KINOBAḺIAN 28:11 - Alkitab Singog In Mongondow Masa In Tanaa

¹¹ Kon dodai in mata in singgai sinumoyopdon nodapotdon in sia kon tampat tobatú, bo nogogai in sia kon tua. Inumuḻid in sia sin mosiugdon; sia nonguḷun kon batu tobatú.

KINOBAḺIAN 28:11 Mawu Ofanana

KINOBAḺIAN 15:12

Naonda in mata in singgai ain momangkoi tumoyop, ki Abram in noḷoḷot. Bo daḻíbí in sia inagían totok in ondok.

KINOBAḺIAN 28:18

Nobangon monik doḷo-doḷom, ki Yakub sinimindog, bo nogamá kon batu inta pinakénea pinonguḷunan bo pinosindognea nobaḻí tobatú tompoingat bodongka pinobutakneadon in ḷana zaitun kon tudu in batu tatua.

KINOBAḺIAN 28:19

Tampat tatua sinangoiannea Betel. (Koḻipod tangoinea Lus.)

KINOBAḺIAN 31:46

Bo sia in nopotabá kon intaunea mita nosipun kon batu bo ginuntuḷ kinoḷantud. Nopaḷut mako kon tua mosia in nongaan noyotakin kon diug in guntuḷan batu tatua.

MATIUS 8:20

Ki Yesus in noguman kon inia: “Serigala oyúon in bubúnea, bo ḷagapan oyúon in pugadnea, táe ki Adí Intau diá in tampat posiugan-Nea.”

KORINTUS 2 1:5

Yoyiga inta kinorasaan i Kristus nobayong domandon in kinorasaan nami. Lantaran ki Kristus tua, dá gina nami nobaḻídon noropot.