanaan pongawasa mita masa in tanaa, inta kawasanea in moinggamábí.

KORINTUS 1 2:8

Diábí tobatúmai in pongawasa in dunia naa in nokotaau kon soaḷ kabijaksanaan tatua. Sin aka kinotaauandon monia, yo tantú diábí pinopopakú monia kon kayu pinoyotaḻempang in ki Tuhan inta momulia tua.

KORINTUS 1 3:18

Donaai tobatúmai in monguboḷ kon awaknea tontaní. Aka oyúon in kon sigad monimu in monganggap mobijaksana in sia podudui in raian intau, yo intau tatua in mustibí tumekeng bodok, sinbá totu-totuu mobaḻí mobijaksana in sia.

KORINTUS 1 3:19

Sin kabijaksanaan in intau kon dunia naa diábí in baraguna kon i Allah. Kon bonu in Buk Motusi in pinais nanaa, “Ki Allah in mojebak kon intau mita inta mongobijaksana podudui in pandoinea tontaní.”

KORINTUS 1 6:2

Andeka degá diábí kinotaauan monimu kon intaubí inta mopirisaya kon i Allah in mohakim kon bayongan intau kon dunia naa? Dá aka moiko bo motaau mohakim kon dunia naa, yo nongonu sin diábí paḷuton monimu in pelekara mita pongadilan inta diá in mangaḻenea tua?

YAKOBUS 4:4

Moiko nion in intau inta diá mosatia! Diá kinotaauan monimu degá kon aka moiko moyobayat in dunia naa, yo moiko in mobaḻí saturu i Allah! Dá ki ine in moibog mobaḻí yobayat in dunia naa, yo mangaḻenea kon tua, baḻíonnea in sia saturu i Allah.