Biblia Todo Logo
Baibulo la pa intaneti

- Zotsatsa -




IMAMAT 9:23 - Alkitab Singog In Mongondow Masa In Tanaa

23 Onda intua ki Musa bo ki Harun sinumuot kon bonu in Ḷoḷaigan i Tuhan. Nopaḷut mako kon tua mosia iḻumuai bo nomarakat kon umat. Bo bayongan umat Israel nokoontong kon sindar kinoangoian i Tuhan.

Onani mutuwo Koperani




IMAMAT 9:23
10 Mawu Ofanana  

Naonda in ki Datu Salomo nopaḷut mako nosambayang, tuḷú namonagdon nongkon ḷangit bo nomokak kon kuruban mita inta pinosumba kon i Tuhan. Bo sindar kinoangoian i Tuhan nomuḻing kon Baḷoi Tuhan tatua,


Koyogotpa in ki Harun nosingog kon i monia komintan, mosia nobobui kon padang gurun bo daḻídon inontong in sindar i Tuhan kon bonu in goḷom.


Pinirikisa i Musa intua komintan bo inindoianneamai yo inaidan monia intua notongkai totok ná inta ain pinoki aid i Tuhan. Bo binarakatandon i Musa in mosia.


Potabá in mosia moposumba doman in sapi koḷakian tobatú bo bembé koḷakian tobatú mobaḻí kuruban dodamean. Tua komintan in musti posumba monia kon i Tuhan poyotakinon in kuruban oḷudon inta pakéan in ḷana, sin kon singgai naa ki Tuhan mamangoi kon i monia.”


Bo ki Musa in noguman, “Ki Tuhan nopotabá nokiaid in naa kon i monimu sinbá moiko mokoontong kon sindar koangoian i Tuhan.”


Bayongan umat nonontot kon mogarab in batu kon i monia dapot in matoi. Táe daḻídon intau mita tatua nokoontong kon sindar i Tuhan nomuká kon ḻimonik in Ḷoḷaigan-Nea.


Onda intua ki Korah nosipun kon bayongan umat bo mosia sinimindog noyogintayow i Musa bo i Harun kon tayowon in Ḷoḷaigan i Tuhan. Daḻíbí in bayongan umat nokoontong kon sindar i Tuhan inta mokotuḷow.


Koyogot in mosia noyosipun sin moḷawang kon i Musa bo kon i Harun, mosia nobobui kon Ḷoḷaigan i Tuhan, bo nokoontong kon goḷom inta noikoḷob kon Ḷoḷaigan tatua, bo kinoontongandon in sindar kinoangoian i Tuhan.


Titsatireni:

Zotsatsa


Zotsatsa